Day 16 – 瑞士16日自由行總結(含行程圖, 行程表, 住宿交通資料)

瑞士的16天旅途中,我們走過大半個瑞士,我自己plan行程都plan左3個月,我自問雖然唔係瑞士專家,今次行程plan得未必最好,但都希望將我做過既野分享比所有人知,特別係將會係去瑞士既人,應該會有一定既參考作用! 晉盈遊現推出瑞士行程圖,詳盡pdf行程表,如下圖。如果大家想要,可以直接在晉盈遊網頁下載,謝謝!如果大家喜歡的話,可以在晉盈遊Facebook按Like一下,實是對我們最大的支持! 晉盈遊Facebook:https://www.facebook.com/chunyingtravel 行程圖: pdf版詳盡行程表: 瑞士2013遊記到止完畢,非常多謝各位花時間觀看,如果認為有咩地方可以改進,請留言,我們一定會努力改進! 瑞士快速連結 (D1 = Day 1) 【序】瑞士塵世美>金錢洗費>機票篇>【D1】日內瓦>【D2】洛桑>沃韋朝聖山>策馬特Youth Hostel>【D3】馬特洪峰觀景台>黑湖-策馬特健行>【D4】康娜葛德觀景台>羅登波登-利菲爾堡健行>盧達本納Valley Hostel>【D5】盧達本納兩大瀑布>布里恩茲湖遊湖>【D6】少女峰>小夏載克-文根健行>【D7】佛斯特(First)觀景台及巴哈阿爾普湖畔>【D8】歐能辛湖/藍湖>圖恩>【D9】琉森市內遊>【D10】琉森交通博物館及瑞吉山>【D11】蘇黎世遊>Winterthur民宿推薦>【D12】修道院之城聖加侖(St.Gallen)>萊茵河寶石施泰因(Stein am Rhein)及步行去德國康斯坦茨(Konstanz)>閃耀萊茵瀑布的國慶煙花@沙夫豪森(Schaffhausen)>【D13】列支敦斯登>海迪故鄉邁恩費爾德(Maienfeld)>【D14】首都伯恩(Bern)>【D15】日內瓦一日遊>【D16】瑞士16日自由行總結

Read More

Day 15 – 紅十字會總部, 聯合國總部, 大噴泉@日內瓦

15日前,我們由香港來到日內瓦,遊了瑞士大半圈,轉眼間,就到了旅程的最後一日,下午我們就要到日內瓦機場,回香港了……..早上,因City Hostel Geneva無早餐,所以我地自己煮左個早餐,Check out寄存行李,就離開Hostel了。 我地搭15號電車,去終點站Nations,即紅十字會總部及聯合國總部所在地。 一落車,就會見到國際廣場上一張巨大的斷腳椅子用以紀念被地雷炸傷或身亡的人,以談判代替戰爭之意。 聯合國歐洲總部 – 萬國宮。 不過今日萬國宮無開門,所以我地就無參觀到萬國宮,而行去隔黎既紅十字會總部。 紅十字會總部/紅色新月博物館,一個我非常推薦的博物館! 紅色新月博物館是瑞士的旅遊景點。日內瓦是瑞士境內國際化程度最高的城市,以其深厚的人道主義傳統被世人譽為和平之都。 紅色新月博物館,主要介紹國際紅十字會。從現代一直到現在的歷史進程中,跨越國界,為許多人提供無私醫療救助的國際紅十字會和紅色新月的活動。在俄羅斯和土耳其交戰期間,土耳其軍隊認為”紅十字的徽章會傷害土耳其士兵的感情”,因此向紅十字會提出允許使用白色底加紅色新月的標記,紅色新月,就是在那時候產生的。 今日,我地非常幸運唔洗比10CHF入場費就可以入去,原來每月既第一個星期六都係唔洗比錢的! 入到去,就會見到紅十字會創辦人亨利·杜南,他獲得了3次諾貝爾和平獎! 每個人都有不同既故事,而佢地背後都有一斷痛苦既故事。 博物館以大量照片、幻燈片及影像,以淺顯的方式說明國際紅十字會的成立歷史,活動。 這是一個prisoner做的,非常利害。 一位在蘇丹受戰爭洗禮後,現在成為一個演講者,為紅十字會服務。 紅色新月博物館我覺得是一個非常有意義的博物館,參觀完後我決定每個月都定時捐錢比紅十字會,因為我知道佢地真係做緊野。當然,三個月捐一次血是常識吧! 離開左博物館後,我地行番去聯合國總部搭巴士出市區,途經藝術歷史博物館。不過我同小盈都無興趣,所以就算免費都無入去。 之後搭車去到日內瓦旁的英國花園Jardin Anglais。 依度就可以望到日內瓦既地標 – 大噴泉! 大噴泉是位於瑞士日內瓦的日內瓦湖畔的一座特大型人工噴泉,使用高壓幫浦抽取日內瓦湖水並打上空中,噴出的高度可達約140公尺。此噴泉也是日內瓦的著名地標,從日內瓦的許多地方都可以望見。在噴泉下方有一條堤道,噴出的湖水有時會隨著風向直接落在堤道上,宛如傾盆大雨,為日內瓦的熱門觀光景點。大噴泉最早建置於1886年,當時噴出的高度並沒有現在高。現在的大噴泉是在1951年設置的。 行完英國花園後,我地經過名店街行去時間光廊Cite du Temps,途中望到盧梭島。 到了時間光廊Cite du Temps。 時間光廊是由Swatch開設的博物館,展出了從1983年Swatch創立以來,每一隻面世的手錶。 我地都有其中一隻呢!哈哈。 參觀完後,我地就去對面街超市Migros Restaurant食個Lunch,之後就行入老城區參觀。 上老城區條路都幾斜,不過我地發現左可以係圖書館搭電梯上到4樓,再係4樓出口行出去,就可以慳番d腳骨力! 依度係盧梭故居,不過佢唔識我我唔識佢,所以影張相就算。 行到市政廳,對面有大炮睇。 之後就在老城區行到去聖彼耶教堂St Pierre […]

