Day 10 – 琉森的瑞士交通博物館及瑞吉山(Rigi)

晉盈遊FANS PAGE (請LIKE!)

今朝起身,落雨….!本身諗住去Mount Pilatus同埋Mount Rigi既,唔好天就當然唔去啦!其實我地之前在少女峰地區同埋Zermatt已經上左好多名山,所以對於唔上依d山都無咩失望,反而可以在Hostel食耐d早餐,玩左咁多日搵一日無咁辛苦舒服下啦!吃完早餐後,我地就坐巴士去瑞士交通博物館。

瑞士交通博物館簡介:
瑞士交通博物館是歐洲最大的移動設備博物館。展區佔地20000平方米,展出品超過3000件,它位於環境優美的琉森湖畔,與其說是個博物館,倒不如說是更像座公園。在這裡,淺顯易懂的介紹陸、海、空以及交通機械方面的知識;在機車模擬區,遊客可以親自上陣,體驗駕駛火車的感覺。
在通訊博物館區,遊客將有機會一覽廣播、電視演播廳的真面目,還可以體驗編程、通訊技術的奧妙。另外,裡面還有把瑞士的美景投射在360度大屏幕上的“瑞士全景圖”,非常有氣勢,也非常有意思;而200平方米的遊樂場簡直是瑞士一幅移動的美麗畫卷。
電影劇場和漢斯艾爾尼博物館保存了琉森藝術家的300餘件作品,更是為交通博物館錦上添花。
從琉森中央火車站乘坐6路、8路巴士。瑞士交通博物館Swiss Pass是要比錢的,50% off的價錢是每人15CHF,由於入面太大,所以玩成個上午都唔夠,所以都係抵既。
我地玩左成個上午,所以午餐就係博物館內解決。我地二人share下面既牛扒餐,一碟都要21CHF(~170HKD)……..我都唔明d鬼點解可以一人一碟同飲勁多野,仲可以食淨哂d野!
話咁快就一個上午了,見倒個天好似無落雨,就決定坐巴士去火車站,上Mount Rigi了!
點解我落雨都想上Mount Rigi?主要原因都係好少有一個山用Swiss Pass係完全唔收錢的!上Mount Rigi有三個方法,我先介紹我地既方法:首先要由Luzern搭船去Weggis。
Luzern去Weggis船程大概40分鐘,是一個非常Relaxing的航程。
雖然天氣不好,但依然可以欣賞到琉森湖同Luzern市的景色!下圖係我地昨天去過既霍夫教堂。
d山被雲霧蓋上,我已經想象到一陣上到Rigi山會咩都見唔倒,哈哈!
40分鐘後,我們來到Weggis碼頭。
一開始以為Weggis碼頭旁就係纜車站,原來係要行20分鐘先到!!仲要一路上斜…仲要落住雨…結果小盈隻腳入哂水…..不過指示都幾清晰。
行左20分鐘,終於到達纜車站。
到達時只有小貓三四隻,我同售票的講我有Swiss Pass,佢就話有纜車黎你就可以直至行入去!
等左一陣,原來纜車係依種好大既纜車,唔洗驚比風吹到搖下搖下。
由Weggis纜車站到Rigi-Kaltbad纜車站只需10分鐘,不過我地好似搭左20分鐘咁,因為太大風,所以架纜車行得極慢。
開始上山。
上高d就可以望到成個琉森湖。
到達Rigi-Kaltbad纜車站時已大霧到咩都見唔倒,我地再坐火車上到山頂Rigi-Kulm站,所需時間10分鐘。
在山頂落車時,橫風橫雨,d遊客相當狼狽…..
講真,上到黎都預左咩都睇唔倒,叫做上黎咁受下啦,好多人係一上到黎就落番去。
我地用第二條路線落番山。先搭火車到達山腳既Arth-Goldau火車站,車程約37分鐘。
成架車d人五隻手指數得哂,我地可以走黎走去。
去到Arth-Goldau站就可以搭火車番到Luzern。
番到Luzern了!我地就在城內周圍行下,然後回Hostel休息,結束簡單的一天。
明天會到瑞士最大城市,Zurich蘇黎世!這篇blog對大家黎講可能有d悶,下一篇蘇黎世篇會精采好多!
經驗分享:
  1. 今次最想分享的是Mount Rigi行程,好多旅遊書都寫上Rigi山Swiss Pass只有半價,其實是完全免費的!
  2. 我不會推介我們上Rigi的線路,因由Weggis碼頭行去Weggis纜車站很遠又要上斜,大家都係坐船到Vitznau再坐火車上山會好d!
  3. 瑞士交通博物館很大,小朋友最愛!
瑞士快速連結 (D1 = Day 1)
【序】瑞士塵世美>金錢洗費>機票篇>【D1】日內瓦>【D2】洛桑>沃韋朝聖山>策馬特Youth Hostel>【D3】馬特洪峰觀景台>黑湖-策馬特健行>【D4】康娜葛德觀景台>羅登波登-利菲爾堡健行>盧達本納Valley Hostel>【D5】盧達本納兩大瀑布>布里恩茲湖遊湖>【D6】少女峰>小夏載克-文根健行>【D7】佛斯特(First)觀景台及巴哈阿爾普湖畔>【D8】歐能辛湖/藍湖>圖恩>【D9】琉森市內遊>【D10】琉森交通博物館及瑞吉山>【D11】蘇黎世遊>Winterthur民宿推薦>【D12】修道院之城聖加侖(St.Gallen)>萊茵河寶石施泰因(Stein am Rhein)及步行去德國康斯坦茨(Konstanz)>閃耀萊茵瀑布的國慶煙花@沙夫豪森(Schaffhausen)>【D13】列支敦斯登>海迪故鄉邁恩費爾德(Maienfeld)>【D14】首都伯恩(Bern)>【D15】日內瓦一日遊>【D16】瑞士16日自由行總結

Leave a Reply

This site uses Akismet to reduce spam. Learn how your comment data is processed.