Day 12.3 – 閃耀萊茵瀑布的國慶煙花@沙夫豪森(Schaffhausen)

晉盈遊FANS PAGE (請LIKE!)

這是我看過最美最震撼的煙花@萊茵瀑布, 瑞士2013

——————————————————————————————————————–

我們在18:15pm準時到達沙夫豪森(Schaffhausen)的碼頭。

走出馬頭直行轉右就會見到一條非常不顯眼的樓梯。
依係樓梯就行上去就會去到姆諾特城堡Munot。
大約行10分鐘上斜後,就會去到姆諾特城堡。
姆諾特城堡是非常罕有的圓形城堡,事實上,城堡建成以來並無經歷過任何大型戰爭。我地先行入城堡底。
再沿住螺旋狀的坡道上斜。
上到最高就會見倒一個圓形廣場。
行得咁高,最令人期待既當然係可以望見整個沙夫豪森美麗的城鎮風貌啦。
基本上270度沙夫豪森景盡收眼底。
除左美景外,人景亦非常吸引….我地黎左幾耐,佢地就熱吻幾耐。
我地從第二個出口離開。
一路落番去市區。
沿住Vordergasse路行,都差唔多7點,咩都收哂。我地係度撞倒表姐同呀威!可以一齊去睇煙花了!(P.S. 表姐佢地既Honeymoon同我地既瑞士之旅依3日會重疊,我地三晚一齊住在Jenny’s Home)
右邊的聖約翰教堂。
左邊的騎士之館。
參觀完沙夫豪森市後,我地就到沙夫豪森火車站搭1號巴士前往萊茵瀑布了!
約10分鐘後抵達萊茵瀑布站,我地肚餓要搵野食,依個….一塊包一條腸,就係我地今晚既晚餐……
有Concert聽,大家都準備迎接國慶煙花了。
食完之後我地沿標示一路行去萊茵瀑布。
見倒萊茵瀑布了!萊茵瀑布是萊茵河上的一個瀑布。瀑布同時也位在瑞士北部的沙夫豪森州境內,距離州政府沙夫豪森約4公里。萊茵瀑布大約在1萬4千年前到1萬7千年年形成,是目前歐洲流量最大的瀑布(另外冰島西北部的黛提瀑布高度最高,但流量及寬度較小),其平均流量與世界上其他瀑布相比排名第22名[1]。它的寬度約150公尺,高度約23公尺。每年初春的融雪時期,是萊茵瀑布的水流量最大的時候。夏季的平均水流量大約是每秒600立方公尺,冬季約每秒250立方公尺,全年平均則約每秒700立方公尺。最高流量紀錄在1965年,是每秒1250立方公尺;最低流量紀錄則在1921年,為每秒95立方公尺。萊茵瀑布周圍區域形成了一個小型湖泊,最深處約為13公尺[2]。由於水量豐沛,自從19世紀以來這裡就設有水力發電廠,因為這些電力的供應,使得附近的沙夫豪森得以工業化。
瀑布中央有兩座岩石,必須搭乘遊船抵達。其中一座岩石上設有階梯,可以讓人走上揷著瑞士國旗的頂端。每年的瑞士國慶日在此有煙火表演。
今年煙花改左做7月31日,我地上網check先知,我知道好多人都唔知道以為係8月1號。我地就坐左係依塊草坪上,睇煙花!
之後,表姐就幫我地霸住個位,我地就行落去近距離欣賞下萊茵瀑布。我一d都唔覺得依個係歐洲流量最大的瀑布,冰島既勁過依個好多啦。
嘩,幾多人!
個個都霸哂位!
有好多賣腸的攤位。
有有間紀念品店,我係度買左個Rhein Falls 水晶球。
之後行去對住瀑布既餐廳。
見倒一個special edition既水晶球。好想買,不過頭先已經買左。
行完番是去,都就黎入黑了,越黎越多人!!
我們看煙花前的合照。
仲有我地前面的真人show,又係由頭咀到落尾。
約9:45pm,瑞士國慶煙花會演開始!
Fire on the Rocks!說真的,這是我看過最美的煙花。
我地係煙花未完就慢慢走,因為一完所有人都會同時走,而巴士非常有限,所以都係早d走好。我地成為最早的一批人搭巴士番沙夫豪森火車站,再搭火車番Winterthur。大家在火車上都睡著了,不過是非常盡興。到了Winterthur火車站,買了一杯雪糕3CHF,再坐巴士回Jenny’s Home,回到時已經接近12點了,多謝Jenny等我地番黎!
聽日係8月1日瑞士國慶!
經歷分享:
  1. 沙夫豪森市內無咩野睇,姆諾特城堡免費入場。
  2. 由沙夫豪森火車站搭1號巴士到萊茵瀑布站,行10分鐘到達萊茵瀑布。
  3. 2013年國慶煙花在7月31日,並不是在8月1日國慶日。
  4. 睇煙花在近巴士站的位置睇比較好,一來高d影相靚d,二來走既時侯可以最先離開,如果唔係有排等。
  5. 睇煙花坐草地最好帶一張紙鋪地下,如果唔係好多昆蟲爬上身…….
瑞士快速連結 (D1 = Day 1)
【序】瑞士塵世美>金錢洗費>機票篇>【D1】日內瓦>【D2】洛桑>沃韋朝聖山>策馬特Youth Hostel>【D3】馬特洪峰觀景台>黑湖-策馬特健行>【D4】康娜葛德觀景台>羅登波登-利菲爾堡健行>盧達本納Valley Hostel>【D5】盧達本納兩大瀑布>布里恩茲湖遊湖>【D6】少女峰>小夏載克-文根健行>【D7】佛斯特(First)觀景台及巴哈阿爾普湖畔>【D8】歐能辛湖/藍湖>圖恩>【D9】琉森市內遊>【D10】琉森交通博物館及瑞吉山>【D11】蘇黎世遊>Winterthur民宿推薦>【D12】修道院之城聖加侖(St.Gallen)>萊茵河寶石施泰因(Stein am Rhein)及步行去德國康斯坦茨(Konstanz)>閃耀萊茵瀑布的國慶煙花@沙夫豪森(Schaffhausen)>【D13】列支敦斯登>海迪故鄉邁恩費爾德(Maienfeld)>【D14】首都伯恩(Bern)>【D15】日內瓦一日遊>【D16】瑞士16日自由行總結

Leave a Reply