Read More

Day 14 – 瑞士首都伯恩(Bern)

話咁快,我地就黎到瑞士行程既最尾兩日。我地今日一早就離開在Winterthur的Jenny’s Home,搭火車經蘇黎世到瑞士首都伯恩(Bern)。伯恩只係今日既中途站,我地今日最後係會回到日內瓦的。我地搭0925既火車,於1058到達伯恩。在伯恩火車站寄存行李後,就行出火車站開始伯恩半日遊了。 伯恩( Bern )位於瑞士西部,是該國首都及僅次於蘇黎世和日內瓦的第三大城市。雖為首都,但伯恩卻流露出一份小鎮的質樸風情,有古老的傳統小街及有上百年歷史的拱廊樓房,其舊城區亦早在 1983 年獲聯合國教科文組織( UNESCO )評為世界文化遺產, 故當地可說是集古今文化特色於一身。 我地第一站黎到鐘塔,建於十二世紀,是當時的城門,但隨著城市擴建,便指留下塔樓。底盤部份仍是伯恩最古老的建築之一,時鐘在十六世紀掛上的。不愧是以鐘表聞名的國度。 我地等到11:56AM,鐘塔最長既表演就會開始,都有幾多人等睇表演。 表演開始,只見幾個公仔走出黎,又走番入去,完全廢的……睇黎都哂時間……. 伯恩建於西元 1191 年,關於它的取名有兩個說法:第一個傳說是建都的扎林根家族準備在亞勒河畔建一個新城,並以獵殺的第一頭動物命名,據說最先被獵到的是一隻老鼠,但將之廢除,後來獵到一頭熊後便正式定名,而熊的德文就是 Bern,而第二個說法是札林根家族是從意大利的 Verona 搬遷過來,而 Verona 的德文就是 Bern。 我地沿住伯恩的中央大街Kramgasse行,一路就會見到多個唔同公仔造成既噴泉,伯恩市區有多達100座噴泉,特別以中央大街的11座最為出名。 途經愛因斯坦故居,因Swiss Pass無包,所以無入去。 旗手噴泉。 旗手噴泉旁就係市政廳,同天主教堂。 行番出大街,兩邊都是掛著國旗的古老建築,非常有特色。 行到最盡就會到達伯恩半島盡頭既Aare River。 橋上既景色好靚呀! 橋面係好有特色的磚頭鋪成。 一行過橋就會到達熊公園了。不過,當我地到達熊公園時,覺得都係時候食Lunch了,而咁岩熊公園內有個Tourist Centre,我地就問佢邊度有得食伯恩最出名既伯恩拼盤Bernerplatte啦!佢就介紹我地去熊廣場旁的Chez Edy餐廳。 我地搭巴士去到熊廣場(Swiss Pass市內巴士全包),好快就搵倒佢地介紹既Chez Edy餐廳了! 坐底睇下餐牌,就決定我地兩個淨係order一個伯恩拼盤,因為一個伯恩拼盤已經要40CHF (~330HKD) […]

