坐馬車黎到太陽島，非常荒蕪，人影都無個

我地沿住松花江伴而行，望見索道，如果搭索道黎每人要￥30

慢慢行黎到俄羅斯小鎮，不過因興趣不大加快天黑，所以只在出面影下相就算

香港靚女和俄國靚女合照

之後就比錢入場睇太陽島雪雕了，而家仲係試運階段，由原來既￥150減到￥75，不過，我覺得都係麻麻地，唔入黎都罷。最大問題係真係好凍…依度肯定比市區低幾度…

太陽島

雪雕們

太陽島既地標””

我地凍到死左，好興幸比我地搵倒個廁所係有暖氣既！！可以調整下裝備~~之後就溫暖番好多了~

我相信無人可以認得我

行到差唔多，竟然比我地見倒霧淞！！！勁靚！邊個話去吉林先有得睇既XD

霧淞

凍到，唔單只樹枝上有冰，連大家既眼睫毛都有冰，個感覺係好似會”痴”住你隻眼咁，唔係好舒服

日落時份就離開太陽島了，見倒好多車，原來係￥20一人，我覺得根本唔洗搭，因為依個島根本不值得一黎

搭暴利￥30的士番中央大街，既刻衝入地下街，拒絕接觸空氣！見倒有歌唱比賽，睇左一陣

想飲水，又飲唔倒…天呀，原來係哈爾濱係唔可以帶水出街的XD好彩我有體溫可以將冰融化！

之後係中央大街食晚飯，去左一間叫緣圓園既餐廳，之後去Walmark買生果乾糧準備我地既21小時火車之旅！

下一回：漠河北極村之旅！