Day 1 – 初抵日內瓦, Geneva Youth Hostel

晉盈遊FANS PAGE (請LIKE!)

出發喇!我地去瑞士會坐我最喜愛既國航經北京轉機去日內瓦,依個係國航新開既航線,原定8:30 a.m.上機,6:25 p.m. 到達日內瓦。我地早左個半小時到機場,得知去北京程機會delay到12點,諗住要到北京玩番日啦,但地勤好好人咁轉左我地去8:00 a.m.既港龍航班,超好的!之後個服務員仲帶我地行職員通道跑去登機,最後當然趕得切上機啦!好似玩amazing race咁!

1
去到北京機場,要拎完行李出海關再check in 番行李,都幾麻煩,不過我一d所謂都無。最後去到閘口等上機去日內瓦。
2
飛機好準時到達日內瓦國際機場,日內瓦機場出境非常快,我地用左半個鐘都唔洗就出左境,去到SBB櫃檯validate我張15日Swiss Pass,就搭火車去日內瓦Gare de Cornavin,只需15分鐘。我地今日只會在日內瓦短留一晚,明日就會一早去Lausanne。出火車站搭15號電車,過兩個站就到Butini站,行100米倒就到我地今晚住既Hostel – Geneva Youth Hostel
3
約晚上7點半到達Geneva Youth Hostel,附近無咩人都幾靜(最嘈就係hostel本身….)
4
Hostel正面
5
Hostel Reception,好大。
6
我地今晚book既係6人房,有窗,每人一晚32CHF (268HKD),價錢超讚的,仲包一個好豐富既早餐。我地今晚同4個黑人一間房,好彩佢地同我講佢地夜晚會出去劈酒,到天光先番。
7

8
窗外街景,好舒服。
9 10
房間可以望到日內瓦湖。
12

房外有Locker,用房卡智能開關,Locker夠大,好方便。
1314
吃早餐的地方,很大很乾淨。
15
我地二人食左幾塊餅乾就訓了,訓訓下出面開Party,勁嘈…….是晚訓得麻麻地……

Note:

  1. Swiss Pass包全日內瓦所有交通
  2. 國航準點率只有18%,所以搭既人要有留北京一日既心理準備
  3. 日內瓦比較出名的Hostel有兩間 – Youth Hostel Geneva和City Hostel Geneva,個人認為City Hostel Geneva比較靜,適合需要早睡早起的人
  4. 瑞士HI Youth Hostel如沒有會員卡,每人每晚要多付6CHF,如打算經常住HI Hostel建議上網買會員卡:http://www.yha.org.hk/chi/
  5. 日內瓦機場所有開往瑞士各地的火車都會經過日內瓦市區
瑞士快速連結 (D1 = Day 1)
【序】瑞士塵世美>金錢洗費>機票篇>【D1】日內瓦>【D2】洛桑>沃韋朝聖山>策馬特Youth Hostel>【D3】馬特洪峰觀景台>黑湖-策馬特健行>【D4】康娜葛德觀景台>羅登波登-利菲爾堡健行>盧達本納Valley Hostel>【D5】盧達本納兩大瀑布>布里恩茲湖遊湖>【D6】少女峰>小夏載克-文根健行>【D7】佛斯特(First)觀景台及巴哈阿爾普湖畔>【D8】歐能辛湖/藍湖>圖恩>【D9】琉森市內遊>【D10】琉森交通博物館及瑞吉山>【D11】蘇黎世遊>Winterthur民宿推薦>【D12】修道院之城聖加侖(St.Gallen)>萊茵河寶石施泰因(Stein am Rhein)及步行去德國康斯坦茨(Konstanz)>閃耀萊茵瀑布的國慶煙花@沙夫豪森(Schaffhausen)>【D13】列支敦斯登>海迪故鄉邁恩費爾德(Maienfeld)>【D14】首都伯恩(Bern)>【D15】日內瓦一日遊>【D16】瑞士16日自由行總結

16 thoughts on “Day 1 – 初抵日內瓦, Geneva Youth Hostel

  1. 請問是否你因搭咗港龍飛北京先要攞返行李再check in坐返Air China飛日內瓦呢?
    如我們搭返Air China飛北京轉飛日內瓦,是否不須再取行李再check in咁麻煩呢?thank you !

    • 對,如果你們乘搭Air China飛北京轉飛日內瓦,是不需再取行李再check in的。其實我們都是預訂了Air China飛北京轉飛日內瓦的,不過飛北京的一程delay了至少4小時,所以Air China安排了港龍,比原定Air China的機早半小時飛,因為這個安排,我們才可趕及之後飛日內瓦的Air China,亦因此我們要再取行李再check in。

    • 其實國航飛去北京delay既機會都幾高,可能高過30%,基本上我會預左最壞是延後一日才到達瑞士,所以我行程設計是就算遲一日到達了可繼續行程,千萬不要預約一些很貴的活動/酒店在第一日。

      P.S. 國航平是要有代價的,但我還是很喜歡它夠平,而且如果被迫在北京過一天的話,國航是會安排酒店的,很好的服務呀!

  2. 既然要預佢實delay,是否早早到機場好d有得走盞,請問最好幾點到機場好呢?博下好似你地咁好彩,先搭早d班港龍,好過delay咁慘啊!

    • 其實如果你搭乘8:30AM飛機,我會在6:00AM到機場,因為港龍最早航班是8:00AM到北京,你還有時間轉到港龍。

  3. 您好,
    我7月也會搭AIR CHINA, 如果真係DELAY, 是否一定有得轉到港龍?(因趕不到去GENEVA, 行程必定打亂, 很擔心!) thx
    connie ho

    • 當然不會一定能轉到港龍,Air China和港龍有同盟關係,但港龍會先處理自己的乘客,在有空位、有時間處理額外乘客的情況下,才會處理其他乘客。我親戚試過Honeymoon坐air china,結果delay了,要在北京訓一晚,待下一班機再前往。所以,如果坐Air China,行程一定要遇一天走盞。祝你好運!

  4. 您好,.
    我7月會跟你的行程往瑞士,已買swiss pass,還需要訂火車位嗎?如要訂位,應如何訂?

    • 火車位不需要訂位,我們接近每程都有位坐,不用擔心。需要訂位只是特別的觀光列車。

  5. 如由Interlaken 去 Luzern,可否不搭黃金列車?而可以有其他的火車搭?

    同樣地,由Zermatt 去 Visp,可否不搭冰河快車?而有其他火車?
    因訂位很麻煩!

    • 當然可以!我一向都不主張搭旅遊列車的,普通火車其實走的只是相同路線,班次多很多,也不用訂位。你到http://www.sbb.ch/en/home.html查列車時間表就可以了。

    • 天氣極好,非常舒服,間中有d熱,其餘時間都很清涼。6月尾天氣相信都會很好!日頭會熱d,夜晚就很涼爽了。

  6. 請問如果不是滑雪,12月到瑞士合適嗎?網上比較少冬天去瑞士的遊記資訊,本來想參照你的遊記在瑞士來個健步行和遊湖的,但因各種原因假期被推遲到12月,正煩惱應否改變計劃到其他國家,謝謝

    • 瑞士一年四季都有不同的景色,12月會日短夜長,遍地積雪,山區寒冷,雪景很美,不過必定不能步行了,湖亦會部份冰封。

Leave a Reply

This site uses Akismet to reduce spam. Learn how your comment data is processed.