Read More

Day 13.2 – 海迪故鄉@邁恩費爾德(Maienfeld),小海迪之路健行

接上篇,我地由Buchs火車站出發,搭20分鐘,約12:20pm就到達海迪故鄉邁恩費爾德(Maienfeld)了!下午真係超熱呀! 邁恩費爾德——海迪的世界 邁恩費爾德位於格勞賓登州,這座小城激發了女詩人約翰納·施匹麗的創作靈感,寫下了她的著作《海迪》。在“海迪村”——《海迪》故事中地點的原型,這個快樂可愛、熱愛自然的小孤女的生活好像變成了真的一樣。 我好細過就同呀妹睇飄零燕大的,好開心可以黎到海迪村,海迪遍布在城中每一個角落。 我肚子都餓了,由於我今日岩岩收到一個我好開心既消息,就係London既比賽拎左個award,可以11月有免費機票到London Present好!咁開心,我決定請我地四個坐底食番餐好既!一人一碟,我地好耐都無食過咁飽了! 食飽飽後,我地就開始行山了。Maienfeld最出名有兩條行山路線,分別係小海迪之路之路同大海迪之路。我一開始plan行程個時真係諗住行大海迪之路,可以行上爺爺既木屋,不過要行4個半鐘,仲要一路上斜……由於今日天氣實在太熱,所以我地放棄了,改行小海迪之路。 小海迪之路行大概2小時,我地會跟住紅色路牌走,就唔驚走錯啦。 離開左城中心後,我地一路上山,穿過葡萄園。 表姐大住肚都仲可以行山,真係好野,當然咩都比哂呀威拎! 穿過左葡萄園後就會轉入砂石小路,比較陰暗舒適。 草原山景,靚。 穿過車道後,就到達海迪之泉。 海迪之泉,泉水清涼,休息既好地方。 Hea左一陣就,就入番森林,繼續向上行。 間唔中都可以望到山景。 一路向上行20分鐘,就去到小海迪之路最高點了,我地行到上去時已經好熱,結果攤左係草地上休息一番。 一路沿住車路行。 會見倒海迪小屋(酒店同餐廳)。 一路沿住小徑行,就會到達海迪之家博物館了。 雖然海蒂的故事可以任何瑞士阿爾卑斯山地區作為背景,但是由於約翰娜‧史匹裡(Johanna Spyri)曾經來到梅恩菲德探望好友並從事著作,也因此梅恩菲德被認定為正牌的海蒂故鄉;在這個海蒂之家裡,你可以看到書中描述的往日情景。 這座已有300年歷史的小小房舍裡,海蒂與彼得相對而坐,桌上還放著海蒂尚未完成的功課,2樓一角,還可以看到海蒂爺爺做到一半的木工,時間在此,恍若靜止,刻畫的不僅是書中的畫面,更是瑞士山間小鎮的歷史即景。 除了博物館之外,屋舍外面還有一個小農場,可以近距離跟小羊咩咩親近,門外的草地上也有放牧牛群,不時傳來叮噹的牛鈴樂音。雖然博物館的設施簡單,但也重現出那一段純淨單純的往日時光,令人會心。 我地沿本係諗住會入博物館架,不過Swiss Pass唔包,入去又要8CHF一人,好似無咩值得睇,所以我地就係出面影下相好過啦。 有對香港人係度餵羊。 係依度仲可以望到整個Maienfeld。 之後我地就慢慢行番落山了。 一路行落山風景都係完美既,一舊雲都無,個天好藍,令人心擴神怡。 不過真係好熱,熱到我地好似中左毒咁,一見倒泉水就要沖下身沖下手,我同威仲照頭淋,超涼快! 差唔多每行5分鐘就見倒一個泉,我地就會又涼過。 番到落市區,我地既海迪故鄉小海迪之路健行就完成了。 去到Maienfeld火車站,我地搭17:21既火車去Chur (不是廣東話的Chur,是城市名Chur XD),搭17分鐘就到達Chur庫爾。 Chur火車站。庫爾是格勞賓登州的首府,擁有約五千年的悠久歷史,是瑞士最古老的城市。 不過,唔知係咪國慶日,成個Chur城好似變左死城咁!一個人都無,網頁仲話「這裡有各種各樣的文化活動、酒吧、俱樂部、博物館、商店以及精品店,十分熱鬧」???十分熱鬧? 結果,我地係火車站對開行左15分鐘,就決定坐火車番蘇黎世了! 我地搭6:09PM火車,約7點半就車番到蘇黎世。 […]

Read More

Day 13.1 – 郵票小國列支敦斯登(Liechtenstein)

