Day 4.2 – 羅登波登(Rotenboden)~利菲爾堡(Riffelberg)健行【瑞士自由行強烈推薦】

羅登波登~利菲爾堡健行 Rotenboden~Riffelberg 起點海拔:2815m 終點海拔:2582m 高低差:233m 時間:1小時 九點都未到就由Gornegrat搭火車到達Rotenboden,開始一小時既短程健行。其實一開始plan行程既時候係打算由Gornegrat行到落Zermatt的,不過之後發現其實成條步道中最靚既一段其實只有Rotenboden到Riffelberg一段,所以決定只行此段。 一行出Rotenboden車站,就見到一片青草地,仲有好多羊咩咩。不過羊咩咩都幾驚人,我一行埋去就走開… 馬特洪峰就在眼前,我地沿住步道行落山。 除左我地之外得好少人,10隻手指都數得哂。 步道都幾多碎石,不過尚算易行。 行左10分鐘倒,就見倒今次行山路徑既重頭戲 — 「顛倒的馬特洪峰」 Riffelsee (利菲爾湖),平靜的湖面反映著馬特洪峰,海天一色,一幅美麗的大自然傑作。 望著如此絕境,真係要好好享受。 我地當然要搵個最好既角度影相啦。咁早一個人都無,真係好,鍾意點影都得! 三角朱古力,行山添活力!(山上舊雲好似一個人在跑步咁XD) 係我地影到忘我境界既時候,有對瑞士夫婦係隔離,我就問佢可否幫我地影相啦,結果….佢影完一張又一張,仲要唔同角度行遠行近,超Professional!好多謝佢幫我地兩個影一輯靚相! 好靚! 就算留幾耐都好似唔夠咁! 離開左利菲爾湖後,行多5分鐘又見倒另一個湖,都係叫利菲爾湖。 不過依個湖就無第一個咁有睇頭了。 不過一樣可以見倒倒影。 一路行都有好清楚既標志,一定唔會迷路,除非你連英文都唔識睇。 一路行一路行,被瑞士名山包圍的感覺真好。 向著超震撼的冰河景觀前進,人生幾何。 Riffelberg車站看倒了! 最後一部份沿住列車軌道行。 一有車到我地就同佢地揮手! 行左一個鐘頭倒,坐係牛牛度等火車。 搭火車落番Zermatt,約11點倒落到山。 去左Coop買我最愛既Ice Tea,500ml 都只係0.45CHF!(4HKD) 在火車站前有人表演瑞士音樂。 食完M記後,我地行番Hostel拎行李,離開Zermatt。 見到馬特洪峰未到12點就已經被雲遮蓋!所以記住要早d出門玩喇! 馬特洪峰已宣布被雲層包圍,不過已經唔關我地事了 我們搭火車離開Zermatt,經Visp到達Interlaken Ost站。由於我要去Zurich搭飛機去倫敦做Presentation,所以一日後先會在Lauterbrunnen同小盈會合,之後幾篇blog將會是由小盈代筆! […]

Read More