Day 08.3【Queenstown遊記】皇后鎮纜車Skyline Gondola+ 必玩Luge斜坡車

【2017年7月30日,Queenstown,晴】

Check in了Hurley’s of Queenstown後,我們步行來到這個Queenstown不能不到的觀光纜車 – Skyline Queenstown

Skyline Queenstown可以欣賞到壯觀的瓦卡蒂普湖和遠處的卓越山風光,又可以飽覽整個皇后鎮美景,另外在山頂還有讓人充滿刺激的雪橇滑車(Luge),絕對要一到。

我們買的是來回票 + 3次坡滑板車LUGE – 個人認為3次是絕對夠了,再多也不會有意思。這個票價錢也是偏貴,遊記最後的旅遊開支會有列出。

我們一直上一直上,大約10分鐘左右就可以抵達山頂。

小晉小盈一到山頂便跑到觀景台,一看皇后鎮全景。

說真的,感覺不是很震撼,可能光線問題,應該是在早上至中午上來會比較好。

然後我們便去玩刺激的斜坡滑板車Luge。

在山頂上還有一個專門給玩斜坡滑板車的簡單纜車,不過,就算沒有買Luge票的人也是可以坐的

在小纜車上。

一路向山頂進發!

山上都有雪,但不算太凍。

這就是我們玩Luge的賽道,晉盈都是第一次玩Luge呢,聽說現在南韓也有得玩。

到山頂之後就直接拿著Luge票,這裡分成兩列,若是第一次玩必須有教學,玩初級的賽道,第二次以上就可以直接拿了車就往下衝,玩高級的賽道。教練會教導你怎麼玩Luge,基本上只要往上拉就是剎車,往下就是加速油門,超級簡單的!

我們在玩的時侯沒有影相,反正就是好玩啦!

在玩過3次後,我們坐小纜車上山,再慢慢走下山。

可以到賽道旁近距離看人玩。

還有一個方向牌拍照。

最後,我們再到觀景台看看日落,便下山了。

喜歡在山上的,也可以先吃Buffet Dinner才下山。

下山後回到市區,經過這間非常出名Fregburger,果然任何時侯都有人排隊,今天我們就不排了,明日有時間再吃。

今晚很想吃中餐,所以到了便宜的Food Court吃。

在這間泰國餐館吃。

點了這兩道菜,非常不錯。

韓國配酒樓,很想試試。

由於在Queenstown住3晚,我們到Supermarket買了紐西蘭才有的Hokey Pokey雪糕,食足3晚做肥仔XDD

超甜XP

旅遊小錦囊:

  1. Skyline Queenstown可以欣賞到壯觀的瓦卡蒂普湖和遠處的卓越山風光,又可以飽覽整個皇后鎮美景,另外在山頂還有讓人充滿刺激的雪橇滑車(Luge),絕對要一到。
  2. 由於光線方向問題,應該是在早上至中午上來會比較好,陽光可以沒有出現陰影。
  3. 在山頂上還有一個專門給玩斜坡滑板車的簡單纜車,不過,就算沒有買Luge票的人也是可以坐的!(不過要自行行落山)。

旅遊開支:

  • Skyline (1人來回票+3次Luge)(2017年7月價):52NZD (~300HKD)
  • Dinner Food Court(2人):31.8NZD (~180HKD)

下一集:【Glenorchy魔戒小鎮文青之旅】– Lagoon Circuit健行+文青cafe推薦!

 



《復活節黃山2天遊》(黃山遊記+旅遊建議)

《復活節黃山2天遊》

作者:Wong Yik Fung Patrick

細細個聽爸爸媽媽話以前成日坐火車番大陸旅行,樣樣都要平,一直都好想體驗一下佢地既青蔥歲月。今年復活清明連續幾日長假,一於揹起背包出發。而講到要又平又有靚風景,梗係去行山親親大自然。今次就揀個最出名既黃山!

