Day 0【2018仰光市中心新酒店推薦】Pullman Yangon Centrepoint

【2018年3月29日,香港至仰光,晴】 晉盈遊既fans你地好,小晉小盈又趁著復活節連續4天的公眾假期出走了!今次去的是一個我們從來沒有去過的國家 – 緬甸。對於緬甸的印象,就只是昂山素姬呀,軍政府,羅希亞人等等,今次有機會可以一遊,算是增廣見識。 緬甸一般人都會到Bagan、Inle Lake、Mandalay和仰光遊覽,而我們只選擇了仰光,除了因為假期短,不想花太多時間在交通上外,還因為看的都是佛塔為主,都是我們不懂欣賞的東西,自然景觀也欠逢,所以最後決定book間5星級酒店,在仰光hea下休息下好了!結果也不錯呀,並沒有其他人所說的很悶! 放工後,小晉小盈就出發去機場,今次小盈申請左張信用卡,可以一齊入Lounge食晚餐! 這班機原本是22:50起飛,原本飛到仰光已經要00:30AM了,但可能是復活節假期,delay到23:25先起飛,唉…..飛到去已經零晨1點幾了。 這班機連電視都無,位又勁窄,唯一好處是在雪糕食,雖然對國泰都無乜期望,但沒有電視就真的失望。 零晨到達仰光,一早選了機前座位,入境比較快,網上簽證也沒有問題。在拿行李的地方,會有很多ATM機,可以換錢,因為是零晨的關係,所有機場的找換店已關門,所以要換機只可以在這裡換。不過,我們已經預備好美金搭的士去酒店,所以並沒有在機場換錢。 深夜由機場出市區,只有一個方法,就是搭的士。一出海關便會有穿著制服的職員,你向他們說你的酒店名稱,他們便會開價,再帶你到的士上車,非常安心和方便。上網check過,正常出市區價錢是8USD,但他們卻收我12USD,可能是深夜的價錢吧。但已經是深夜,我們也不志在4USD的差別,便上車了。 零晨的仰光,街上沒有車,風也涼,不用20分鐘便到酒店 (正常時間要40分鐘)。下面圖是早上拍的,Pullman Yangon Centerpoint是仰光新開的5星級酒店,2018年3月才開,我們去的時侯還是Soft Opening的階段。 深夜的酒店大堂沒有人,但所有職員都向我們微笑,感覺就像是貴賓一樣,真的很喜歡這間酒店,我們在這裡住3晚,我記得我們check out的時侯真的非常不捨呢! Check in手續完成後,職員便帶我們上房間,他們必定會幫的拿行李,但是是不用小費的,不用擔心! 房間很新很大,一塵不染,空間感十足! 晉盈結婚後,book酒店也想一人一張床,無人係隔離阻住真不錯! 還有精美甜點預備好,感覺窩心。 廁所也不錯,很大很乾淨。浴缸是全新的,可能我們是第一個浸呢! 日用品一應俱全。 Pullman Yangon Centerpoint位於市中心,地點是無敵好,房間望向Maha Bandula Park,和一眾殖民建築! 這間酒店真的非常推薦!一晚不用800HKD,性價比很高! 下一集:Day 1.1【仰光。食。買】必試999 Shan Noodle House+昂山市場尋寶+地道食店Shan Yoe Yar Restaurant    旅遊小錦囊: […]

Read More

《復活節黃山2天遊》(黃山遊記+旅遊建議)

