Day 5.1 – 台中最終章【手信篇】

遊記終於寫到最後一天!我們今日便要回到香港了,很不捨,為何去旅行的時間總是過得這樣快呢?收到我行程表的blog友都可能會看到,我們最後一天是搭乘8:25AM起飛的航班的,所以我們今早六時不夠便起床了….. 在碧根行館望出去,竟然看到日出,很美麗! 早餐還沒有吃,我們便上的士到機場了。 在逢甲去機場只是用了二十分鐘,可能因為超早的關係吧,到達台中機場,check in很順利,但是我們留意到華信的counter很多人排隊,乘搭華信的人便要考慮早點到機場了。 機場裡沒有什麼shopping的地方,幸好有免費wifi和一間細書店。 台中之旅寫到這裡,完滿結束!希望大家看過後會有所得著吧!以下是手信時間,我們買的手信多得放滿整張枱! 芋頭條 凰梨蘇 車埕買的木飯盒 脆肉乾 妹妹在薰衣草森林買的,不知道是什麼。 集集香蕉蛋卷,正! 埔里十八度巧克力 埔里木輪蛋糕(我買了都不知…) 車埕珍菇餅 妹妹的米田共可樂糖 香菇 冬瓜茶 清境羊乳片 台中太陽餅,正! 相關文章: 台中5天遊機票篇 Day 1 抵達台中【 米卡沙旅店】 Day 2.1 新社【薰衣草森林】 Day 2.2 新社莊園【歐式花園古堡】 Day 2.3 日月潭民宿 露天花園燒烤 Day 3.1 日月潭遊湖 […]

Read More

Day 4.3 – 台中必逛夜市【逢甲夜市】

「台中的逢甲夜市,是台灣規模最大的夜市,與基隆廟口夜市共同取得「台灣最美味夜市」頭銜,以及在遠見雜誌「全台夜市遊逛」大調查中,以25.6%得票率獲得臺灣最喜愛的夜市(第二名 士林夜市 15.4%)」- Wikipedia 我在計劃行程時已決定在台灣的最後一晚在逢甲夜市掃街,盡情放縱!所以,選酒店也要選間舒服而又超近夜市的!最好就係一落街就係夜市,咁就可以食夜d都得啦!而住在逢甲夜市仲有第二個好處,就係逢甲比台中火車站近機場好多,方便我們聽日一早去機場搭的士番香港。綜合所有因素,我就book左碧根行館4人房(訓5個人),房間好有好企理,一晚1162HKD。 4人房有一張雙人床同兩張單人床,另外有一張sofa比姑姐訓,岩岩夠我地5個人,哈哈。即是一人232HKD。 浴室都好乾淨,和民宿的比又係另外一個層次。 碧根行館是我非常推介的逢甲首選,當然仲有好多平價酒店在逢甲可以選擇啦。 好,事不延遲!一落街,就係逢甲夜市!超多人超熱鬧,我地11人亦兵分三路,向小吃進攻! 不愧是台灣規模最大的夜市,超大超多選擇,我地都睇到眼花花。 依間官芝霖大腸包小腸,超多人排隊的!不過真係太多人,我地都無排隊了,不過,官芝霖大腸包小腸的而且確係逢甲必吃的經典美食之一。 我地食左依個炙燒霜降牛,肉質軟,配上黑胡椒及海鹽,底層有些鳳梨片,一份100台幣,好味! 之後試左【大疆南北新疆羊肉串】,佢採用正宗新疆作法,以獨特香料帶出食材本身的甘美, 非常好味,而一串都只係20台幣,我地買左兩串食,好惹味! 逢甲月亮蝦餅,亦都算係逢甲必吃的美食之一,不過份量太大,四個人食就岩了,可以留d quota繼續掃街! 之後行行下比我地發現左有間類似台北阿宗麵線的餐廳,即刻坐底食番碗,一食就有番上次去台北既感覺呢! 食完出黎都有d飽了,行前幾步,見到有間好特別既小吃檔,叫大雕燒!當我在猜想有無人會買的黎食既時候,有一女子出現了!這位濃妝打扮的女子似乎對這個重口味既食物非常好奇,似乎諗緊食邊種口味比較好,興幸我無見到佢食緊個個樣。 逢甲夜市隔離就係逢甲大學,所以都會見到好多大學生,不過我諗,大學隔離就有個咁吸引既夜市,邊個有心情講書? 之後就周圍行下,逢甲夜市除左食野仲有好多賣衫賣女仔野的店鋪,多到的一晚都行唔哂。各位將會去既朋友,你地要預備好個胃同埋腳骨力呀! 經驗分享: 碧根行館:http://www.beacon-hotel.com.tw/ 小心銀包,因為實在太多人。 小心銀包,因為好容易洗哂d錢。 相關文章: 台中5天遊機票篇 Day 1 抵達台中【 米卡沙旅店】 Day 2.1 新社【薰衣草森林】 Day 2.2 新社莊園【歐式花園古堡】 Day 2.3 日月潭民宿 露天花園燒烤 Day […]

