小夏載克~文根健行
Kleine Scheldegg (KS)~Wengen
起點海拔：2061 m
終點海拔：1275 m
高低差：786m
時間：2小時
我們從少女峰山頂到達KS大概是下午2時，天氣依然非常好，只不過有d熱，KS這個時候非常熱鬧！
我地一落車就同少女峰三山影下相先。
影完相有d肚餓，搵野食，有好多露天餐廳。KS除左餐廳外，仲有幾間紀念品鋪。
我地決定係度食瑞士既名菜Rosti，一碟15.5CHF，我覺得唔錯，Rosti係瑞士菜中值得推薦既一種。
食完飯就起行喇！
我地一路沿住右邊既鐵路行落山，左邊係近在眼前既少女峰三山，非常美麗。
久不久就有火車落山。
行左20分鐘倒，依個view都應該係望少女峰最靚既一個了！
一路行落山，山峰既懸崖高聳入雲，壯觀。
沿途仲有五彩盛放既花草，讓人充份體驗到健行既美好同樂趣。
再行落d，在左邊就會見倒好多牛。
d牛郁既時候會叮叮當當咁發出聲音。
d牛唔怕人，你行埋佢度都得，不過好多烏英。
行過左少女峰後，就會到達Wengernalp車站。Wengernalp車站入面有餐廳，特製既香腸幾出名下，可以一邊食，一邊欣賞少女峰。
過左Wengernalp車站後，就會發現周圍樹木開始增多，依一帶就無法欣賞到附近既景色了。
沿途有小木屋。
由KS行左大概一個半鐘倒，就會遠處見到Wengen文根鎮了！
Wengen係一個山上小鎮，好有渡假feel既地方。
左邊有個好得意既山突出黎！
越近Wengen，就越多屋，家家戶戶都用花朵妝飾露台，令人心情愉快。
行左2個鐘，終於到達終點站Wengen，即刻去Coop超市買Evian飲先！
休息左一陣後，就行下Wengen大街，Wengen整個村莊都無外聯道路，交通只有火車，馬車同電動車，所以係零污染，寧靜既地方，下次黎少女峰，絕對可以選擇住依度！
Wengen大街有幾間紀念品店，其中一間有意外收獲！一個Wengen特色水晶球，好特別，好鍾意！
之後我地就搭火車番Lauterbrunnen (Swiss Pass免費)，再到Coop買今晚既晚餐，番Valley Hostel煮飯了。由於我地今晚多d時，可以煮得好好食呢！
先是煮香港帶來的Rissotto！
收水！
勁好味！
有忌廉湯。
有生菜。
有罐頭。
好豐富的晚餐！！
食飽飽後，仲早，我就再去行下個瀑布，太方便了！
今日既行程話多唔多，但係行山好累，結果好快就訓著了……！
經驗分享：
- KS至Wengen一段山路非常易行，大人細路都可以行。
- Wengen<>Lauterbrunnen Swiss Pass免費，但Wengen<>KS就只有75折。
- KS既Rosti幾好味，我覺得可以盡量唔好在少女峰食野，落到KS先食。
- Wengen唔係行過既話唔洗特登去，只是一個小鎮而已，而Wengen最靚既地方係要在山徑上從遠處影埋去，而不是在鎮內影。
下一篇：我地將會去欣賞我認為全瑞士最靚的湖 — Bachalpsee！記得留意呀！
瑞士快速連結 (D1 = Day 1)
【序】瑞士塵世美>金錢洗費>機票篇>【D1】日內瓦>【D2】洛桑>沃韋朝聖山>策馬特Youth Hostel>【D3】馬特洪峰觀景台>黑湖-策馬特健行>【D4】康娜葛德觀景台>羅登波登-利菲爾堡健行>盧達本納Valley Hostel>【D5】盧達本納兩大瀑布>布里恩茲湖遊湖>【D6】少女峰>小夏載克-文根健行>【D7】佛斯特(First)觀景台及巴哈阿爾普湖畔>【D8】歐能辛湖/藍湖>圖恩>【D9】琉森市內遊>【D10】琉森交通博物館及瑞吉山>【D11】蘇黎世遊>Winterthur民宿推薦>【D12】修道院之城聖加侖(St.Gallen)>萊茵河寶石施泰因(Stein am Rhein)及步行去德國康斯坦茨(Konstanz)>閃耀萊茵瀑布的國慶煙花@沙夫豪森(Schaffhausen)>【D13】列支敦斯登>海迪故鄉邁恩費爾德(Maienfeld)>【D14】首都伯恩(Bern)>【D15】日內瓦一日遊>【D16】瑞士16日自由行總結