日本東京公幹一記 (20190127-30)

日本一向不是晉盈會去的地方,今次和馬尼拉的情況一樣,都是因工作需要的關係,小晉便要到東京工作四天。此遊記並不是什麼精彩的東京吃喝玩樂遊記,只為自己留下一點回憶。 如果大家真的要東京的遊記,可參考晉盈遊的以下幾篇遊記! Day 1 日本東京親子買食玩自由行(06/2015)Day 2 【親子遊東京】築地市場>淺草雷門+仲見世通>上野阿美橫町Day 3 【親子遊東京】押上晴空塔+墨田水族館>上野+涉谷shopping>六歌仙燒肉Day 4【親子遊東京】Check Out>茶寮都路里>酒酒井Premium Outlet>成田機場 星期日搭乘CX520 HKG>NRT 1015-1520的飛機,先去Premium Plaza食番個早餐先。 今次揀位搏一搏揀第一排位置,沒有被安排到後面,座位比較寬闊。 國泰的飛機餐,最好是有雪糕食。 準時到達成田機場,下機後不用等行李直出機場,搭Skyliner京成電鐵到上野Ueno Station。 今次住的是Hotel Metropolitan Edmont,近飯田橋站(Lidabashi),所以到達上野站後還要步行約10分鐘到上野広小路駅,再搭Oedo Line到飯田橋站。所以去到酒店都已經是5:30PM了,整個星期日就花在交通上! Hotel Metropolitan Edmont價錢1100HKD,房間乾淨但細,一個人住算是不錯。 Settle Down後坐地鐵到東京車站走走,聞說這裡有地下shopping街,看看有什麼好買。 走進地下街,發現有一間不用等位的壽司店,便先吃晚飯吧。 價錢並不便宜,點了一個2480yen的餐。 先來沙律。 日本的壽司真是和香港的不同,無論飯的質感以至魚片的新鮮度,真的好吃。 之後便到旁邊的藥妝店買了一些指定藥物,有得退稅。但小晉發現,原來在日退稅,退稅時護照會被亂蓋印亂打釘的!所以真的要諗諗下次退不退稅。詳情可參考:大陸遊客日本爆買藥妝!退稅時護照被亂蓋印亂打釘惹爭議 好像要去到2020年,退稅時護照才會不用被亂打釘。 在東京車站步行街行了一會,感覺賣的都是潮流用品,對小晉來說真的沒興趣,便搭地鐵到Asakusa淺草站。同事講,淺草可以看到晴空塔和遊覽淺草寺雷門。 晴空塔高634米,上面可俯瞰整個東京灣。不過對我來說,在下面看看便可以了。 淺草車站。 一路行向淺草寺,發現很多商鋪已關門,看來要行商店的朋友要早上來吧。 但晚上來的話,淺草寺的夜景還是不錯的!遊人也不多。 […]

Read More

Day 4【親子遊東京】Check Out>茶寮都路里>酒酒井Premium Outlet>成田機場

Day 4: Check Out>茶寮都路里>酒酒井Premium Outlet>成田機場 最後一日,因為5:30pm要到機場加上拖住行李,行程只有2個,去食茶寮都路里+酒井outlet血拼。10:30am去到東京站大丸百貨的茶寮都路里,早去到所以不用等位,平時聽聞要排好耐。日本有2間綠茶甜品我最愛,一間中村滕吉,最近已經登陸香港;另一間就是茶寮都路里,相信遲早都會降臨香港,唔想到時先排隊排到抽筋,黎到日本就去食喇。 綠茶!綠茶!綠茶!比起雪糕,更加令我著迷的是QQ厥餅,有黑糖漿和綠茶漿配選,兩樣各有特色。 之後去坐巴士出發酒酒井Premium Outlet。東京地鐵站20號出口,一出就見到個巴士站。建議預先check清楚邊班車岩時間,錯過左一班要等好耐先有下一架巴士,不過同鐵路一樣每一班車都好準時,香港的運輸公司真係要學下。 不需一小時,已經到達Outlet啦!酒酒井Premium Outlet出名在地理位置,位於高速公路旁邊,距離成田機場只有15分鐘車程,咁近可以血拼到最後一分鐘。不過都要記緊準時出番黎搭車去機場,唔好買到趕唔到飛機。 (http://factoryoutletstore.info/shisui-premium-outlets/) (http://www.premiumoutlets.co.jp/cht/shisui/) 先去reception放低行李,拎地圖,然後盡情shopping!coach、agnes b、polo、nike、puma、seiko… 好多好多識同唔識的牌子!不過有一個小遺憾,原來無adidas… Outlet買野,睇岩的話記住問一問店舖職員折實的價錢,好多時都有額外折扣和退稅。 買左3個鐘,真係行唔晒。如果專誠黎血拼的朋友一定要留半天至一天先行得晒。Outlet真係好邪惡,無晒現金不特上,番到香港仲有排還卡數,不過大家都買得好開心,哈哈!相比起上次去的三井幕張outlet,酒酒井相對細D少D牌子,不過酒酒井位置真係太方便,好適合一落機過黎或者最後一日黎最後一擊。 拎住一袋二袋戰利品向機場出發,最後行李超晒磅,4個大人一共8Xkg,只怪我太低估我們血拼的能力,下次去個時買機票一定會加磅! 希望各位大朋友小朋友去東京都一樣買、食、玩都咁開心!