Read More

Day 4.2 – 台中的巧克力【18度巧克力工房 】

在埔里食完飯後,我地好快就去到埔里市好出名既景點 – 埔里酒廠。 埔里酒廠係一個好熱門既景點,我地亦都係依度第一次見到香港旅行團。 埔里酒廠係埔里當地著名既觀光酒廠,酒廠除左有最優質潔淨既泉水外,仲有當地得天獨厚既氣候條件,加上精湛既釀酒手藝,都係埔里美酒出名既原因。早期酒廠以製造糯米酒、米酒、太白酒、清酒為主,後來因為推出「國之名酒-埔里紹興」而名號響亮於全台灣。 我地其實對依個酒廠都無咩興趣,所以都係順路黎一黎,留一個鐘就走了。我地一黎到就入酒文化館行下。 出面有個好大既酒氣球! 酒文化館包括台灣紹興酒故事、紹興酒的精雕藝術、紹興酒的道統釀酒工藝、紹興酒的料理功能、埔里酒廠發展史老照片展、中國酒器發展與演變、中國酒的起源與傳說、埔里酒廠921地震回顧展、台灣故宮博物院提供復製精美青銅酒器、漆酒器、瓷制酒器、造酒圖、古人喝酒法,酒甕與你對話展示區、製酒釀造經典,另一具特色的是原住民傳統製酒及喝酒之文化圖片展、酒類益智百問百答、酒與詩之美等等…………..其實,所有野都係關於酒! 我地對酒無咩認識,所以都係見到d咩得意野就影下。 依條隧道好特別!我覺得係成個酒文化館最有特色的。 成條路兩邊都係酒埕。 好長既隧道,酒鬼最愛! 酒文化館仲有好多野玩。 依個係好流既醉酒體驗屋,以為入去可以暈下啦,點知入去乜分別都無,如果想遊客點驗醉酒,應該擺d酒係度比人任飲啦XD 行完酒文化館,我地就去對面既鋪頭睇下有無好野買啦。呀媽話想買香菇,但睇唔岩同貴,所以都無買野。 離開埔里酒廠後,我同羅司傅講我地想買香菇,但覺得埔里酒廠太貴,想去一d街坊d既地方買,結果佢就車左我地黎依度喇! 羅司傅果然係住係埔里既埔里人,依間果然平好多,我地成團人立刻大手購物=o= 買完香菇後,我地就去到埔里等二個好出名既地方,依度我覺得比埔里酒廠吸引好多啦!依度就係18度巧克力工房喇! 「位於南投埔里的18度C巧克力工房以低恆溫手感巧克力著名,於2006正式網路開賣,工房主人茆師傅在網路開賣前,巳有十餘年製作巧克力的豐富經驗,起初由於兒女愛吃巧克力,開啟了他1999年赴日進修專攻巧克力的念頭,返台後還是不停的鑽研巧克力食譜,一開始並無販售只是贈送親朋好友品嚐,沒想到手工巧克力這麼受歡迎,所以18度C巧克力工房應運而生。」 一早已經想試下依度既朱古力同雪糕,終於有機會一試! 幾多人排隊!證明係好野啦! 排左約10分鐘,就可以買雪糕了! 超多口味選擇,我就揀左香蕉同瑞士朱古力。 真係超好食!Both香蕉同瑞士朱古力味都好有水準!一定要試!係一定要試! 食完雪糕後,我地買左d朱古力食! 我覺得有d似Melty Kiss,我都係覺得雪糕好食d! 18度巧克力工房對面都有間叫木輪蛋糕的,都係同一個老闆,我地就無幫襯了。 木輪蛋糕隔離有得飲免費Coffee,我對Coffee麻麻地,所以就無試了,不過見到好多人飲,所以覺得應該都係好飲的! 姑媽佢地仲買左小熊燒,類似雞蛋仔d friend啦,幾好味。 飲飽食醉後,我地就番台中市了。 羅司傅帶我地黎到台中的高美濕地睇日落。 高美濕地既風車日落景非常出名,係好多戀人都會到既浪漫拍拖聖地,亦係台中睇日落既熱門地方。 來到台中,就為團友們拍番一張那些年吧!多謝參加晉盈遊! 高美濕地的日落。 下一集,台中之最終章 – 逢甲夜市! 相關文章: 台中5天遊機票篇 Day […]

