Day 10.2 – Bergen魚市場!

行完UiB後,我地就沿住條路一路行落去Bergen最旺既市區喇 黎到市中心,周圍都係Shopping Mall 行左成個上晝,當然要醫肚啦!我地去所有黎Bergen既人都應該黎既魚市場食海鮮!     哈哈,一黎就見倒我個Friend係度做Parttime,好好賺架,仲有所有海鮮無限任食! 挪威三文魚~~~ 我買平D  仲有好多魚子醬最岩做手信!仲有得試食! 我覺得大粒既魚子最好味~~ 我地買左既海鮮~~~ 唔客氣了! 食得仲未夠喉,整多個Fish & Chips先! 太滿足喇…好似食左500NOK,不過算啦~~ 食飽飽,我地又要出發喇!行上Mountain Floyen!

Read More

Day 9.2 – Oslo to Bergen

匆匆走過Oslo之後,我極速去到Oslo近火車站既supermarket買今晚既晚餐上火車食~~就係燒雞一隻喇!又平又好味,好過迫住買火車上既貴野食啦~~ 燒雞!好好味! Oslo去Bergen既火車,我搭過一定超過六七次….雖然被譽為最美麗風景既火車之一,我第一次搭既時侯仲不停影,影到第三次就唔影lu…不過,今日既風景好靚,特別係夏天既挪威,所以忍唔住都係要影 挪威的森林 湖泊 依個m.o.h.,我估計係指海拔 依程車我好肯定係全歐洲最慢既其中一程,要成7.X小時先到Bergen,不過,你都可以係停站既時候出去行下既~~ 出黎影下相同舒展下筋骨 靚靚挪威bb 火車繼續前進,上到二千米高時,仲見倒雪,都已經六月尾了 雪山‧湖泊 9:00PM,火車又停下了,我同呀爸又出去行下,後面既雪山,話比我地聽影完就好番入去…因為好凍… Finse,一個滑雪熱門地 我地已經坐到好想落車 最後好肚餓,頂唔順去餐卡買屈錢食物 依個pizza救左我地幾個,唔記得左幾錢了 黎到Flam,隔黎見倒出名既Flamsbana,我幾個月前都坐過佢去Sognefjord。 黎到火車既尾段,會見個峽谷,我覺得係成程最靚既地方 Myrdal,係參加過Norway in a Nutshell既人都應該認得既地方 10:00PM,天開始轉暗… 小小Fjord   經過七個幾鐘,我地終於到Bergen喇!終於番到我第二個家喇! 一落火車即刻番Fantoft(我宿舍),今晚我地三個人訓兩間房~~~聽日由我帶呀爸同姑姐遊一日Bergen啦!

Read More

Day 9.1 – 離開冰島+少少Oslo

冰島的第九天,亦都係最後既一日,我地一早就食過hostel既早餐,搭hostel既包車去機場喇! Hostel既包車(依間hostel真好),有架大van為我地而設,仲要晨咁早^^ 黎既時候坐Iceland express,走既時侯坐Icelandair,咩都比我地坐渾XD其實再間公司係舒適度同服務方面都無咩分別~~ Reykjavik機場   上機了……再見Iceland… ……… …..ZZZ…….. …三小時後…. 重回我既第二個家—Norway喇!!!好親切,好熟悉既感覺!我熟悉地購買去市區既火車飛,帶呀爸同姑姐短遊Oslo~! 我地好快就到達Oslo火車站喇,放低哂D行李係火車站後,一行出去,就見倒一個我從來無見過,一個咁多人,咁熱鬧,充滿生氣既Oslo!夏天既Oslo真係開心! 連老虎都走埋出黎! 沿住Karl johans Gate行,回望火車站 真係熱鬧到不得了呀   Karl Johans Gate既右邊有個Oslo Church,無咩特別   周圍既建築都好有特色 我地行到黎依度就唔行了,遠望皇宮 下面張相係我係冬天既時侯影既,幾大既分別!北歐既冬天=死城 之後我地行去National Gallery睇Scream依福畫    嘩,多人多到呢 The Parliament 只要一有陽光,挪威人就會出哂黎,攤係草地上,享受短短既夏日。 之後就行番火車站了 下一站:Bergen!

Read More

Day 8.2 – Reykjavik and Blue Lagoon

環島八日後,我地又番番第一日黎到既首都—Reykjavik喇!黎到Reykjavik都係兩點幾,可以有足夠時間shopping同買souvernir~~~ 望向Reykjavik Church~ 都應該係全Reykjavik其中一條最旺既街了,黎左冰島八日,終於黎番有番多d人既地方^^”   Shopping完後,我地決定食一餐好既early Dinner!!!!我地黎左一間唔知咩既地方 海鮮串燒任揀,我地有咁多人,緊係咩都試下啦! 以下既就係我地食既串燒,咩肉都有,不過最特別既,都算係… 鯨魚肉啦!全世界只有日本同冰島(好似)可以食鯨魚肉架咋,人一世物一世,唔好理咩保育住喇,食左先算啦~   食完後覺得好鞋…都唔好食既””””以後都唔會食 反而依個魚幾好味~~ 好!食飽飽喇!係時候去冰島之旅既最後一站,傳說中既Blue Lagoon! 未入到去已經見倒籃色既泉水,其實,咪就係隔黎工廠排出既廢水lor   Blue Lagoon感受: 個池好大,不過池水唔係所有地方都一樣溫度既,有d地方會比其他地方熱d,我覺得熱既地方舒服好多,其他地方唔夠熱!仲有就係旁邊有好多白色既泥比我地任敷,不過,我覺得好irritating,都係少搽為妙。 我地浸左兩個鐘就夠喉了~~~上水個一刻都幾凍。走既時侯去紀念品店買左d blue lagoon 化妝品做紀念品比家人。 浸完就黎到我地冰島最後既一晚hostel了,Guesthouse Alex,19euro/person,5-bed room,超抵!又近機場,仲有免費shuttle坐!   我地訓二樓~ 今日係我地七人分開既時侯!陳李同學就先回Bergen了。

Read More

Day 8.1 – The Hottest Spring in the world@Iceland

冰島的第八天—-話咁快就黎到冰島之旅既最後一日喇,我地今日會行下圖既黑色路線,由北面一直去番Reykjavik!全長500km,係車程第二長既一日…. 我地一早就由Brimmnes Family Cabins出發。今朝既天氣超好呀,風景好靚^.^ 我地就離開住左兩日既地方   唔捨得片左無數舊石落去既湖 同埋住左兩日既木屋   不過都要起程了…交key先 我地第一站黎到Deildartunguhver,係全世界最熱既spring 煙霧彌漫…..話就話最熱,不過其實都無咩好睇,當黎過就算 好,就係度野餐啦~~   我地仲買左200kr既番茄仔,完全係honest system,入錢就攞得~~ 再坐多兩個幾鐘車,就番到Reyjkavik喇!嘩,睇下個車頭~~~   又係無數既屍體 所以我地又去到油站洗車同埋入油 下一站,亦都係旅程既最後一站—–Blue Lagoon!

Read More