Day 2.1 – 第三大城市蘇斯Sousse

在突國既第二日，由於仲未適應時差，所以朝早4點就起左身，出去行下。

我同爸兩個傻佬5點就行到黎酒店隔黎既沙灘，咁早無咩人！

一齊迎接在非洲的第一次日出！！

真係好感動，一路游水一路睇住太陽由地中海面出現。

難得有如此日出美景，一於要來一張合照。

隔黎黎左幾個非洲人，佢地係都要幫我地影相

日出後天都光哂，再游多陣水

有好多魚在海中游，就咁影都影倒。

非洲晨光第一線

之後番番酒店泳池，再游下先！

番到房沖下涼，差唔多可以食早餐了，好豐富既早餐自助餐。

今日，我地坐左約2小時車，到第三大城市蘇斯Sousse，係突國最古老既城市之一。落車既地點係Your Holiday Shopping Place，係買紀念品既絕佳地方，建議係度買所有紀念品！所有紀念品都係Fix Price.

門口有隻駱駝

我地既領隊和團友們，我覺得領隊做得麻麻，我會做得好過佢，佢唔係太識同團友social。

蘇斯最出名就係佢個Medina(市集)，係UNESCO World Heritage。

我鐘意依個團因為佢比好大自由度你，唔洗跟住領隊行，在蘇斯的兩個幾鐘可以自己周圍行。

在Medina入面人頭擁擁。

行完Medina後走出城場，周圍行下。

一間無咁多人既紀念品店，都非常好。

公共toilet，要收錢的。

走出海邊，見到一間銀行，Tunisian Central Bank。

海邊係一個好好漫步的地方。

有個海盜船可以出海玩。

有馬車可以坐。

海邊既廣場掛滿國旗，充滿生氣。

行完就同大隊集合，坐旅遊車去附近食Lunch，係一餐好普通既一餐，不過唔係自助餐都唔錯。

下一站 – El Jam古羅馬鬥獸場