Read More

Day 4.1 – 我們在清境青青草原和羊咩咩玩遊戲!

好唔捨得咁離開左清境民宿單棟小木屋,我地一行11人就來到清境最出名既「青青草原」了!我地9點就到達青青草原既山頂入口,準備睇9:30AM綿羊秀!一入到去,嘩,我在台灣嗎?這麼美麗的山景真係好難見到。 今日超好天,10月中真係一個好季節,仲有d熱tim。 一路沿住山路落山,好快就見到綿羊秀表演地方,已經有好多人了,我地都要落去坐個靚位先。 一路都有好多人落去,我地都一路落一路影,因為真係處處都是景呢! 有好多人都選擇唔去到最底,就咁坐在草原上睇綿羊秀,都別有一番風味。 落到山下,我地趁仲未開始,就同d羊咩咩玩下同影下相先。 黎到青青草原,你都幾難見唔到羊咩咩! 除左羊咩咩外,你仲可以騎馬,不過當然要比錢啦。 準時九點半,清境最富盛名既「羊咩咩脫衣秀」開始了!嘩,背後有超多人,好誇張! 依個老外就係表演人,佢既國語好流利的。 老外一發號司令,成百隻半咩就係山上衝落黎!勁! 跟住老外問有無人想出黎同佢玩,我呀妹一舉手,就比佢叫左出去了!原來佢係要負責分羊咩,只准白色既入黎,黑色就唔比入。 佢既禮物就係羊咩咩米田共糖!哈哈,其實係可樂糖黎既,都幾好食架。 之後老外就幫羊咩脫衣了。 佢只用左5分鐘,就幫成隻羊脫毛了!! 好精彩,轉眼變左一隻無毛既羊。 睇完脫毛仲有d餘興節目,都好緊張刺激架,不過都不多講了。 睇完「羊咩咩脫衣秀」,我地就當然上草原影下相啦,超好天,藍天綠草,影乜都咁靚。 呀妹超Professional的,果然係明日記者。 我地周圍行,周圍影,上下山,落下山,好不自在! 依個景無得頂,清境就是應該這樣的,有d霧氣,有d神秘感。 行完後,我地出園區,行過一條商品街,買左d羊乳片,過去對面既一個園區。 出園區既時候記住要在手背蓋印,如果唔係就入唔到對面既園區了! 對面園區叫做觀山牧區,有不同既景色。 我地班年輕人黎到就通山跑,玩得特別開心! 行到去景觀羊舍,可以就咁執d草餵羊。 d羊真係有幾多食幾多架,好好玩。 小朋友都學我地餵。 好後悔餵得太耐,一行多幾步,即刻見到通山都是羊!正呀,即刻衝上山。 我地同d羊超近距離接觸!真係好想同d羊玩耐d,可惜時間有限,我地玩多陣就要走了… 好開心有機會在羊群裡面影相,佢地d毛好靚好軟,任摸唔嬲,好難得亞洲有個地方可以有咁多羊的。 大概12點幾,我地就離開清境,直奔埔里了。途經碧湖,我地都落車影下相。 約一小時車程就到了埔里,我們去了羅司傅介紹的圓頂屋,食埔里特色餐。 我地哎左好多野呀,全部都好好味,好新鮮! 食得好飽,我地就向埔里酒廠同18度巧克力工房進發了! 行程建議: 青青草原最好山頂入,山腳出,可以慳番不少腳骨力。 青青草原入場費平日160台幣,假日200台幣,學生120台幣。 綿羊秀表演時間為星期六日、國定假日及寒暑假(除了星期三)的09:30及14:30於青青草原表演台,記住唔好錯過呀! 相關文章: […]

