晉盈遊FANS PAGE (請LIKE!)

作者:Wong Yik Fung Patrick

上次去東京自己一個去血拼,今次帶住一家人加上只有4歲的外甥去,要留意的事項多很多,完全感受到d爸爸媽媽帶小朋友去旅行有多辛苦,尤其如果地鐵站無電梯得樓梯要抬上抬落。不過,去到各大景點都有好多人推BB車,好多都設有保管BB車的服務,唔需要太擔心。其實一家人玩得開心,辛苦少少又有乜好怕喎!

Day 1: 香港>成田機場>酒店放行李>一蘭拉麵>原鐵道博物館>麵包超人博物館>新宿蟹道樂

今次第一次坐香草航空,夜機出發到東京成田機場。東京有2個機場,成田機場和羽田機場,多數香港出發的飛機都在成田降落。雖然成田機場比較遠離市區,不過如果貴少少坐skyliner一個鐘就可以出到新宿涉谷等旺區,非常方便。除左skyliner,我都推介Access Express去東京車站附近,兩者都好快好舒服。而skyliner更加有套票可以買Tokyo Subway Pass,1日/2日/3日pass 可以任搭無限次Metro及都營地鐵,不過不包括JR線。

東京鐵路網絡比香港複雜好多,由多間不同的鐵路公司營運,每轉一次不同公司的路線都要出閘再入閘,想要搭得平又要方便,一定要在出發前做點功課計一計最少出閘次數的旅遊路線。東京搭地鐵看似複雜,但只要有張鐵路圖就好清楚,好易知道要係邊個站轉邊條線,所以記住去到邊都帶住路線圖。路線圖可以係以下官網搵到。

image1

(http://www.tokyometro.jp/en/subwaymap/pdf/routemap_tcn.pdf)

image2

如果你無乜去郊外地區,買pass一定最抵,仲要買最多的3日,多幾百¥就可以多1日pass。套票要係機場T2京成鐵路櫃檯,詳情上官方網站參考。

(http://www.keisei.co.jp/keisei/tetudou/ckyliner/us/index.html)

image3

Skyliner同Access Express都係同一個月台上車,唔好上錯車呀。藍色車係skyliner,橙色車係Access Express。

我們的酒店住在赤板,一個較為偏僻、近涉谷的地方。由機場去酒店用了一個多小時,早上11時到酒店放低行李,出去涉谷食午餐。第一餐就當然去朝聖啦,去食好多次都唔會厭的「一蘭拉麵」。香港得2間要排隊排好耐,黎到日本就好多地方都有店。食後感:係日本食始終比較好味xd(極有可能係心理作用)。

image3b

食飽就去下一站小朋友的最愛,去橫濱原鐵道模型博物館+麵包超人館。由涉谷去橫濱可以坐東急東橫線(subway pass不包)到新高島站再行過去。去自由行一定會唔識路問人路,我們遇到一個好好人的日本太太,見我們傻下傻下,佢推著個BB囡都親自帶我們行左10分鐘去鐵道博物館。日本人其實好好人!

拎住地圖都唔識行過去,哈哈。

image4

原鐵道博物館展覽出無數由幾十年前到而家的列車模型,面積不算大,一個小時必定走畢,入場券承惠¥1000,4歲以上小孩半價。電車鐵路呢家野,大男孩小男孩都咁鍾意!

image5

我就覺得大開眼界超級興奮,相反女仕們就…

image6 image7 image8 image9 image10

麵包超人館離鐵道博物館好近,行過天橋走10分鐘就到。麵包超人係日本好受歡迎,好多日本人放假都會同小朋友黎玩。因為專門招待小朋友,係reception度設有locker同幫你keep住BB車,等你玩得盡情。

一出新高島站已經有超人歡迎你。

image11 image12 image13

場內就有條滑梯,外甥仔排隊玩左10次先肯走。

image14

一共有3層,每層都有小遊戲,要小朋友搵下野、答下問題、做下動作。3層遊戲通過晒,姐姐會送一個靚靚紙製麵包超人獎牌俾你。雖然姐姐淨係識講日文,小朋友唔識聽,但係只要你夠主動肯用動作答問題一樣過關!

image15

真係好多小朋友!見到咁多公仔,大人都好開心!

image16 image17 image18

麵包超人原來真係麵包黎!

image19 image20

帶住小朋友同架BB車真係幾支力。夜晚番到新宿已經散散地,一於去食大餐補一補。去過日本的人一定對這家餐廳不陌生,「蟹道樂」,好快樂。新宿蟹道樂離新宿站好近,5分鐘可到。

image21

全個menu都係食蟹,價錢當然不平啦,平均一人¥6000。咁出名,物有所值!

image22

Hotpot 蟹

image23

第一日一落機就玩到去橫濱,係chur左少少,第二日hea下先得。

Leave a Reply

This site uses Akismet to reduce spam. Learn how your comment data is processed.