Day 3.2 – 台灣最美的火車站【集集 車埕】

晉盈遊FANS PAGE (請LIKE!)

由日月潭到集集大概45分鐘車程,我地到達在12:45PM到達集集。我地首先去集集火車站買去車埕的火車飛,買左11張1:49PM出發的火車。之後我地就掃街食Lunch了!

集集的香蕉好出名,而我又鍾意食蕉,所以樣樣我都好想食。先試左依度好出名既香蕉蛋卷。
真係好好食!買左幾盒。
再試香蕉雪糕,依個就無咁好味。
再試香蕉球。
食落好似香蕉蛋糕咁。
之後我地決定坐定定食番餐,又想搵d好地道既魯肉飯,問賣香蕉蛋卷個個sales,佢介紹左我地食依間。
真係非常之街坊,好有台灣feel。
食左魯肉飯同酸辣面。
食完仲有d時間,我地番集集火車站影下相。
集集是一個以鐵道文化為主題的觀光小鎮,集集老車站為一座以檜木打造而成的車站,曾有過一段載運貨品的繁榮歲月,成為著名的懷舊景點,但老車站不幸於921大地震時損毀,目前為重建後的車站,車站旁還有以台鐵舊倉庫所改建的鐵道文物展示館,以及擺設SL22型號的燃煤蒸汽火車頭。
SL22型號的燃煤蒸汽火車頭。
參觀完鐵道文物展示館後,我地就到集集火車站內等火車到車埕。
當我做e個動作時,勁多呀婆叫我快d起身….
1:49PM,有火車來了,所有人都諗住上車去車埕啦。
上到去,無咩人,仲搵人幫我地大合照tim。
點知,呀爸聽倒講播話依一班車唔係去車埕的,去車埕的火車因路軌有意外取消左,要退番飛…..咁都比我地撞中咁好彩?
結果,我地打比本身已經到左車埕的羅司傅回集集,再車我地去車埕。由於佢黎都要30分鐘,所以我地就再行下集集啦。
我地去左火車站隔黎既風車樂園。
之後我同姑姐再周圍行下。
回到火車站,羅司傅就到了。車埕距離集集約20分鐘車程,車埕源於閩南語發音的車場,在日據時期台車是短程的主要交通工具,此處停放著數不清的台車通往埔里糖廠,於是大家都稱呼「車場」,久而久之就演變「車埕」 這個名字。
車埕被譽為全台灣最美的火車站,果然名不虛全。
大草地上擺放了很多台車。
大學生玩O Camp。
我地都玩依d好特別既車仔。
你一路chok佢佢就會向前行了!
連假人警察都整得咁真,香港真係要學下喇!
行上去有一個儲木池,話說以前d人會放d樹幹入去,另樹幹變硬的。
車埕車站。
展示館內呈現出五0年代鋸木工人現場工作的模擬場景,仲有好多木製品買。
黎到車埕,不可不試既一定係車埕木桶便當!
車埕木桶便當遠近馳名,全台灣這種便當只有車埕才有,等待時間約15-20分鐘。
木桶便當一個260台幣,最好既地方係你可以食完後拎走個木桶做紀念品!
食完後就行下車埕老街。
有機會都想試下依D民宿。
我地在4:00PM離開車埕,向清境出發!不過車埕上面有個水庫,叫明湖水庫,我地就黎到依度影下相。
由車埕去清境中途會經過埔里市,我地見有時間,決定去睇埋埔里台灣地理中心碑先去清境。由車埕去埔里車程1小時。
台灣地理中心,是臺灣地理之中心位置,位於南投縣埔里鎮海拔555公尺虎頭山山頂上。
除了在臺灣地理中心位置設有一等三角點外,虎頭山麓另建有臺灣地理中心碑,與臺灣地理中心位置有400多階之距。此碑最早建於日治時代,1979年重建,其外觀是3公尺高的赭色碑座,碑身為前中華民國總統蔣經國匾題「山清水秀」四字,左右兩側立有白色弧形牆面,碑座上立一根不鏽鋼製的長桿,桿頂上承有兩條不鏽鋼製圓環互為相交。
黎到台灣地理中心碑都已經5點了,天開始黑。
其他人好明顯對依個台灣地理中心碑無咩興趣,所以對旁邊既生果好有興趣=.=
好甜既芒果,結果我地買左好多去清境食。
由埔里去清境約需45分鐘,係上清境的山路上,比我地見倒清境黃昏的雲海,真是可遇不可求的景色呢!

相關文章:

台中5天遊機票篇
Day 1 抵達台中【 米卡沙旅店】
Day 2.1 新社【薰衣草森林】
Day 2.2 新社莊園【歐式花園古堡】
Day 2.3 日月潭民宿 露天花園燒烤
Day 3.1 日月潭遊湖
Day 3.2 集集車埕篇
Day 3.3 清境夜遊小瑞士花園
Day 3.4 清境單棟小木屋
Day 4.1 清境青青草原
Day 4.2 18度巧克力工房
Day 4.3 台中必逛夜市【逢甲夜市】
Day 5.1 台中最終章【手信篇】

One thought on “Day 3.2 – 台灣最美的火車站【集集 車埕】

Leave a Reply

Your email address will not be published.

This site uses Akismet to reduce spam. Learn how your comment data is processed.