2012年6月28日晚，放左工後就番屋企沖個涼，食個飯，就一家四口齊齊出發到機場，一齊展開我地所有人都係第一次既非洲之旅！
我係第一次搭Qatar Airways，感覺唔錯，不過我都係鍾意國航多d, 依程機都係由頭訓到落尾，上午5點幾到Doha Airport轉機。
多哈的晨曦
在機場好努力咁搵Wifi，只有少數地方係接收良好，希望遲d有改進吧。等左兩個幾鐘，就登機去我地既目的地 – 突尼西亞首都突尼斯Tunis，亦係茉莉花革命既起源地
飛機起飛離開多哈，從飛機上可感受到中東石油國何謂沙漠中的金礦。
相信係一間酒店
海港：全部都係有錢人
再飛過d就係連綿千里既石油田
有番d精神，可以影下d野食，都好好食！
估下移家飛到邊度？咪就你摩西行過既紅海lor！
由飛機上已經開始感受到Muslim國家既文化差異！圖為三個人。
再飛飛下就黎到埃及既首都開羅，可以清楚見到尼羅河三角洲。
呀爸隻眼果然利害，連金字塔都比佢見倒，我即刻影低佢！
離開埃及。
又睇下戲同訓下，就會見倒地中海小國 – Malta馬爾他
好細既島國，可以既話我都想到此一遊
可以清楚見到Malta既三個島，分別係Malta, Gozo及Comino。
飛左咁耐，終於到達突尼斯！第一印象係，一d都唔非洲
排隊出境要好耐，差唔多用左2個鐘，不過都ok，所有人都行李都安全到達。我地架旅遊車，好大，冷氣夠，可以一個人坐兩個位。
由於係跟團關系，我唔會係個blog度講好多景點既野，亦都無咩交通資料，所以只會略為介紹一下。第一站黎到迦太基遺蹟，到達時己經下午3點幾。聯合國教科文組織頒「世界文化遺產」的證明。
入口處
公元前2世紀羅馬皇帝安東尼時期修建，當年浴池佔地3.5公頃，建有更衣室，溫水室，冷水室並附設有蒸浴室，按摩室，健身室，體操室，熱水游泳池，談話廳等，係綜合性 娛樂場，當時貴族醉生夢死之處。
安東尼浴場遺址
