話咁快，我地就黎到瑞士行程既最尾兩日。我地今日一早就離開在Winterthur的Jenny’s Home，搭火車經蘇黎世到瑞士首都伯恩(Bern)。伯恩只係今日既中途站，我地今日最後係會回到日內瓦的。我地搭0925既火車，於1058到達伯恩。在伯恩火車站寄存行李後，就行出火車站開始伯恩半日遊了。
伯恩（ Bern ）位於瑞士西部，是該國首都及僅次於蘇黎世和日內瓦的第三大城市。雖為首都，但伯恩卻流露出一份小鎮的質樸風情，有古老的傳統小街及有上百年歷史的拱廊樓房，其舊城區亦早在 1983 年獲聯合國教科文組織（ UNESCO ）評為世界文化遺產， 故當地可說是集古今文化特色於一身。
我地第一站黎到鐘塔，建於十二世紀，是當時的城門，但隨著城市擴建，便指留下塔樓。底盤部份仍是伯恩最古老的建築之一，時鐘在十六世紀掛上的。不愧是以鐘表聞名的國度。
我地等到11:56AM，鐘塔最長既表演就會開始，都有幾多人等睇表演。
表演開始，只見幾個公仔走出黎，又走番入去，完全廢的……睇黎都哂時間…….
伯恩建於西元 1191 年，關於它的取名有兩個說法：第一個傳說是建都的扎林根家族準備在亞勒河畔建一個新城，並以獵殺的第一頭動物命名，據說最先被獵到的是一隻老鼠，但將之廢除，後來獵到一頭熊後便正式定名，而熊的德文就是 Bern，而第二個說法是札林根家族是從意大利的 Verona 搬遷過來，而 Verona 的德文就是 Bern。
我地沿住伯恩的中央大街Kramgasse行，一路就會見到多個唔同公仔造成既噴泉，伯恩市區有多達100座噴泉，特別以中央大街的11座最為出名。
途經愛因斯坦故居，因Swiss Pass無包，所以無入去。
旗手噴泉。
旗手噴泉旁就係市政廳，同天主教堂。
行番出大街，兩邊都是掛著國旗的古老建築，非常有特色。
行到最盡就會到達伯恩半島盡頭既Aare River。
橋上既景色好靚呀！
橋面係好有特色的磚頭鋪成。
一行過橋就會到達熊公園了。不過，當我地到達熊公園時，覺得都係時候食Lunch了，而咁岩熊公園內有個Tourist Centre，我地就問佢邊度有得食伯恩最出名既伯恩拼盤Bernerplatte啦！佢就介紹我地去熊廣場旁的Chez Edy餐廳。
我地搭巴士去到熊廣場(Swiss Pass市內巴士全包)，好快就搵倒佢地介紹既Chez Edy餐廳了！
坐底睇下餐牌，就決定我地兩個淨係order一個伯恩拼盤，因為一個伯恩拼盤已經要40CHF (~330HKD)
依個就係黎到瑞士首都伯恩首都必食既伯恩拼盤了！
【伯恩拼盤：一場美食的慶典】
火腿、煙肉、排骨、豬腳、大腿骨、酸菜、豆、馬鈴薯 – 伯恩拼盤(Berner Platte)是一個美食盛宴。它的出現可以準確地追溯至1798年3月5日。在這天，伯爾尼人於諾埃內格(Neuenegg)打敗了法國的軍隊。為此慶祝，他們舉辦了一場盛宴。所有人把能吃的都帶來，就成為了伯恩拼盤。值得感欣的是，至今它仍然存在於餐牌中。
非常多肉既一餐，我地兩個成個禮拜都無食過咁多肉，不過都幾好味，係d酸菜真係酸左d！不過難得到達伯恩，有機會試到當地傳統美食，真的不錯。
食到飽哂就行番出去，對面就係聯邦大廈。
我地搭巴士回到火車站，諗住再轉巴士去玫瑰花園。有人話者會問我點識搭咩巴士呀？其實去到行下市區後，你就會發現d巴士黎黎去去都係行個幾條路，睇清方向就可以上車，你會發現買Swiss Pass係好過買半價證好多，因為唔洗擔心買飛問題。