《復活節黃山2天遊》 作者:Wong Yik Fung Patrick 細細個聽爸爸媽媽話以前成日坐火車番大陸旅行,樣樣都要平,一直都好想體驗一下佢地既青蔥歲月。今年復活清明連續幾日長假,一於揹起背包出發。而講到要又平又有靚風景,梗係去行山親親大自然。今次就揀個最出名既黃山! 黃山位於安徽省南部,最高的蓮花峰有海拔1840米。「五嶽歸來不看山,黃山歸來不看嶽。」由古至今都有不少詩人文人係黃山之巔吟詩作對,驚嘆大自然既鬼斧神工。 出發去黃山之前一定要搞清楚黃山市區入面既地方名。黃山市係包含好多小鎮地方,一般我地話去行黃山,係指黃山風景區,飛機同火車都唔可以直接到既。無論黃山既機場定火車站,都係屯溪區入面。而家愈來愈多航空公司有開香港直飛屯溪,或者可以去深圳坐內陸機,價錢平少少,來回HKD1600-2000;想慳錢體驗艱苦團坐火車,可以上網(ctrip, 芒果網⋯)或者去中旅社預訂火車飛。建議早d買飛,買臥鋪休息,CNY325一程,事關深圳去黃山要坐19小時。我就比較遲買火車飛,要坐硬座⋯坐到腰都直埋。 搭咁耐,就算坐係度都要訓一訓。 火車去到屯溪係朝早7:30,時間夠鬆動,先去街邊檔買d手抓餅同肉飽做早點。買既時候車站附近已經有好多工作人員問你係咪去行山叫你買車飛,又叫你幫襯買行山杖、雨褸、地圖等等。 假日既話要等半個鐘至一個鐘先上到車。 屯溪距離風景區都仲有一段路程,首先要搭車去湯口鎮的換乘中心,再係換乘中心搭風景區入面的專營巴士先到達風景區既山腳。你可以選擇去前山從慈光閣起步,或者從後山雲谷寺起始。至於由前山定後山起步好d呢,就取決於你會唔會係山上入住,同埋入住邊間賓館喇。 我今次就選擇左從前山上後山下。係山腳望上去已經好興奮,d雲好靚! 其實黃山既路比想像中安全,全部都係已開發既石路同石級,不過當然有好多好高既石級令你爬到氣喘。 浴路都有好多指示牌,又有好多站崗既工作人員,唔識路可以問一問,唔使驚會迷路。 上去迎客松既路段又好長既樓梯要上,個個都要中途停幾次先行得晒。 好大霧,迎客松都差d睇唔到。 由於陰雨天,天都峰同蓮花峰都封山,無得上去。人人都好失望,不過安全至上! 黎到傳說中既武林聖地- 光明頂!問番先知,原來黃山既光明頂同武俠小說成日提既光明頂係無關係既。哈哈!但係呢度係黃山最有名氣最熱既熱點,點都要上黎! 由山腳行左6個鐘到4:30,終於黎到今晚既落腳點排雲樓賓館喇。因為旺季,好彩一早係網上訂好6人房既其中一個床位,如果唔係就要打地舖。一番到賓館就落好大雨,原本打算去排雲亭睇日落都無得睇了。 食完晚飯7點幾,個個都好早番房休息,因為第二朝要早起睇日出!希望會有好天氣啦!黃山夜晚會好凍,好多時4月份都只得0度,所以記得帶件厚褸。 賓館每日都會公佈第二朝日出既預計時間,想要到心水既地點睇日出就要做好功課計好時間起身。最多人去既係光明頂,不過賓館離光明頂較遠,我最後決定上丹霞山觀日出,只需要15分鐘路程。今日既日出大約5:50,我4:30起身,梳洗一下就拎住電筒出發! 今朝繼續落大雨,知道應該無日出睇到,但係難得黎到,照樣著雨褸上山睇睇啦。因為落雨,沿路都無乜人上山。「你一個人上山看日出?一塊兒吧!」係黑暗中遇到一個上海來既小伙子,就係咁一路上山一路分享大家呢兩日既經歷,仲交換左wechat將來有機會再結伴行山。 天愈來愈光,雖然睇唔到個咸蛋黃升上黎,不過都有好靚既雲海。 睇完日出,收拾好行李,7:00am再出發開始今日6個鐘既行程。去到排雲亭,個天突然間開朗左好多,個雲景又吸引左好多龍友係度影相。 經過排雲亭,走入西海大峽谷,簡直好似入左人間仙境,真係有騰雲駕霧既感覺。 我強烈推薦一定要行西海大峽谷,景色比黃山區內其他景點更加特別同驚奇。由一環到二環,再走落到谷底,成段路都係沿住個懸崖壁走,真係幻想唔到以前d人點樣起d樓梯。 由排雲亭行到去谷底要1.5-2小時,而且中途無小賣店,記住準備帶水。 谷底於2011年新建左地谷纜車,遊客可以利用纜車往返谷頂谷底,盛惠CNY80。不過個人覺得無咩特別,如果你有時間同體力就行番上谷頂啦,仲有多d山洞棧道睇。 上番谷,一路行去天海、北海、獅子峰、猴子觀海。好多人特登帶埋腳架上去猴子觀海影雲海,聽講話如果好天既話呢度睇雲係最靚既。 最後去埋相傳李白去過既夢筆生花、始信峰,係白鵝嶺坐索道下山,雲谷寺站搭番專營巴士出番湯口鎮。 差不多行左13個鐘,感覺好似係咁多年黎行得最辛苦既山,真係要趁後生有力有氣就好去。今次天氣麻麻,睇唔到日出日落,但有好迷幻既雲海,下次等晴天再黎探黃山。   【旅遊小錦囊】 – 如果時間許可,一定要在山上住一晚,一日遊太趕太辛苦,走馬看花。 – 比較出名既賓館有白雲賓館、北海賓館、排雲樓,質素唔錯,最重要睇你想係邊個景點睇日出日落。如果要光明頂睇日出,白雲賓館最近;丹霞峰、排雲亭近排雲樓;獅子峰既話則選北海賓館或獅林大酒店。 […]

Read More