Read More

Day 3.4 – 台灣清境單棟小木屋 民宿完美體驗

今次要介紹既係我地於2013年10月入住的清境雲濛仙境民宿。這間民宿以高質感民宿見稱,是一座距離清境農場非常近的民宿,民宿可遍覽清境景觀,還有提供清境才有的擺夷菜色。我地訂了一晚【獨棟小木屋】,所有硬件軟件都是一流,只恨只住得一晚,由於很新鮮後特別,特此做個介紹!我會先介紹內部,再介紹外面,比較符合我們行程的次序。 一入到去,是一個大廳,一個木造的大廳,空間超大的。 大廳旁就是一個偏廳,有得多精致擺設同一圓桌,兩個廳加埋坐到好多人! 偏廳右邊仲有一個bar枱!我們年輕的晚上就會在此飲酒。 真的很爽吧!係民宿人面都有咁有特色既擺設。 客廳旁的四人房,很大,俾我,妹,同父母訓的。 四人房內的獨立洗手間。說到洗手間,這裡每個客房都有獨立洗手間,有客廳也有一個! 一樓仲有一間二人客房。 一樓介紹完,上到二樓,有兩間客房同一個活動室。 兩間二人房都可以望到清境山景,一樣有獨立洗手間。  活動室。 民宿室內感覺太好了,我們都在拍照!但好野點可以停,我地好快就落去食擺夷菜色的晚飯。所有民宿客人的晚餐同早餐都包左,無話可說吧! 餐廳有很多精致的擺設,這是民宿的特色吧! 食飯前來一個大合照,多謝我的親戚們參加晉盈遊,係咪好玩過出面旅行社好多呢! 擺夷菜色很適合香港人口味,每道菜我就不多講了,總知好味啦! 食緊飯旁邊隻鸚鵡不斷插嘴。 食飽就同我最愛既叮噹影下相啦,哈哈。 食飽飯番到民宿,首先就玩要相機影下星星先!真係有好多星星架!影左好多張,post一張多星星的。 出面影到好凍,番去入面,就見倒呀爸係度飲紅酒! 這個就是我地今晚既宵夜了! 一路傾傾傾,傾到12點先訓,聽日又有好多行程了。 ——————————————— 晨早起床,在民宿望出去,天氣超好的! 清境真係好靚,之後去既青青草原都要一直好天! 尋晚介紹完室內,今朝睇埋室外! 我地住既單棟小木屋,好有歐洲feel架。 木屋出面。 有個小草地。 藍天白雲,心情都特別好。 落去食早餐。 早餐係自助式的,食物款式很多亦很豐富,好飽。 同民宿主人check out後就離開了,往青青草原出發! 經驗分享: 清境雲濛仙境民宿網址:http://www.misting.com.tw/ 民宿晚上7時前就要食晚餐。 單棟小木屋可住10人,一晚18500台幣,另可加多一張床(要加錢),包早晚餐。 單棟小木屋要行是一條樓梯,如果行李多的話就辛苦d。 相關文章: 台中5天遊機票篇 […]

Read More