新加坡休閒遊@烏節路shopping遊 Day4

時間過得真係快,話咁快又黎到最後一日了~~今日我地得半日時間,所以都係酒店周圍行下就算。我地第一站去到酒店隔離既Wisma Atria,可能係因為太早既關系,好多商店都未開,我地行左一陣就走… 之後沿住Orchard Road行,可能都係太早既關係,街上無咩人,走得都相對舒服~ 呀爸避太陽的有趣Look ^^ 有靚女搵我地賣旗,之後仲同佢影埋相XD 我地經過09年6月先開既新加坡最大商場Orchard Central,好可惜太早關係,入面好似好冷清咁,所以我地都無入去.. 我地去左對面好似永安既商場行~~睇下呀妹幾鍾意呀爸* YEAH! 行去食Lunch途中,經過Singapore Visitor Centre,入左去~ 見倒入面既職員都好盡力為旅客解決問題,我覺得最好就係E個免費按摩椅,為shopping後腳部酸痛人士提供最體貼既服務=] 之後我地行去食今次在新加坡最後一餐了…我地選擇左位於文華酒店37樓既Chatterbox Coffeehouse食被旅遊書稱為四大海南雞飯之一既海南雞飯~~ 可能仲早既關係,上面無咩人,見倒360度無敵大靚景,真係咩都抵哂! 趁無咩人行一週欣賞新加坡既景色~~ 無幾耐,傳說中既海南雞飯出現左喇!D雞真係好嫩滑,正! 仲有咖沙~ 還有肉骨茶,但還是海南雞最好吃^^ 睇下我食得幾滋味^^(搞到移家打緊blog既我都好肚餓…..) 食完美味既一餐就番酒店再啟程番港了~~ 睇下呀妹,17歲仲咁低B!(雖然就黎20歲既我都想玩=.=) 係機場竟然見倒FISH REFLEXOLOGY,呀妹即刻話要玩XD 原來呀妹扮細路係有好處的,就係比職員以為係Child,收平左….當呀妹比魚玩既時侯,我地三個就係lounge等上機~ 今次好彩有一個位upgrade左做business class,全家都無人想被分離…結果我坐左上去~~D野食同Economy真係差得遠~ 無驚無險,晚上準時到步,結束了開心既四天之旅^V^ 旅程總共買了四個水晶球,一個比小盈,三個送比自己^^

Read More

新加坡休閒遊@魚尾獅+牛車水+小印度 Day3

同之前個兩日一樣,我地8:45AM先起身,十點出發。今日成日行程都係我編排,好過癮!首先我地搭MRT去Raffles Place,一出出口,就見倒美麗既河邊景色了~~ 依度都好似Clarke Quay,唔同既就係無左尋日既熱鬧。 我都想好似佢地唔赤裸裸跳落水游水!>V

Read More

新加坡休閒遊@聖淘沙+Clarke Quay Day2

一番學就無打過blog了,新加坡打左一日就爛尾,諗落都覺得自己好懶””” 難得今日颱風巨爵比左一日時間我,我就一口氣打哂去啦! 今日8:45AM起身,上lounge食早餐,十點就係酒店出發。今日我地會去既地方就係新加坡南部一個渡假島—聖淘沙。去聖淘沙都幾方便,搭地鐵去Harbour Front,之後轉去搭吊車就到了。在吊車站,有六種唔同既套票買,每個都係去唔同既地方,都應該幾抵既,不過抵幾多就無計到。我地一家人買左四張tour 9既套票,加埋都成千幾蚊,分分鐘貴過Disneyland。 好彩今日唔係假日,唔係好多人去,如果唔係排隊實排到死。 一齊坐吊車^^ 吊車衝出大廈15樓,膽小既都幾驚,,~ 對面既就係聖淘沙了,大興土木既地方將會在2010年成為賭場 望倒獅頭,原來新加坡有三個獅頭,都係政府許可既,一個係堅個個,一個係在聖淘沙,一個就係花柏山。依個獅頭英文叫The Merlion,係聖淘沙既一個景點,不過我地無去,上去一次要S$10。 好似坐左唔係好耐就到了。 一入到去就有個導遊,佢話叫我地入個Sovenior Shop等一陣,等齊人先教我地一齊去搭巴士同參觀,其實移家諗番都幾哂時間,我地根本自己行都識,唔洗佢帶。在Sovenior Shop行左一陣,見倒張卡想送比小盈,哈哈,不過唔想比佢咁容易賺錢,影底當買左^^ 依個就係我地個導遊,我真係好羨慕佢一口流利既英文,同佢考oral一定比佢屈機~~ 我地第一站去左Underwater World,要搭巴士去的,其實Underwater World就同海洋公園既水族館無咩分別,不過最特別同最有趣既就係可以用手掂D海星同魔鬼魚!!! 一入到去就玩下海星先XD 依隻海星諗落都覺得佢幾慘,成日比人拎起再放低… 之後就去隔黎個魚池玩魔鬼魚,除左掂佢之外,仲可以餵佢食肉呢~~ 之後就去左睇魚,依一隻十足K形咁,身體90度屈曲=o= 依隻八爪魚仲恐怖,成隻宇宙腦魔咁…. 水母就唔同了,好靚~ 水族館入面有條迴轉形既自動電梯海底隧道,都應該係成個underwater World既主打,有83米長。 海底~ 上番去見倒仲有時間,呀唔爸又作出哂錢既行為,就係買左包魚肉餵魔鬼魚。餵魔鬼魚係有技巧的,依度就唔講lu XD 佢同我笑 之後出番Underwater World,等巴士上番Imbiah,即係吊車站個度,等緊車既時侯望去海灘,好有渡假既感覺~ 之後去玩3D影院,模擬坐過山車咁,都幾好玩~~最好玩就係睇倒呀媽好驚個樣>v

Read More

新加坡休閒遊@Night Safari 26/8/09-29/8/09

暑假的最後一次旅行—新加坡 我地搭11:20AM的國泰機,3點幾就到了。我地搭新機,所以我地可以選擇自已鐘意既戲黎睇,可以stop, fast forward同backward,唔錯唔錯!睇左星空奇遇記,好刺激~~ 去到新加坡樟宜機場,買左四張八達通(S$15一張,S$10儲值額,S$5卡錢無得退) ,就搭地鐵去我地未來三日會住既酒店,位于Orchard Road既Marriot。去到酒店都已經五點lu.. 房間好高級呢^^ 我地既晚餐係27樓既lounge食。話說依四日既行程將會係我做領隊XD所以成日都要編排往後既節目,真係辛苦xd 個lounge裡面有好多野食,Yummy~ 經過我一輪認真安排後,決定新加坡既第一站會係全球第一個野生動物園—Night Safari 我地要搭地鐵到Ang Mo Kio站再轉巴士到動物園。有無發現到新加坡既人習慣會企在左邊呢? 我地在Aug Mo Kiu站轉搭136號巴士直到動物園總站。新加坡既等巴士排隊地方真係值得一讚!排隊設於商場內有冷氣地方,令人免卻排隊窒息之苦! 巴士係要上車同落車都要拍卡的 Night Safari都幾貴下,要S$32一個人,個人覺得唔鐘意睇動物既入黎都幾唔抵== 一入到去我地就即刻衝去睇八點半開Show既動物表演。 以為個動物表演好好睇啦,結果真係幾失望…表演毫無重點可言,做得二十分鐘多D就完,等既時間好似仲多>.

Read More