黃山位於安徽省南部,最高的蓮花峰有海拔1840米。「五嶽歸來不看山,黃山歸來不看嶽。」由古至今都有不少詩人文人係黃山之巔吟詩作對,驚嘆大自然既鬼斧神工。

出發去黃山之前一定要搞清楚黃山市區入面既地方名。黃山市係包含好多小鎮地方,一般我地話去行黃山,係指黃山風景區,飛機同火車都唔可以直接到既。無論黃山既機場定火車站,都係屯溪區入面。而家愈來愈多航空公司有開香港直飛屯溪,或者可以去深圳坐內陸機,價錢平少少,來回HKD1600-2000;想慳錢體驗艱苦團坐火車,可以上網(ctrip, 芒果網⋯)或者去中旅社預訂火車飛。建議早d買飛,買臥鋪休息,CNY325一程,事關深圳去黃山要坐19小時。我就比較遲買火車飛,要坐硬座⋯坐到腰都直埋。

image1

搭咁耐,就算坐係度都要訓一訓。

image2

火車去到屯溪係朝早7:30,時間夠鬆動,先去街邊檔買d手抓餅同肉飽做早點。買既時候車站附近已經有好多工作人員問你係咪去行山叫你買車飛,又叫你幫襯買行山杖、雨褸、地圖等等。

image3

假日既話要等半個鐘至一個鐘先上到車。

image4

屯溪距離風景區都仲有一段路程,首先要搭車去湯口鎮的換乘中心,再係換乘中心搭風景區入面的專營巴士先到達風景區既山腳。你可以選擇去前山從慈光閣起步,或者從後山雲谷寺起始。至於由前山定後山起步好d呢,就取決於你會唔會係山上入住,同埋入住邊間賓館喇。

我今次就選擇左從前山上後山下。係山腳望上去已經好興奮,d雲好靚!

image26

image28

其實黃山既路比想像中安全,全部都係已開發既石路同石級,不過當然有好多好高既石級令你爬到氣喘。

image27

浴路都有好多指示牌,又有好多站崗既工作人員,唔識路可以問一問,唔使驚會迷路。

image6

上去迎客松既路段又好長既樓梯要上,個個都要中途停幾次先行得晒。

image8

好大霧,迎客松都差d睇唔到。

image9

由於陰雨天,天都峰同蓮花峰都封山,無得上去。人人都好失望,不過安全至上!

黎到傳說中既武林聖地- 光明頂!問番先知,原來黃山既光明頂同武俠小說成日提既光明頂係無關係既。哈哈!但係呢度係黃山最有名氣最熱既熱點,點都要上黎!

image10

由山腳行左6個鐘到4:30,終於黎到今晚既落腳點排雲樓賓館喇。因為旺季,好彩一早係網上訂好6人房既其中一個床位,如果唔係就要打地舖。一番到賓館就落好大雨,原本打算去排雲亭睇日落都無得睇了。

食完晚飯7點幾,個個都好早番房休息,因為第二朝要早起睇日出!希望會有好天氣啦!黃山夜晚會好凍,好多時4月份都只得0度,所以記得帶件厚褸。

image11

賓館每日都會公佈第二朝日出既預計時間,想要到心水既地點睇日出就要做好功課計好時間起身。最多人去既係光明頂,不過賓館離光明頂較遠,我最後決定上丹霞山觀日出,只需要15分鐘路程。今日既日出大約5:50,我4:30起身,梳洗一下就拎住電筒出發!

今朝繼續落大雨,知道應該無日出睇到,但係難得黎到,照樣著雨褸上山睇睇啦。因為落雨,沿路都無乜人上山。「你一個人上山看日出?一塊兒吧!」係黑暗中遇到一個上海來既小伙子,就係咁一路上山一路分享大家呢兩日既經歷,仲交換左wechat將來有機會再結伴行山。

