Day 9 – 琉森市內遊(Luzern) – 最瑞士的大城市

晉盈遊FANS PAGE (請LIKE!)

在少女峰山區住了5日後,來到旅程的第九日,我們終於離開山區,前往瑞士的大城市琉森Luzern了。我們一早在Grindelwald Youth Hostel Check out,搭火車到Interlaken Ost站,再轉搭Interlaken Express前往Luzern,坐去Luzern時記得坐在右邊!風景後靚的!在Interlaken Ost到Luzern的兩小時車程中,頭一部份會右邊會看到Brienzsee湖,後半部右邊會見到很多湖景同山景,記得多多欣賞風景!

我們在中午約12時到達Luzern,因拿著很多行李,所以我們先搭巴士到Luzern Youth Hostel Check in,我們會在Luzern住兩晚。
在火車站前搭18號巴士,約15分鐘在Jugendherberge (Youth Hostel)站下車,約行5分鐘就會到達Luzern Youth Hostel。(落車行去Hostel的路無咩指示,最好睇定Google Map)
依間Hostel好好,1點就比我地Check in!我地依兩晚係住2人房,實在太好了,唔洗同其它人一齊訓一間房,真係好幸福!房間非常企理,好滿意。一間房間約770HKD一晚。
有個好大既櫃同洗手盤,好有用。
出面既景色。
Checkin and settle down之後,我地搭番18號巴士出火車站。由火車站行幾步,就會見倒瑞士出哂名的花橋(卡貝爾橋)。
今次係我第二次到Luzern了,上次已經係2006年既事,不過依度都無咩大改變。
花橋係全歐洲最古老的有頂木橋,建於1333年,是Luzern的Icon!
沿住河邊到達耶穌會教堂,建於1666年,無咩特別。
Luzern內街景。
Philip Anton。
一路沿住條河行就會見到第二條花橋!
依條橋叫斯普洛耶橋。
斯普洛耶橋邊有兩間博物館,分別係自然博物館同歷史博物館,佢地既共通點係Swiss Pass唔洗收錢,所以我地兩間都參觀哂。
歷史博物館。
自然博物館。
我覺得兩間博物館都可以一遊,不過時間不夠的就可以不來了。之後我地行過斯普洛耶橋過對面岸。
斯普洛耶橋的攔水壩。
過到對面就會去到Muhlenplatz廣場。
廣場建築非常靚。
之後行到市政廳Rathaus。
行行下就到達花橋既對岸,我地上左條橋行下。
行到去卡貝爾廣場側,見倒好多人係度買雪糕wor!我行左咁耐,決定跟風買!
一球3.5CHF,我買左一球。
都幾好食,行得咁辛苦叫涼快下。
我地一路沿住琉森湖邊行,去到Luzern城東的霍夫教堂。實不相瞞,我地行到依度已經好累,望住上咁多樓梯,真係都掙紮左成5分鐘,最後都死死氣行上去…..>.<
行到上去了!
霍夫教堂建次8世紀,17世紀被大火燒光,然後改建為現在的樣子。最出名係入面既管風琴,有4950根管子。
在教堂休息一會後,我地向北行,來到了布爾巴基全景館。
布爾巴基全景館Swiss Pass免費,以全景展現當年德法戰爭的情況,我覺得依個館作為休息的地方非常好,有靚toilet,有位,有水飲,係前往獅子紀念碑的補給站!不過入面無得影相,不過都無咩好影XD。
行到去獅子紀念碑,不過由於獅子紀念碑可以夜d睇,反而旁邊既瑞士冰河公園6點就收工,所以我地先要去瑞士冰河公園!
瑞士冰河公園Swiss Pass免費,如果你喜歡地質的話,這個公園你一定要入!我非常喜歡依個公園(博物館),結果我留到6點先走….結果去唔切個鏡迷宮…
好大既Pothole。
感受下0度同-20度既冰有咩分別啦!
博物館外有得行上山。
行上山途中的Pothole形成模型。
上到塔頂,可以一望Luzern。
行番落塔後,個公園有d鏡既野玩,好有趣!!!
型!
在冰河公園外可以望到獅子紀念碑。
結果6點先出黎,仲未睇哂,下次一定要再去過!
之後行去隔黎既獅子紀念碑,依個又係Luzern既必遊景點。
Quote from U Travel:(自己費事打)
獅子紀念碑是一座雕刻在岩石淺穴中的石雕,名為「 垂死的雄獅 」, 主要是用來紀念於 1792 年期間在法國大革命時犧牲的瑞士衛兵。
當時約有 800 名勇士為了在巴黎杜勒麗宮保護法國國王路易十六及瑪麗皇后與其家族成員而壯烈獻身,於是丹麥雕刻家特爾巴爾森便設計了這座石雕,當中有祈求世界和平的用意。
紀念碑以天然岩石雕刻,附近刻有紀念文字,由於雕刻的獅子背部中箭,表情痛苦而哀傷地倒在地上,令人有悲痛的震撼,更被美國名小說家馬克吐溫( Mark Twain )稱為「 世界上最哀傷最感人的石雕 」。時至今日,石雕與附近的古橋已成了當地的主要景點。
獅子紀念碑附近有一間紀念品鋪是香港人開的,香港人去買滿20CHF有得退稅,大家去到可以留意下!我當年都係依度買左個水晶球的!
之後就搭巴士番火車站,在火車站內的Coop買了燒雞,沙律,坐巴士回Hostel了!今日行左真係好多路,好累,要好好休息了!
Luzern經驗分享:
  1. Swiss Pass免費項目:市內所有巴士、自然博物館、歷史博物館、瑞士冰河公園。
  2. Interlaken去Luzern的火車要坐右手面。
  3. Luzern酒店很貴,平d可以住Luzern Youth Hostel,個人住過覺得OK(不過我standard可能好低的!)。
  4. Luzern市內景點一日就可以去哂,不過會行到好似我地咁,有d累。
  5. 獅子紀念碑附近有一間紀念品鋪是香港人開的,香港人去買滿20CHF有得退稅。
瑞士快速連結 (D1 = Day 1)
【序】瑞士塵世美>金錢洗費>機票篇>【D1】日內瓦>【D2】洛桑>沃韋朝聖山>策馬特Youth Hostel>【D3】馬特洪峰觀景台>黑湖-策馬特健行>【D4】康娜葛德觀景台>羅登波登-利菲爾堡健行>盧達本納Valley Hostel>【D5】盧達本納兩大瀑布>布里恩茲湖遊湖>【D6】少女峰>小夏載克-文根健行>【D7】佛斯特(First)觀景台及巴哈阿爾普湖畔>【D8】歐能辛湖/藍湖>圖恩>【D9】琉森市內遊>【D10】琉森交通博物館及瑞吉山>【D11】蘇黎世遊>Winterthur民宿推薦>【D12】修道院之城聖加侖(St.Gallen)>萊茵河寶石施泰因(Stein am Rhein)及步行去德國康斯坦茨(Konstanz)>閃耀萊茵瀑布的國慶煙花@沙夫豪森(Schaffhausen)>【D13】列支敦斯登>海迪故鄉邁恩費爾德(Maienfeld)>【D14】首都伯恩(Bern)>【D15】日內瓦一日遊>【D16】瑞士16日自由行總結

2 thoughts on “Day 9 – 琉森市內遊(Luzern) – 最瑞士的大城市

  1. 我今年8月去少女峰和琉森,被瑞士的美景深深吸引,很想很想可以再去多次,因為還有很多地方未去過,不過要等平機票

Leave a Reply

Your email address will not be published.

This site uses Akismet to reduce spam. Learn how your comment data is processed.