Day 13.1 – 郵票小國列支敦斯登(Liechtenstein)

晉盈遊FANS PAGE (請LIKE!)

尋晚的萊茵河瀑布上的國慶煙花真係好靚,番到民宿訓左幾個鐘,就要起身喇!今日係8月1日,係瑞士國慶日!我地都非常期待,覺得今日一定會係好美好既一日!今日早上既行程係離開瑞士,去郵票小國列支敦斯登(Liechtenstein)!

我地四人(我,小盈,表姐夫婦)約7:15am就離開Jenny’s Home,因為我地要搭好早既火車呢!我同小盈為左今日瑞士國慶,特登前兩日在蘇黎世各人買左一件瑞士衫!情侶裝呢,我地去到邊d人都望住我地!
今日超好天,希望去到邊都咁好天!
我地搭巴士去到Winterthur火車站,順利上左7:58am開往Zurich的火車,我地就在火車入面食Jenny整比我地既早餐!多謝Jenny。
Winterthur火車站到列支敦斯登首都Vaduz都幾轉折,我地要搭火車去Zurich(7:58am-8:23am),轉車去Sargans(8:37am-9:32am),再係Sargans火車站轉巴士去Vaduz(9:36am-9:56am),全程1hr58min。
其中最易發生問題的是Sargans火車站轉巴士去Vaduz,我地只有4分鐘時間,但落火車時你唔會知道巴士站係邊,所以會好易miss左班巴士。建議之前睇清地圖,快d落火車搵巴士站!
我地順利上了由Sargans去Vaduz的巴士,巴士上每個站都會寫住,我地係去尾站Vaduz Post。好好笑,Vaduz Post前一站叫Roxy,唔通係Roxy基地?
上巴士20分鐘就到了列支敦斯登首都Vaduz了!巴士其實好靚,好顯眼。
列支敦斯登是歐洲中部的內陸小國(聯合國區域集團定義為西歐國家),夾在瑞士與奧地利兩國間,為世界上僅有的兩個雙重內陸國之一(另一個為烏茲別克)。同時該國也是唯一一個官方語言是德語但與德國沒有交界的國家。這個迄今仍維持君主立憲制的山區小國,雖然土地狹小兼人口稀少,但卻擁有異常高的國民所得水準,其人均國內生產總值高達60,000歐元,是一個以阿爾卑斯山美麗風光、避稅天堂與高生活水準而著稱的富裕小國。
Vaduz是中歐國家列支敦斯登的首都,座落於萊因河河谷沿岸的一處高地上,擁有5,000上下的人口,其中絕大部分都是羅馬天主教信徒。相傳Vaduz的起源,是13世紀時偉登貝格伯爵(Counts of Werdenberg)在這裡建立了一座城堡(1322年),但該城堡後來在1499年時落入瑞士手中。
今日的瓦都茲是列支敦斯登重要的金融中心,市區內也有用來展示皇家收藏的美術館與一家郵票博物館,觀光業興盛。
一落巴士,舉頭向上望,就會見到Vaduz Castle,係國王住的地方,不開放比人參觀,但係可以行是去,不過咁高,我地當然無行上去啦……..
巴士站行幾步就去到Vaduz既郵票博物館。列支敦士登公國的郵票博物館建於1930年,於1936年對外開放。這裡是探索列支敦士登郵政和集郵故事的好去處。博物館中還擺放著列支敦士登稀有的郵票、歷史檔案、古老裝置、老舊郵政設備和一些特殊展品。 2006年起這裡被列為列支敦士登國家博物館的一部分。
Swiss Pass入去唔洗比錢。
郵票博物館入面唔係好大,對於唔熟悉郵票既人其實無咩吸引力,不過去到一個咁出名郵票既國家,點都要入黎見識見識既。
行完郵票博物館後,我地行去隔離既Tourist Information Centre。行去既途中地上都有好多郵票,果然係郵票國度!
入Tourist Information Centre,我只係想做一件事,就係…………..
在我既護照上給印呀!我個人覺得極具收藏價值,好過其紀念品啦。個印印有日期(8月1日瑞士國慶),同埋Liechtenstein字樣!我上一個紀念印就係去到芬蘭Roveniemi北極圈上既印了,已經不知不覺過了三年。FYI,一個紀念印要3CHF,都幾貴。
Tourist Information Centre仲有好多寄念品買,下圖係列支敦斯登國旗。
我地在Tourist Information Centre都留左幾耐,行番出去就見倒一架旅遊火車。
其實咁細個國家,所有旅遊點都係埋一齊,小火車都無咩用,都係旅行團坐的吧。
由Tourist Information Centre行過對面,就去到我地在Vaduz既最後一個景點,郵政局!
入面有好多郵票同名信片買,最岩比人記比friend做手信!
郵局既郵箱,應該係以國家分類的。
好,行哂所有景點後,我地就在Vaduz市中心行下手信店,睇下有咩野買。
國慶日既Vaduz都唔係好多人,睇黎依個國家真係好少人………..
行左幾間紀念品鋪後就決定買依個水晶球,我既水晶球珍藏又多多一個國家了!
拜拜,我到過既第41個國家 – 列支敦斯登!
我地搭11:59am既巴士去Buchs火車站,再由Buchs火車站去Maienfeld火車站,繼續我地既瑞士之旅,尋找海迪故鄉篇!
下一集千祈不要錯過呀,我們將會去到海迪故鄉 – 邁恩費爾德(Maienfeld)!
經驗分享:
  1. 去列支敦斯登首都Vaduz只有巴士,大家可以由瑞士任何一個城市搭火車到Sargans或Buchs再轉巴士,Swiss Pass全包所有巴士等公共交通。
  2. Swiss Pass包郵票博物館,但美術館就不包。
  3. 去到Vaduz可以去Tourist Information Centre,叫職員在護照上給印,別具收藏價值。
  4. 遊覽Vaduz約2小時便可,但上Castle就要預多d時間了。
瑞士快速連結 (D1 = Day 1)
【序】瑞士塵世美>金錢洗費>機票篇>【D1】日內瓦>【D2】洛桑>沃韋朝聖山>策馬特Youth Hostel>【D3】馬特洪峰觀景台>黑湖-策馬特健行>【D4】康娜葛德觀景台>羅登波登-利菲爾堡健行>盧達本納Valley Hostel>【D5】盧達本納兩大瀑布>布里恩茲湖遊湖>【D6】少女峰>小夏載克-文根健行>【D7】佛斯特(First)觀景台及巴哈阿爾普湖畔>【D8】歐能辛湖/藍湖>圖恩>【D9】琉森市內遊>【D10】琉森交通博物館及瑞吉山>【D11】蘇黎世遊>Winterthur民宿推薦>【D12】修道院之城聖加侖(St.Gallen)>萊茵河寶石施泰因(Stein am Rhein)及步行去德國康斯坦茨(Konstanz)>閃耀萊茵瀑布的國慶煙花@沙夫豪森(Schaffhausen)>【D13】列支敦斯登>海迪故鄉邁恩費爾德(Maienfeld)>【D14】首都伯恩(Bern)>【D15】日內瓦一日遊>【D16】瑞士16日自由行總結

4 thoughts on “Day 13.1 – 郵票小國列支敦斯登(Liechtenstein)

Leave a Reply

Your email address will not be published.

This site uses Akismet to reduce spam. Learn how your comment data is processed.