image12

天愈來愈光,雖然睇唔到個咸蛋黃升上黎,不過都有好靚既雲海。

image13

睇完日出,收拾好行李,7:00am再出發開始今日6個鐘既行程。去到排雲亭,個天突然間開朗左好多,個雲景又吸引左好多龍友係度影相。

image14

image15

image16

經過排雲亭,走入西海大峽谷,簡直好似入左人間仙境,真係有騰雲駕霧既感覺。

image17

我強烈推薦一定要行西海大峽谷,景色比黃山區內其他景點更加特別同驚奇。由一環到二環,再走落到谷底,成段路都係沿住個懸崖壁走,真係幻想唔到以前d人點樣起d樓梯。

image18

image19

image25

由排雲亭行到去谷底要1.5-2小時,而且中途無小賣店,記住準備帶水。

image24

谷底於2011年新建左地谷纜車,遊客可以利用纜車往返谷頂谷底,盛惠CNY80。不過個人覺得無咩特別,如果你有時間同體力就行番上谷頂啦,仲有多d山洞棧道睇。

上番谷,一路行去天海、北海、獅子峰、猴子觀海。好多人特登帶埋腳架上去猴子觀海影雲海,聽講話如果好天既話呢度睇雲係最靚既。

image20

最後去埋相傳李白去過既夢筆生花、始信峰,係白鵝嶺坐索道下山,雲谷寺站搭番專營巴士出番湯口鎮。

image22

image23

差不多行左13個鐘,感覺好似係咁多年黎行得最辛苦既山,真係要趁後生有力有氣就好去。今次天氣麻麻,睇唔到日出日落,但有好迷幻既雲海,下次等晴天再黎探黃山。

 

【旅遊小錦囊】

– 如果時間許可,一定要在山上住一晚,一日遊太趕太辛苦,走馬看花。

– 比較出名既賓館有白雲賓館、北海賓館、排雲樓,質素唔錯,最重要睇你想係邊個景點睇日出日落。如果要光明頂睇日出,白雲賓館最近;丹霞峰、排雲亭近排雲樓;獅子峰既話則選北海賓館或獅林大酒店。

– 大多數人會選擇由後山上前山落,我反而建議前山上後山落, 採取先苦後甜既策略。因為始信峰、獅子峰等後山既景點比前山既光明頂、迎客松易行好多, 所以第一日體力充沛就先行前山會好d。

– 另外,建議前山唔好坐索道,因為沿路會經過天都峰同蓮花峰,坐索道會錯過左呢2個山峰。而後山既就可以坐落去雲谷寺, 無乜靚景會錯過又可以體驗下坐索道既感覺(所謂索道其實即係昂坪360個d 吊車,CNY80)。

– 裝備:黃山溫差大,朝早夜晚可以降至0度,日間就有1x度。行緊山時較熱,一件短袖加風褸就夠喇,帶多一件厚褸入夜同去睇日出個時著,賓館入面就好暖唔使擔心。切忌帶太多厚衫,無用之餘又會加重負擔。另外要帶手電筒,去睇日出個時黑漆漆既。山下面有好多人會sell 你買野,例如

1)地圖。CNY5, 唔實用,買黎只係收藏用,上網download仲好。

image29

http://www.hszyr.com/map.jpg

2)行山杖,有平既木製亦有貴少少既膠/綱製。山下買平好多,CNY5, 上到山貴幾倍。上山時幾有用,個人覺得值得買,又可以留念。

3)雨褸。唔使係香港買定,去到先買,又平質地又好d,就算上山前無雨都要買定。仲有雨褲、鞋套,可以自己決定買唔買,幾蚊就可以成交。

4)勞工手套。唔使買,無乜地方要用手爬。

5)水。山上買水一支700ml CNY8,都幾貴,不過買一兩支水上去好喇,真係好重,水錢唔慳得。上山邊飲邊買啦!

6)乾糧,買定少量就夠。山上四圍都係小食店,有好多野食。記住買地道小黃瓜試試!

 