Read More

Day 1 日本東京親子買食玩自由行(06/2015)

作者:Wong Yik Fung Patrick 上次去東京自己一個去血拼,今次帶住一家人加上只有4歲的外甥去,要留意的事項多很多,完全感受到d爸爸媽媽帶小朋友去旅行有多辛苦,尤其如果地鐵站無電梯得樓梯要抬上抬落。不過,去到各大景點都有好多人推BB車,好多都設有保管BB車的服務,唔需要太擔心。其實一家人玩得開心,辛苦少少又有乜好怕喎! Day 1: 香港>成田機場>酒店放行李>一蘭拉麵>原鐵道博物館>麵包超人博物館>新宿蟹道樂 今次第一次坐香草航空,夜機出發到東京成田機場。東京有2個機場,成田機場和羽田機場,多數香港出發的飛機都在成田降落。雖然成田機場比較遠離市區,不過如果貴少少坐skyliner一個鐘就可以出到新宿涉谷等旺區,非常方便。除左skyliner,我都推介Access Express去東京車站附近,兩者都好快好舒服。而skyliner更加有套票可以買Tokyo Subway Pass,1日/2日/3日pass 可以任搭無限次Metro及都營地鐵,不過不包括JR線。 東京鐵路網絡比香港複雜好多,由多間不同的鐵路公司營運,每轉一次不同公司的路線都要出閘再入閘,想要搭得平又要方便,一定要在出發前做點功課計一計最少出閘次數的旅遊路線。東京搭地鐵看似複雜,但只要有張鐵路圖就好清楚,好易知道要係邊個站轉邊條線,所以記住去到邊都帶住路線圖。路線圖可以係以下官網搵到。 (http://www.tokyometro.jp/en/subwaymap/pdf/routemap_tcn.pdf) 如果你無乜去郊外地區,買pass一定最抵,仲要買最多的3日,多幾百¥就可以多1日pass。套票要係機場T2京成鐵路櫃檯,詳情上官方網站參考。 (http://www.keisei.co.jp/keisei/tetudou/ckyliner/us/index.html) Skyliner同Access Express都係同一個月台上車,唔好上錯車呀。藍色車係skyliner,橙色車係Access Express。 我們的酒店住在赤板,一個較為偏僻、近涉谷的地方。由機場去酒店用了一個多小時,早上11時到酒店放低行李,出去涉谷食午餐。第一餐就當然去朝聖啦,去食好多次都唔會厭的「一蘭拉麵」。香港得2間要排隊排好耐,黎到日本就好多地方都有店。食後感:係日本食始終比較好味xd(極有可能係心理作用)。 食飽就去下一站小朋友的最愛,去橫濱原鐵道模型博物館+麵包超人館。由涉谷去橫濱可以坐東急東橫線(subway pass不包)到新高島站再行過去。去自由行一定會唔識路問人路,我們遇到一個好好人的日本太太,見我們傻下傻下,佢推著個BB囡都親自帶我們行左10分鐘去鐵道博物館。日本人其實好好人! 拎住地圖都唔識行過去,哈哈。 原鐵道博物館展覽出無數由幾十年前到而家的列車模型,面積不算大,一個小時必定走畢,入場券承惠¥1000,4歲以上小孩半價。電車鐵路呢家野,大男孩小男孩都咁鍾意! 我就覺得大開眼界超級興奮,相反女仕們就… 麵包超人館離鐵道博物館好近,行過天橋走10分鐘就到。麵包超人係日本好受歡迎,好多日本人放假都會同小朋友黎玩。因為專門招待小朋友,係reception度設有locker同幫你keep住BB車,等你玩得盡情。 一出新高島站已經有超人歡迎你。 場內就有條滑梯,外甥仔排隊玩左10次先肯走。 一共有3層,每層都有小遊戲,要小朋友搵下野、答下問題、做下動作。3層遊戲通過晒,姐姐會送一個靚靚紙製麵包超人獎牌俾你。雖然姐姐淨係識講日文,小朋友唔識聽,但係只要你夠主動肯用動作答問題一樣過關! 真係好多小朋友!見到咁多公仔,大人都好開心! 麵包超人原來真係麵包黎! 帶住小朋友同架BB車真係幾支力。夜晚番到新宿已經散散地,一於去食大餐補一補。去過日本的人一定對這家餐廳不陌生,「蟹道樂」,好快樂。新宿蟹道樂離新宿站好近,5分鐘可到。 全個menu都係食蟹,價錢當然不平啦,平均一人¥6000。咁出名,物有所值! Hotpot 蟹 第一日一落機就玩到去橫濱,係chur左少少,第二日hea下先得。

Read More