Day 3 – 台北北投打風記

話咁快就係台北之旅既最後一日了…亦都係颱風登陸既日子=.=咩都收哂””不過我地照出街!無理由哂左一日麻!

X號風球下既西門町

我地第一站就係黎老天祿買大家最喜愛既鴨舌~~其實我真係麻麻地,覺得好麻煩,不過番到屋企食落都幾好味~

搭捷運去到中山廣場~ 天氣尚可,只係有雨同狂風””

行左幾個字就到係人黎到都會食既鼎泰豐喇,超多人…我地每一次去台灣都話唔食既,但每一次黎到門口呀爸都話要食…

等左半粒鐘(?)終於入倒黎,真係幾好食!

食完鼎泰豐之後搭公車去到台北車站,諗住去台北紀念館個D,點知因颱風關係收哂………………..無可奈何行下台北車站下面條地下街,之後就要諗去邊度好喇

最後決定行下北投,我地就搭捷運去新北投了~

其實我對溫泉真係無咩興趣

D樹比風吹到散哂

D單車都係

新北投既捷運又整得幾靚wo~ 

入面都幾特別

落左車就搭的士去地獄谷(?),點知又收左,無所謂啦,當行下公園

不過打緊風行公園,真係有D問題…我唔想因為比樹打中又上電視..

好似電波少年咁

超大雨

等左一陣又無咩雨喇

起行

一路行番去捷運站,依張相可以睇倒當時既風力

無聊等車相一張

無聊坐車相

雨後天晴^v^咁既天我地架飛機實飛倒既

番到西門町,趁仲有時間,食多碗阿宗先走XD 我地架車已經係酒店門口等緊了~ 又係個個賽車司機….

去到機場,勁多機delay左..但我地架飛機係萬紅從中幾點白既準時XDDD

貴賓室…食左好多野

係我地個閘口有hello kitty既裝飾

係臨上機既一刻,竟然比我依個水晶球王子見倒依個水晶球!!!!極度開心!我去左咁多次台灣都未見過架!係我第三份最好既禮物!(第一份當然係盈子既禮物啦,第二份就係爸媽的蛋糕~)

好開心可以安全番倒香港,如果唔係星期一我地就要走堂了XD
台灣,I will be back!

Day 2 – 台北休閒遊

一早起身,去樓下食自助早餐~~ D野都Ok la~

第一站去101,趁未打大風之前上去麻!

即刻衝左上去~~ 望去E一面,好有暴風將至既感覺….露天個層仲封埋””””

不過無所謂,我地去第二面影^v^小盈而家心裡面其實好擔心聽日番唔倒香港….

101入面個波

落左101後去城品睇書,有三本書收獲!兩本地質同一本多啦A夢XDDD之後坐捷運去士林,因為知道個風打到黎夜晚可能會唔開…點知日頭都係唔開既,決定轉戰美麗華~

去到都兩點了…好肚餓…..即刻去food court食番個Lunch先!好抵!160蚊咋~~

甜品係超巨大刨冰!好好味不過好”漏”,食唔哂>.<

哈哈,之後去搭摩天輪,我地買飛個陣突然有個人行埋黎訪問我wo!我咪答我係香港黎lor,佢又問我知唔知颱風將至wo,我咪答我知同好怕,驚聽日番唔倒香港….點知夜晚番到酒店睇電視就……..KEKE

落雨打風既摩天輪

坐完摩天輪就走lu~ 上次黎個陣都未開既劍南站,今次黎就開左喇~ 好方便,就係美麗華對面~

搭去國父紀念館,入到去咁岩換兵~~其實我黎左六次台灣第一次黎國父紀念館咋XD 一黎就睇個換兵~

佢地玩槍個part都幾好睇

國父!

之後趁個有少少時間,去埋中正紀念堂,打風落雨無咩人

又係我第一次黎既地方,幾宏偉

自由廣場?

今晚去我每次黎都要食既鐵板燒,仲要係華西街依間!蘇師父手勢真係越黎越好,每次都食得我好滿足,真係好好味呀!!!

番到酒店,意想不過既事情發生喇!哈哈哈哈

我代表左香港人XDDDDD全台灣既人都見倒我依個香港遊客了!我仲出現左11秒之久XD 好正!

不怕!香港遊客搭摩天輪!

我們的第三次旅行—台灣篇 17/9/10-19/9/10

難得今個五六日係我生日加兩週年紀念日,我一早就諗緊點安排依三日好~~最後揀左台北三日自遊行!去左新華買,要28XX,我都費事格價,今次要豪玩~~唔知點解報名既時候呀媽同呀爸又話要去””””結果我地四個就一齊去喇~~

小盈前一晚就黎左我家訓,朝早五點半起身搭八點三機””””先收倒小盈既愛心生日禮物^^

整得好靚呀!一模一樣!!!多謝哂!

第六次黎台北,都係去一模一樣既地方,唔同既係今次有小盈陪我^^先去西門町~~

阿宗面線,真係好好味,不過我唔鍾意D豬肚太硬…

趁未打風(話說個超級颱風凡亞比打緊黎”””),去左淡水先~~

一黎就買鐵蛋

之後諗住搭船去漁人碼頭,點知只要加多10蚊就可以去埋八里,咁緊係去埋啦~

打風前既天氣真係幾好*

淡水

一上岸即刻食我久違了既魯肉飯!天呀,實在太好味喇!

八里海岸

熱到…

我地行到依度就無再行了,番歸

諗住搭船直去漁人碼頭,點知原來要搭番淡水再轉船

好快就黎到漁人碼頭了~~情人橋^^

漁人碼頭~ 買左杯珍珠奶茶飲~

趕番西門町同屋企人會合,食生日大餐~~打邊爐!!好正!

之後比呀爸帶左我去女僕餐廳~ 好Surprise!有生日蛋糕同埋咁有趣既蠟燭XD

哈哈,多謝哂!

終於好飽好滿足咁番到酒店—-Just Sleep捷絲旅,佢比左怪床房我地,不過張床都比我想象中闊~訓得好舒服

Open Toilet~

都有風景睇架!

To be continued~~