5星級酒店 – 千禧新世界香港酒店 【630蚊一晚最低層無景房】

今日來到位於尖沙咀東海傍的千禧新世界香港酒店,前身是日航酒店,由於我們這次主要都只是想過下酒店癮,所以一心只想以最平的價錢入住,我們在訂房網站預訂,用咗discount code之後是$630.5,因為這間是訂房網站的VIP酒店,可以用Double積分,用完僅有的積分,埋單只需要$268就可以了,二百多元住一間五星級酒店,所以我的期望真是不會太高,預了沒有景觀,沒有早餐,亦都不會有Upgrade。

Read More

5星級酒店 – 香港朗廷酒店 【零房價體驗!】

今日來到位於尖沙咀北京道的香港朗廷酒店,雖然酒店位於尖沙咀,但是我自己就覺得位置上不算方便,好像我這樣,由尖沙咀地鐵站走過來,都要大概十分鐘,而酒店最大的問題是四面環樓,所以無論任何房間的景觀…er…沒有的,不說不知,原來朗廷酒店是一間香港福布斯四星級酒店,這裡我會說是有少少擲界的,相信評審都是給他們的英倫宮廷式設計大堂所吸引,的而且確,香港是很少這種設計的酒店,而比較最近新開位於炮台山,以難吃自助餐和土豪風聞名的誠哥亞歷山大酒店,這裡的設計就相對上叫做沉實許多,沒有他們這樣浮誇。

Read More

5星級酒店 – 香港萬麗海景酒店 【$878包雙人早餐下午茶黃昏Cocktail】

今次我想同大家研究一下,究竟一間五星級酒店,係咁既時勢係點賺到錢,話說我哋喺10月2號長週末入住香港萬麗海景酒店,當時一晚價錢係1678蚊,而我哋係之前以750蚊買咗一張價值1500蚊嘅現金券,所以總共只係需要878蚊,就入住到普通泳池景房,加自助早餐,再加Club Lounge Access,呢個貴賓室仲係包咗下午茶Buffet,同埋黃昏cocktail,全部都係無限任食。講真,平時兩個人喺間靚靚仔仔嘅餐廳食餐晚餐,都已經要八百幾蚊兩個人啦,何況係喺五星級酒店全海景嘅貴賓室入面食,究竟酒店係點樣賺到錢嘅呢,今次同大家分享一次性價比極高嘅Staycation之餘,亦都想同大家分析一下酒店係咪真係要蝕住做。

Read More

5星級酒店 – 香港迪士尼樂園酒店【小朋友遊戲房間泳池GYM餐廳早餐晚餐全接觸】

今日帶大家探索一間大人細路都鍾意,充滿童話色彩嘅迪士尼酒店,雖然位置都幾偏僻下,但係要去都尚算方便,一出迪士尼站就會見到免費穿梭巴士嘅指示,行大概三分鐘,就會見到去迪士尼酒店嘅黃巴士,班次大概15分鐘一班。唔係講笑,搭緊巴士嘅時候真係堅有去渡假嘅感覺,遠離煩囂,落車走入酒店大堂,見到大堂雍容華貴,樓底非常之高,處處都係米奇老鼠、各種卡通人物,同埋華特迪士尼嘅特色裝飾,酒店嘅所有人員都著住迪士尼服裝,而且下午嘅大堂,每隔一陣就會有米奇老鼠同埋唐老鴨嘅音樂表演,立即吸引咗大人細路嘅眼球,小朋友仲會跟住佢哋唱歌跳舞,所以我會話,如果想遠離煩囂渡假的話,特別如果係親子Staycation,迪士尼酒店絕對係不二之選!今次其實係阿妹邀請我嚟拍片嘅,因為佢哋兩公婆慶祝一週年結婚紀念,所以特登畀多咗799蚊酒店,酒店就會為佢哋佈置好房間,Check in嘅時候,仲免費upgrade咗去Deluxe Room。

Read More

4星級酒店 – 香港金域假日酒店Holiday Inn Golden Mile入住報告

今日要同大家介紹嘅係位於尖沙咀嘅香港金域假日酒店,即係尖沙咀嘅Holiday Inn,原來依間四星級酒店喺1974年就已經開業,不過最近喺2018年就裝修過,雖然外觀其貌不揚,但係大堂同埋房間嘅裝修都好新,酒店一共有621間客房同埋十間套房,而喺地下低層有一個Lounge,天台亦都有露天泳池、健身室、宴會廳等等嘅設施。 去片!

Read More