由香港望深圳@大石磨山, 河上鄉

2012年6月2日,星期六,本身諗住同小盈去天壇大佛,不過揭開報紙,剛剛介紹上水河上鄉有山行,仲可以望向深圳的,見今日唔係好熱,就去馬喇!不過起身都11點,即刻上網搵點去,搵都搵唔切就匆忙出發。以下係報紙介紹:

大石磨山——鳥瞰羅湖新都市 : http://news.sina.com.hk/news/23/1/1/2679898/1.html 

先搭火車到上水火車站,再係隔黎既小巴站搭51k去河上鄉小巴總站(同司機講係居石候公祠落車),就可以開始行喇!(搭左我地個幾鐘車….)

 

因為比司機老點,所以落錯車,要行幾步路先到依度

沿住右邊條路行入去

之後去到河上鄉路,有好多條唔同既路上山既,不過好多都係去山墳,我地試左三次先搵倒條路…

上到去,望番河上鄉同上水

一路行

普通行山既人都唔會望腳下既既石頭既,不過依度既石真係幾特別架,全部都係沉積岩黎。

Metasandstone,見倒波浪紋理

一路行上去,唔行慣山既都幾辛苦架

羅湖騎術會 

行過cable tower

Quartzite outcrop石英岩

遠望大磨石山

仲爭少少就上到頂喇

上到去見倒依個警告,都有d驚,不過黎到無理由行番轉頭,所以有理無理繼續行!

下面就係射靶場,槍聲不斷!

大磨石山標高柱

見倒深圳喇!

火車。

六七十年代, 不知有幾多大陸人想過依條河。移家咁望去,覺得對面五光十色,香港反而比下去.

望住現代化既深圳,有特別既感覺

羅湖!

落番去會見個廢棄既兵營

行到落山,見倒個禁區sign,特登行入幾步影相XD

番番去河上鄉,見倒晉皇臺!

搭番51K番上水,見個好creative既畫!

行完山,就係上水地鐵站轉55K去粉嶺聯和墟食小盈期待以久既韓國菜,好滿足呢!

W Hong Kong 17.5-18.5.11

好耐都無試過係香港住酒店,今日就有機會黎到西九龍住下係Tripadvisor排第11位既W Hong Kong。今日天氣唔係咁好,仲好大風,幾凍下,不過都無損我地既興致~~一出西隧,以為W就係ICC既某一層,點知…
原來係隔黎個棟先岩
行過西隧上面條橋,再行去Element就到喇
一入到房,好Grand!我地book左兩人房,不過今晚屈蛇屈哂4個人,哈哈,雖然張床好舒服,不過同呀爸訓真係好窄….
窗外景色
你諗倒既野佢都比倒你,不過係無Wifi….雖然Lobby有一個鐘免費
Toilet仲Grand!
一路浸一路睇電視,有遙控~~
我地一家人同Holly成個晏晝就攤左係度喇
走廊
每間房間出面都有本書
行到出就會有書架,設計幾有特色

上到最高76樓就係室外恆溫泳池!
全個九龍就係你腳下!
仲有按摩池,望住成個維多利亞港!不過我覺得池水太熱….
Gym房,Jerry跑緊步
更衣室亦都係非一般既更衣室,有感應式按摩池,你落到去佢先郁
仲有蒸氣,桑拿,沖涼間仲有四個出水口對住你唔同部位噴!總之就舒服啦~
享受完就落留下element會dinner
今日先發現element上面有個平台=.=
我地食日本菜:稻庭烏冬。好好味!不過我唔識寫食評,要睇既就去http://www.openrice.com/restaurant/sr2.htm?shopid=37495
睇下啦!
最好味既都可以話係依個和牛了!

之後同Holly行到黎廟街,買左個山寨IPad2套,之後就送Holly到地鐵站回家了
我就番到W 既Lobby同呀爸飲Cocktail,一杯要100蚊嫁XD 不過我地兩杯都唔洗錢~~因為我地3點check in時佢話無房要我地等下,之後就送左兩杯野飲比我地喇!
W hotel最cheap雙人房都要二千蚊一晚,如果唔係換分真係傻佬先去住…

塔門之旅 17/10/10

記得我由上年話黎塔門,點知到左今日先成事,可能係因為等得太耐,黎到反而有D失望之感,成個島只有南面既景點,行一個圈好快就行哂,而北面既茅平山行去都無咩好睇,我覺得如果係第一次去小島玩既話,都係蒲台島好玩D~~

一早去到西灣河同小盈搭698R直去黃石碼頭,698R只係假日服務同得三班,我地搭最遲個班,岩岩好十點半去到黃石,搭倒十點七去塔門班船,Fit哂XD

去塔門既船上,好舒服

遠眺蚺蛇尖~ 真係好難行咁

經過高流灣去到塔門

塔二十分鐘就去到喇,好快!如果從馬料水出發都要9個字起碼

塔門….公X

見倒一D我永遠都唔識欣賞既野

一去到就見倒地圖,可以見倒成個島只有南面好玩,北面既茅平山就真係得個山””””

穿過條村南下

黎到高流灣既正對面,真係好大浪架

過左最南面就黎到大草坪喇,塔門有好多草坪,可能就係因為咁叫做Grass Island啦~

黎到塔門最出名既呂字疊石~

哈哈,影下相先~

其實可以行落去的,不過又唔係Field trip,做咩要行落去….係上面影算~

其實真係無咩特別

之後黎到唔知咩灣~~但係好大浪,絕對唔係可以游水既沙灘

好多人露營,依度露營係方便D,行一陣就到

沿住大草坪諗住行茅平山…點知行到上去唔知行左去邊…..結果我覺得我係無上到去就落番黎了…

遠望弓洲

如果係唔鍾意草叢同昆蟲既女士,最好都係唔好行上黎

好快就行番落去喇~~成個南面既塔門一目了然~~~~

行番落去天后古廟,有好多旅行團~~

E度有得試飲凍柑桔,好解渴~~

塔門好似好繁華咁XD

又係食飯既時間喇,一早check左openrice知道哂塔門出名D咩,第一樣就係無冰凍奶茶喇,其實就=凍奶茶=o=

不過都幾好飲~要18蚊>.<

等左一陣就有位~~~好想多D人食試多D,今次得我地兩個….

好多人

好快就黎左海膽炒飯~~無咩特別…我都係鍾意sashimi多D

之後等左好耐先黎既椒鹽鮮魷,我覺得出面層皮太油,食少少既話都幾好食

最後黎既係炒通菜~~不過我覺得炒得太老

食完好飽既一餐…就行出去碼頭番歸了,先兩點….仲好早

奇怪既木屋

之後就搭船番黃石,再搭96R去彩虹,再搭101番西環同呀爺慶祝生日~~生日快樂XD

HKU通識毅行 7/11/2009

係去歐洲之前再寫多篇blog先~ 今個sem參加左GE搞既通識毅行, 行程就係50公里既港島徑, 由大浪灣行番港大~
一開始個個都好好精神
我地組~
一開始既景色
行到一半…
苦笑中
發現到行左六七個鐘之後成塊面都係一粒粒既鹽…隻腳勁多lactic acid…不過都頂得順~
結果用左十一小時四十分行完, 番到去隻腳好似唔係自己咁>.<