Day 5.1 – 盧達本納(Lauterbrunnen)的兩大瀑布 – Staubbachfall; Trummelbachfalle

第二朝五點幾已經醒左,望下個天有好多雲,掙紮左一陣決定放棄雪朗峰,按原定計畫去兩個在Lauterbrunnen附近的瀑布… 由於Stachbachfall八點先開門,所以再係Valley Hostel訓多陣,由Valley hostel 行去只需要10分鐘, 會經過教堂,因此可先順道參觀。 去都未到8點都已經開門,怕辛苦可以坐係度遠距離欣賞,唔怕上樓梯既話可以行上山親近瀑布,門口個度擺左d行山杖比人借來用,條路都幾斜,上到去可以見到lauterbrunnen的風景,右邊就係瀑布喇。 行到上瀑布邊的石壁上,整個Lauterbrunnen山谷都可清楚望見! 沿住石壁行,路都比較多碎石同濕滑,不過都OK既。 行到瀑布側邊!可以零距欣賞瀑布。 不過要小心唔好整濕相機呢。 逗留左二十分鐘,話行番落去,離開Staubbachfall了。 遠觀Staubbachfall。 沿途繼續行去Trummelbach Falls,風景幾靚,唔怕無聊,右邊山上仲不停有瀑布的出現。 一路沿住Lauterbrunnen山谷向少女峰方向行入去。 指示也相當清楚,行左大概35分鐘就需要過河,再行多10分鐘就到。 到了!Trummelbachfalle,隱藏岩洞中的大瀑布! 因為好早,幾乎得我自己一個人,要CHF11入場費,Swiss Pass無得減…入到去,可參觀10層激流沖刷成的峽谷,最高同最低有高達140 m 的落差! 入到去我先行上右面的小樓梯看Fall 1 之後再搭深入岩石的纜車電梯上到瀑布的中段(Fall 6同7中間),電梯入面好黑,不過渣電梯人一路同我傾計,佢話冬天瀑布會結哂冰唔開門…””” 出lift之後一個個view point就會出現,你會聽到好震撼的聲音,水流得好急,晤知解心入面都有種好得人驚的感覺,因為水流聲實在太大,環境又暗,一路向上行就會見到最震撼的view point。 上到最頂就要落返黎,我逗留左成個鐘,影影下相,合上眼睛感受下,時間就溜走了,唔明白比我遲來20分鐘的遊客點解仲早過我走。 由Trummelbachfalle回望頭先行過黎路及Staubbach Fall。 聽到震耳欲聾的瀑布聲,水從岩縫中灑落激流搞動的水面上,不禁令人讚嘆流水的威力! 離開Trummelbach Falls行返40分鐘去返鎮中心,返hostel整理一下,就準備落山去Interlaken參觀了。 經驗分享: Staubbachfall距離Lauterbrunnen僅5分鐘路程,參觀非常方便,唯請注意濕滑的岩石路面。 Trummelbachfalle距離Lauterbrunnen比較遠,步行前往約需40分鐘,不過是一條非常舒適的步道。如不想行可以搭從Lauterbrunnen車站往Stechelberg的郵政巴士,在Sandbach站下車即到!(Swiss Pass免費) Trummelbachfalle入場費CHF11,Swiss […]

Read More

Day 4.3 – 入住盧達本納(Lauterbrunnen)的Valley Hostel

前程提要……我和小盈離開Zermatt後,一齊搭火車到了Interlaken,我地一齊係Interlaken Ost站落車。由於我要去倫敦一日做presentation,所以要即刻搭去火車到Zurich Airport,所以要同小盈道別一天。我離開瑞士既依兩日,將會由小盈代筆。—————————————————————————————————————————小盈篇:到左Interlaken之後,本來打算去coop食埋晚餐,點知小晉去Luzern 的車係3分鐘之後開出,於是就同小晉道別。我上左前往Lauterbrunnen的列車。注意,如果要去Lauterbrunnen就一定要坐列車的後半段,如果唔係就會去左Grindelwald。 坐二十分鐘就到Lauterbrunnen,係火車站已經可以見到Stachbachfall,係歐洲落差第二大的瀑布。 Lauterbrunnen係一個相當細既鎮仔,基本上行十五分鐘就可以行晒全個鎮。 Stachbachfall,歐洲落差第二大的瀑布。差唔多係邊度都可以望倒。 我地連續三晚都住係Valley Hostel,一間好好既Hostel,由於小晉早在三個月前已經book,所以可以book到全個Hostel唯一一間既Private room,非常舒適呀,個私人露臺好大,仲可近觀Stachbachfall,hostel入面唔可以著鞋,所以你最好自備拖鞋,如果晤係就要著hostel提供的拖鞋….基本上唔會洗,好多人著過….. 房間雖小但非常舒適,好有小木屋感覺! Hostel外觀。 整頓好當然要出去行行,火車站旁已經有Coop,我入去買左乾糧,打算做聽日早午餐,因為如果好天就會上雪朗峰。買完野出黎竟然落大雨,唯有急急腳返Hostel先,等左陣無雨,我就再次出去行,行左去stachbachfall下面,但無上去,留待聽日先,行完已經六點半,於是返hostel煮晚餐。  Valley Hostel好多韓國人,但唔係個個韓國人都咁nice..當日廚房入面他們霸晒d爐不特止,因為我個爐開唔著就問下隔離個個,話比我聽it’s not working就算…其他外國人入黎見到提醒我話所有爐都要問reception 拿個lighter先開到….其實講多句唔洗死姐… 經驗分享: 去Lauterbrunnen或Grindelwald既車都要在Interlaken Ost上車,要去Lauterbrunnen就一定要坐列車的後半段,如果唔係就會去左Grindelwald。無論去Grindelwald或Lauterbrunnen的車都可以用Swiss Pass (只限於由Interlaken Ost站出發) 由Lauterbrunnen行去Valley Hostel只需5分鐘,非常方便。如果Grindelwald同Lauterbrunnen要選一個地方住,我會選Lauterbrunnen。 Valley Hostel只有一間雙人房,非常搶手,皆因平靚正,一晚一間房只需約700HKD全包,又有廚房,又近超市,仲有露台望住個瀑布,超讚! 少女峰山區陰晴不定,要帶遮。 瑞士快速連結 (D1 = Day 1) 【序】瑞士塵世美>金錢洗費>機票篇>【D1】日內瓦>【D2】洛桑>沃韋朝聖山>策馬特Youth Hostel>【D3】馬特洪峰觀景台>黑湖-策馬特健行>【D4】康娜葛德觀景台>羅登波登-利菲爾堡健行>盧達本納Valley Hostel>【D5】盧達本納兩大瀑布>布里恩茲湖遊湖>【D6】少女峰>小夏載克-文根健行>【D7】佛斯特(First)觀景台及巴哈阿爾普湖畔>【D8】歐能辛湖/藍湖>圖恩>【D9】琉森市內遊>【D10】琉森交通博物館及瑞吉山>【D11】蘇黎世遊>Winterthur民宿推薦>【D12】修道院之城聖加侖(St.Gallen)>萊茵河寶石施泰因(Stein am Rhein)及步行去德國康斯坦茨(Konstanz)>閃耀萊茵瀑布的國慶煙花@沙夫豪森(Schaffhausen)>【D13】列支敦斯登>海迪故鄉邁恩費爾德(Maienfeld)>【D14】首都伯恩(Bern)>【D15】日內瓦一日遊>【D16】瑞士16日自由行總結    

Read More