火車站下係一個好大既商場，我地都係度行左一陣。
在火車站旁搭10號巴士就可以去到玫瑰花園。
在玫瑰花園Rosengarten站下車，行幾步就會到達公園內。
非常多的花。
來到這個伯恩的最高點，除左睇到各式各樣的玫瑰之外，仲可以由此欣賞到被Aare RIver環繞的伯恩古城全景。
很有歷史味道既古城，同捷克既Cesky Krumlov類似。
我地沿住玫瑰花園行落去，就會到達熊公園了。行落去既時候，見倒有個香港人帶住個老人家行上去玫瑰花園，我見倒都覺得佢地辛苦，又熱又曬，行程安排點都係由上面行番落黎吧。
去到熊公園，當然是睇熊吧！
熊樂園是瑞士的一個遠近聞名的旅遊景點。 2009年建成了一個6000平方米的現代化公園，與熊樂園有一個隧道相接，熊樂園裡的熊可以自由地在熊樂園和公園之間穿行。
伯恩不惜重金花費修建了一個現代化的樂園，在樂園裡熊寶貝們可以攀爬，捕魚，玩耍，累了還可以回到原來的熊樂園中休息。這個6000平方米的公園從之前古鎮對面的阿勒河岸上的熊苑一直延伸到河邊。
我地係上面就見倒熊有游水，不過我地無行落去，因為懶得就懶，實在太熱了！
我地在熊公園對面既巴士站搭巴士去大教堂。大教堂前方係摩西噴泉。
伯恩大教堂是一座哥德式大教堂，位於瑞士首都伯爾尼市中心南部，北臨座堂街，西面的正立面主宰著座堂廣場。教堂用砂岩砌築，長84.2米，寬33.68米。始建於1421年。其鐘樓高達100.6米，直到1893年才完成。它是瑞士最高的教堂，被列為國家文化財產。
我地入去一陣就出番黎了，並無比錢上到塔頂。
在大教堂一路行去博物館群，又要過河。
我地去到伯恩歷史博物館。
佢地咁岩做緊兵馬俑展，諗住可以睇下兵馬俑啦，點知….
個notice寫住佢地同Swiss Pass傾唔掂數！所以無得用Swiss Pass入去！WHF….
我地退而求其次去隔黎既通訊博物館(Swiss Pass免費)。
通訊博物館比我地想象的好玩好多！有好多唔同既野睇同玩，又無咩人，我地任玩無人爭。
我們的唔同表情XD
依個催眠機可以令人身體放鬆，好舒服，我訓到唔想走。
玩完通訊博物館都4點半了，去唔切隔黎既自然史博物館，我地搭巴士番中央大街。
買左一個伯恩水晶球^^
我地趕得切搭17:04既火車去日內瓦，18:45到達。由於我地第一日已經到過日內瓦，所以好快就搵倒我地今晚住既Hostel – City Hostel Geneva。
非常喜歡這間Hostel，行去火車站只需10分鐘，搭電車都只係一個站。我地book左一間雙人房，一晚都只係38CHF一間房！房間有窗有洗手盤，正！仲有免費Wifi。
好少瑞士Hostel有Kitchen，我地就好快整左一餐晚餐。
公共廁所整潔衛生，正！
聽日將會係我地在瑞士的最後一日，我地會行哂成個日內瓦！
經驗分享：
- Bern的所有公共交通Swiss Pass都免費。如有Swiss Pass，要善用公共交通。
- Bern最好先搭巴士去玫瑰花園再行落熊公園。
- Bern火車站內有雞脾買！
- 強烈推薦去Chez Edy食伯恩拼盤！
- 日內瓦我住過City Hostel Geneva同YHA Youth Hostel，City Hostel比較推薦。
瑞士快速連結 (D1 = Day 1)
Like this:
Like Loading...
