搭完吊車後，我地就黎到Salzburg第二個一定要到既地方 — Trick Fountain喇！有Salzburg card當然又係免費啦！搭25號巴士好快就到。
入到黎Trick Fountain，可以話係遇左濕身！睇下d細路，無端端就比水噴到濕哂喇！
不過無論你幾小心都好，都係會濕既，因為你唔會知道d水係邊度射出黎…例如下面個鹿頭，就係一個噴水既地方
最奸險都可能係依條路喇，唔好以為你一衝倒過去就無事！當你一過到去，佢就會係終點噴水…你一定濕！
玩完Trick Fountain 後就出番去出面，有個幾舒服下既公園，不過無咩野睇，求其行下就去搭巴士番市區lu！因為仲有好多個景點呢！
巴去入面~ 有Salzburg card既只要show一show比司機睇就得
番到Salzburg市中心，我地就周圍行下，又去左好多Salzburg card免費既Museums…不過d museums實在太無聊喇，我係度都唔多講，你地去到就知了…
Mozartplatz
行下行下就行到黎Salzburg Castle喇，依個亦都係黎到Salzburg一定要到既地方啦，因為上到上面可以見到成個Salzburg最靚既一面。
不過，上去之前都係要醫下肚先…成四點鐘都無食過野，早餐又只係飛機餐粒走既個個包…真慘
我地食左兩個熱狗，加埋6.5euro。都好好食同好飽呀，係間野熱左少少。個Waiter係都要幫我地影相”””
食飽就行得~~我地坐依架纜車上山，當然Salzburg card又包埋架啦~~
上到上面既風景，唔洗講啦。
我覺得個城堡入面反而無野好睇，所以都係post多幾既風景照啦。
落番山，食番杯1歐雪糕先~~依條就係紀念品大街，成條街都係紀念品鋪，我全部都行哂，發覺價錢都幾貴。
因為時間關係，我地用唔盡Salzburg card既景點，最後黎Mozarts Geburtshaus，就係Mozart既Museum啦。
入面有好多Mozart用過既野。
一口氣一日內去哂Salzburg所有景點，超累…….不過洗得咁少錢去到咁多地方，咩都抵番哂啦！
哇, 個castle好吸引!!
Salzburg Castle好易去，個景好靚。