旅程既第六日，一早起身行出露台，天氣非常好！諗左5秒，就決定今日上少女峰喇！我地吃過自製早餐後就離開Valley Hostel，行去火車站。
到了Lauterbrunnen火車站買飛，我們買的車飛是Wengen->Kleine Scheidegg(以後會簡稱KS)->少女峰->KS，因為Lauterbrunnen去Wengen Swiss Pass是包的，而我們打算由KS健行到Wengen，所以這樣買。上少女峰火車Swiss Pass 75折，盛惠112.2CHF，約910HKD一人！超貴的說！
上到車，由於時間尚早，都有空位。
由Lauterbrunnen至Wengen上山，右手邊可以望到很美的Lauterbrunnen山谷同瀑布。
越上越高，山谷就在我們的下面了。
到達Wengen，一個很美很寧靜的城市，下一篇遊記再介紹。
由Wengen再上KS，這裡Swiss Pass就不包的了。
好快，少女峰，艾格峰，僧侶峰三大山峰就展現眼前！
艾格峰北壁是最難攀登的一個，死過很多人….
到達KS，我們都要下車轉搭對面上少女峰的火車。
落車後行過對面上車就可以了。
少女峰專車比之前一架靚同舒服好多！同埋開始多人，好快就坐滿，如果再遲d，可能要等好耐先上倒車。
好快又繼續上山，雖然今次有3/4都在隧道入面，不過都要坐右手面，因為可以清楚見到艾格冰河。
上山了，回望KS。
車卡上有個好體貼既screen，會話比你聽架車行到幾高，去到邊個站。
一路向少女峰進發！
行多一陣，就會見倒艾格冰河。
這個冰河很細，相信好快就會消失於全球暖化之中….
上上下會經過一個人工湖。
好接近艾格冰河了。
看過冰河後，列車就會進入隧道，這個隧道在1895年就建成，超勁，一路上山去到山頂。鐵道全線有3/4都是在山壁隧道中，因此不會受風雪影響，一年365日都可以行駛。 列車第一站會停在Eigerward(艾格之壁，2320 m)，可以落車感受一下山壁的陡峭，列車停車時間是5分鐘。
第二站是Eismeer(冰之海，3160 m)，可一眼望見180度冰河的景色。
由KS出發，52分鐘後就會上到山頂，依52分鐘好快就過了。
上到山頂，即刻要著番件羽緞！
全歐洲地勢最高的鐵路車站 – 少女峰！
少女峰站是一個非常商業化的車站，有很多景點可以一個接一個地參觀，指示相當清晰。待在少女峰的觀光時間，不吃飯的話約需2小時。
穿過了一些放映室後，我們坐電梯到達3571 m高的觀景台Sphinx Terassen！
居高臨下，冰河盡見。
我地行出觀景台行一個圈，好凍！
得1.7度….我只係著住件Uniquo薄羽緞，一d暖意都無…
所以行左一陣就入番去暖下先。
好靚既水晶球呢！
牆上展示了當年因開挖隧道而死的工人，RIP。
之後我地行去玩冰洞。
我好肯定依度一定低過零度！我入左一個大冰格，救命！
好得意的影相位。
Sherlock Holmes都入左黎。
玩完冰洞後覺得出面好暖，所以就出去Plateau觀景台行下。
這個冰川叫Aletsch glacier，非常長，一路向南面伸延下去。
黎到依度，個個都要同瑞士國旗合照。
這個冰河真的很美。
好，參觀完畢，只剩下雪世界一個景點，我地就行下紀念品鋪先。
見倒一個我一定要買的水晶球！不過忍住先，去到Interlaken先買，依度買就會變左水魚了！
不過因為肚餓同流失熱量太多，點都要買野食下，我地兩人share一碟野….叫做休息下同填下個肚，一碟都要18CHF….好過去搶。
食飽飽(其實未)，我地見天色好似好過頭先，所以再行出去觀景台影下相先！
我都唔知依個係咪少女峰了。
最後，我地穿過一條好長既隧道，到達冰世界，依度好似冬天咁，滿地都是雪！
我地一路行出去，依度有好多雪地玩意。
去親依d地方都見倒依種傻人…. 雖然自己在挪威時都做過XD。
我地行出一陣就行番去了，雪地路不是太好行，隻腳入哂d雪好辛苦。
係咁高既地方，個天好藍，藍得有點不自然。
差不多兩點，我地就坐番火車落去KS，開始我地今日既下半部 – KS>Wengen少女峰下健行！
經驗分享：
- 少女峰地區有很多難記的地方名，又有不同路線，不同時間表，不同收費，一定要做好功課！
- Swiss Pass：Lauterbrunnen Wengen免費；Wengen少女峰75折
- Half-price Pass：上少女峰5折
- Lauterbrunnen至少女峰要坐右手面
- 少女峰頂同KS溫度相差20度，如果上少女峰，夏天都要帶手襪，羽緞等，仲要做好防曬，因好高紫外線！
- 上少女峰一人洗費接近1000HKD(無Pass的仲貴)，我覺得風景不夠Zermatt Matterhorn靚，兩個我會選Zermatt上山。
瑞士快速連結 (D1 = Day 1)
【序】瑞士塵世美>金錢洗費>機票篇>【D1】日內瓦>【D2】洛桑>沃韋朝聖山>策馬特Youth Hostel>【D3】馬特洪峰觀景台>黑湖-策馬特健行>【D4】康娜葛德觀景台>羅登波登-利菲爾堡健行>盧達本納Valley Hostel>【D5】盧達本納兩大瀑布>布里恩茲湖遊湖>【D6】少女峰>小夏載克-文根健行>【D7】佛斯特(First)觀景台及巴哈阿爾普湖畔>【D8】歐能辛湖/藍湖>圖恩>【D9】琉森市內遊>【D10】琉森交通博物館及瑞吉山>【D11】蘇黎世遊>Winterthur民宿推薦>【D12】修道院之城聖加侖(St.Gallen)>萊茵河寶石施泰因(Stein am Rhein)及步行去德國康斯坦茨(Konstanz)>閃耀萊茵瀑布的國慶煙花@沙夫豪森(Schaffhausen)>【D13】列支敦斯登>海迪故鄉邁恩費爾德(Maienfeld)>【D14】首都伯恩(Bern)>【D15】日內瓦一日遊>【D16】瑞士16日自由行總結