尋晚的萊茵河瀑布上的國慶煙花真係好靚,番到民宿訓左幾個鐘,就要起身喇!今日係8月1日,係瑞士國慶日!我地都非常期待,覺得今日一定會係好美好既一日!今日早上既行程係離開瑞士,去郵票小國列支敦斯登(Liechtenstein)! 我地四人(我,小盈,表姐夫婦)約7:15am就離開Jenny’s Home,因為我地要搭好早既火車呢!我同小盈為左今日瑞士國慶,特登前兩日在蘇黎世各人買左一件瑞士衫!情侶裝呢,我地去到邊d人都望住我地! 今日超好天,希望去到邊都咁好天! 我地搭巴士去到Winterthur火車站,順利上左7:58am開往Zurich的火車,我地就在火車入面食Jenny整比我地既早餐!多謝Jenny。 Winterthur火車站到列支敦斯登首都Vaduz都幾轉折,我地要搭火車去Zurich(7:58am-8:23am),轉車去Sargans(8:37am-9:32am),再係Sargans火車站轉巴士去Vaduz(9:36am-9:56am),全程1hr58min。 其中最易發生問題的是Sargans火車站轉巴士去Vaduz,我地只有4分鐘時間,但落火車時你唔會知道巴士站係邊,所以會好易miss左班巴士。建議之前睇清地圖,快d落火車搵巴士站! 我地順利上了由Sargans去Vaduz的巴士,巴士上每個站都會寫住,我地係去尾站Vaduz Post。好好笑,Vaduz Post前一站叫Roxy,唔通係Roxy基地? 上巴士20分鐘就到了列支敦斯登首都Vaduz了!巴士其實好靚,好顯眼。 列支敦斯登是歐洲中部的內陸小國(聯合國區域集團定義為西歐國家),夾在瑞士與奧地利兩國間,為世界上僅有的兩個雙重內陸國之一(另一個為烏茲別克)。同時該國也是唯一一個官方語言是德語但與德國沒有交界的國家。這個迄今仍維持君主立憲制的山區小國,雖然土地狹小兼人口稀少,但卻擁有異常高的國民所得水準,其人均國內生產總值高達60,000歐元,是一個以阿爾卑斯山美麗風光、避稅天堂與高生活水準而著稱的富裕小國。 Vaduz是中歐國家列支敦斯登的首都,座落於萊因河河谷沿岸的一處高地上,擁有5,000上下的人口,其中絕大部分都是羅馬天主教信徒。相傳Vaduz的起源,是13世紀時偉登貝格伯爵(Counts of Werdenberg)在這裡建立了一座城堡(1322年),但該城堡後來在1499年時落入瑞士手中。 今日的瓦都茲是列支敦斯登重要的金融中心,市區內也有用來展示皇家收藏的美術館與一家郵票博物館,觀光業興盛。 一落巴士,舉頭向上望,就會見到Vaduz Castle,係國王住的地方,不開放比人參觀,但係可以行是去,不過咁高,我地當然無行上去啦…….. 巴士站行幾步就去到Vaduz既郵票博物館。列支敦士登公國的郵票博物館建於1930年,於1936年對外開放。這裡是探索列支敦士登郵政和集郵故事的好去處。博物館中還擺放著列支敦士登稀有的郵票、歷史檔案、古老裝置、老舊郵政設備和一些特殊展品。 2006年起這裡被列為列支敦士登國家博物館的一部分。 Swiss Pass入去唔洗比錢。 郵票博物館入面唔係好大,對於唔熟悉郵票既人其實無咩吸引力,不過去到一個咁出名郵票既國家,點都要入黎見識見識既。 行完郵票博物館後,我地行去隔離既Tourist Information Centre。行去既途中地上都有好多郵票,果然係郵票國度! 入Tourist Information Centre,我只係想做一件事,就係………….. 在我既護照上給印呀!我個人覺得極具收藏價值,好過其紀念品啦。個印印有日期(8月1日瑞士國慶),同埋Liechtenstein字樣!我上一個紀念印就係去到芬蘭Roveniemi北極圈上既印了,已經不知不覺過了三年。FYI,一個紀念印要3CHF,都幾貴。 Tourist Information Centre仲有好多寄念品買,下圖係列支敦斯登國旗。 我地在Tourist Information Centre都留左幾耐,行番出去就見倒一架旅遊火車。 其實咁細個國家,所有旅遊點都係埋一齊,小火車都無咩用,都係旅行團坐的吧。 由Tourist Information Centre行過對面,就去到我地在Vaduz既最後一個景點,郵政局! […]

Read More