Day 5.2 – 釜山金剛公園坐纜車,東萊溫泉露天足湯

Day 5
(25/12/2013)(Wed)
金剛公園並不是釜山的熱門景點,但其實如果去開東萊,就應該到金剛公園行下了!位於東萊溫泉場後方的金剛山(海拔801.5m)山腳下的金剛公園,有一條纜車直上金剛山,可以不費任何體力欣賞整個釜山市,風景比在釜山塔上看靚好多,而且又可以行下山,來一個大自然之旅!
IMG_9553
《交通資訊》
地鐵 – 溫泉場站下車後步行15分鐘
IMG_9449
我們吃過東萊婆婆蔥餅後,本來打算去釜山大學區shopping,不過又覺得太無聊,還是去親親大自然比較好。我們搭地鐵到達溫泉場站,再步行15分鐘,就到達金剛公園了,金剛公園的正門非常容易看見。
IMG_9450
來到金剛公園,當然是坐纜車上山啦!我自從到過瑞士後,就覺得其他地方纜車真的很便宜,去到邊都想坐,想不到釜山都有。
IMG_9453
由金剛公園門口到纜車站約5分鐘,沿途都有清楚路標。
IMG_9454
看見纜車站了!
IMG_9456
我在某台灣blog看到金剛公園的纜車是每一小時一班的,但原來並不是如此,依我所見每20分鐘都有一班,不過,我並不能肯定。我們買了各一張來回纜車飛,一張7000Won(約50HKD),我覺得不貴了。
IMG_9463
等了約10分鐘,就可以上車了。
IMG_9464
纜車一路上一路上,原來金剛山真的很高,如果大風都幾搖下。
IMG_9470
上山的時候,記著坐/企後面的位置呀,釜山市的風景一流呀!!
IMG_9484 IMG_9491 IMG_9498
可以看到釜山奧運場館。
IMG_9486
上到山,就看不到釜山市了,所以要影相只可以在纜車上影。其實在山頂纜車站並沒有什麼好看的,你可以選擇行去金剛山城或是在纜車附近行下企下,而我們就決定行去金井山城最近的南門,行下山。
IMG_9502
沿途人很多,金剛山是釜山人的後花園,看到很多釜山人一家大細郊遊樂。
IMG_9504
我們跟著前面的人行小路。
IMG_9505 IMG_9509
看到一個「遺跡」。
IMG_9510
沿途都有路牌,不用擔心迷路。
IMG_9516 IMG_9518
行到半路,就會看見一個小吃店,可以在這裡補給。
IMG_9520 IMG_9523
再行多一陣,就可以看見金井山城的南門了!被指定為史蹟第215號的金井山城,位於白頭大幹的尾端邊緣。釜山的金井山在新羅文武王在位時期,由創建古廟梵魚寺的高僧義湘大師建立完成。
IMG_9524 IMG_9532
有兩位韓國靚女想我幫佢地影相,我用英文say yes,佢地好驚訝我不是靚國人,這種事在太宗台已經發生過了。始終,看來韓國人還是較少接觸外國人,還是我們太似靚國人? 不過難得有人叫我幫忙影相,當然要叫番佢地幫我們影啦!
IMG_9530
在南門磨蹭了一會,就啟程回纜車站了。
IMG_9535 IMG_9540
在纜車站等了一會,就有纜車到站,接我們下山。
IMG_9547
這一次,就要坐在纜車前了,由於太陽就下山的關係,相片更美!可以清楚看到廣安大橋,很美!
IMG_9549 IMG_9553 IMG_9558 IMG_9559
旁邊的小孩連望遠鏡都拿出來了。
IMG_9567 IMG_9571
回到山下,就在金剛公園走走,看到一些機動遊戲,不過時間關係,我們都沒有久留了。
IMG_9574
來到東萊溫泉場站,當然要到這個東萊溫泉露天足湯參觀下啦!
IMG_9575
可惜我們到達時已關門了,算吧,反正我們都沒有打算浸,只是過客吧。如果打算真的來浸的朋友,記著要注意開放時間呀。
IMG_9576
我們由溫泉場站搭地鐵回到南浦站,見還有時間,又在地鐵One Day Pass,所以決定在中央洞站出一出,參觀下這個40階梯文化觀光主題街。
IMG_9587
40階梯文化觀光主題街是從國民銀行中央洞分行,經過40階梯,一直到40階梯聽文化館,總長約450公尺的街道。40階梯附近充滿韓國戰爭時逃難民眾哀怨與鄉愁的50~60年代建築不但能夠勾起老一輩人的回憶,也成為了新一代的觀光場所。
IMG_9588 IMG_9590 IMG_9591
我們到這裡到此一遊便走了,回南浦洞參觀這次釜山之旅最後一個景點 – 南浦洞樂天百貨空中花園!
經驗分享:
  1. 金剛公園纜車(09:00~18:00),大人 – 往返7,000韓元
  2. 由溫泉場站行去金剛公園都幾遠,要帶定地圖
  3. 東萊溫泉露天足湯開放時間:3月至10月(10:00-17:00);11月至2月(11:00-16:00)