東歐之旅- 柏林+波茨坦 Day10

一早起身,已經聽倒出面既車,電車既嘈吵聲之後落到去食最餐,好少食物,德國人係咪集慣淨係食包做早晨架呢?
食完早餐入去柏林市區,其實都係走馬看花咁行,第一站去到市政廣場。

向頭頂一望,即刻見個TV Tower好想上去睇下呀~~

市政廣場
市政廣場對面既海神像
依個係萊茵河女神
見倒一大班人踩單車,再後D有個熱氣球
跟住就去到一個好特別既地方喇!!! 我都係去到先知原來我背後既酒店係咁出名既!點解佢咁出名?咪就係因為Michael Jackson係度抱過佢個仔出黎”fing” 
應該在其中一個窗..
即刻表演下Moon WalkXD
好喇好喇,睇完酒店就即刻睇番真正黎柏林要睇既野啦,就係酒店對面既布蘭登堡門 (The Brandenburg Gate)
Well,依道門在柏林已經有好長時間,見證住圍牆既建成同拆卸,絕對係柏林既地標。
回望酒店~
之後行到德國國會~
國會前面一個地方有一塊塊既石板
有九十六塊,紀念被納粹黨迫害既96名國會人員。
國會 (Reichstag building),佢有好特別既地方,就係在古典既建築上,加上現代式圓玻璃設計,吸引左好多遊客排隊參觀。
Dem Deutschen Volke (To the German People)
國會對出係一大片青草地

好舒服呀~~~~
望上去係藍天白雲
參觀完國會,去左勝利紀念碑,依個好似可以行上去架,導遊話佢十幾年黎只係上過一次..
之後去到柏林既紅堡大學,愛因斯坦都係度教過書~
對出有過好似拿破倫既像,唔知係乜水
之後就開始兩個小時既博物館之旅了….

我地黎到博物館島,因為成個島有大部份都係博物館黎既,所以有咁既名。我地去到最大既佩加蒙博物館 (Pergamonmuseum) 

入面真係好大,亦都有好多人係度hae。館內有土耳其,波斯,拜占庭,伊朗偷番黎既文物,個導遊差唔多每一件都講五分鐘,一開始聽都OK既,到後來又累又肚餓,真係聽到人都癲,下次你免費我都唔入去
依個係在土耳其偷番黎既雅典娜,最大特徵係中間既人面
外星人
行到最後,個個都累得見凳就坐XD
一點半先出番黎,重見天日!影下博物館島既景色仲好
在博物館島既尖端位置,有第二間叫Bode museum既博物館,其實佢仲古老過佩加蒙博物館。
在橋上的人
之後去食午餐,行程表寫住係「品嘗德國腸仔餐」,果然無錯,只得五條腸不過都OK
食完飯後坐一個鐘車去Potsdam,唉,已經行到好累好眼訓,但個導遊仲要繼續不斷大聲講野,陰公,架車仲要訓得唔係好舒服 (我地換左新車,搞到去到既時侯腰酸骨痛。
依個係忘憂宮,係二戰後蘇、美、英三國首腦開會既地方。入面唔可以影相,只可以到出面既御花園參觀。

我地做番個香港小姐姿勢先XD
擺完一面擺向另一面~~
花園內有粒紅星,係蘇聯既標志
話說E個男人,因為一次望向水中倒影,見倒自己,覺得水中男子太俊俏了,就衝左入水浸死左”””
D蝴蝶好靚*
五點幾就離開左Potsdam
在回柏林途中,導遊話右邊有一個天體地方wo~我即刻坐去右邊窗口望啦。嘩!真係個個都除哂架bor!可惜太遠同架車開得太快,睇得唔清楚
番番柏林市區,有個半小時既自由時間,我決定自己一個周圍行下。其實我真係幾鐘意自己一個無拘無束,在一個陌生既城市行,呀爸叫我同表弟行,講真,我真係唔願意,又要睇住佢,又要同佢講野,又驚佢唔鐘意我行既地方,又唔想佢等我睇水晶球既時候佢又唔知做咩好,難得有機會自己行下,真係唔想有負累,到時盞大家唔開心。
  
行行下行到去威廉皇帝紀念教堂(Kaiser Wilhelm Memorial Church)
之後又行到去一個中國式既水族館
Buddy Bear—
柏林好多地方都見個E種公仔,上網先知道原來依種公仔係世界好多城市都有
柏林既水渠蓋都有特別設計
行行下話咁快就一個半鐘lu…行番到食飯既地方,所有團友都已經食緊飯了”””
番到酒店,又再一次見倒柏林的黃昏落日景色,亦都係代表今晚係今次歐洲之旅最後的一晚

東歐之旅- 再見東歐… Day11+12

終於都到最後一日了…今日成日都係市區自由活動~ 我地一早check out (其實都已經九點),領隊就帶我地搭柏林既有軌電車去柏林市區喇!
車站就在酒店既不遠處
我地在亞歷山大廣場落車,係西柏林既旺區,尋日個度則在東柏林既旺區。
呀媽呀妹去左shopping,我同表弟就決定上柏林電視塔!呀爸就去左歷史博物館~
入到TV Tower,一張飛要Euro10,真係幾貴,不過一場黎到,點都要上去既。我地張飛號碼係749-804,所以要等半個鐘先有得上去…心諗,澳門旅遊塔一買飛就有得上去啦,依度上面有無咁細要等咁耐呀…後來發現原來真係好細
等既既時候去左附近周圍行,入左一間叫Aquadom既hotel,入面真係犀利,有個好高既水族館,可惜遊客唔可以免費入去
之後行到河邊,話說依片草地日後會興建皇宮
行行下就差唔多時間,可以上塔了!
唔洗一分鐘就上到去二面幾米高既觀景台。望出去係一面無際既柏林+平原景色~
個電視塔真係好窄,而且個窗又唔係大,真係麻麻地…
行左一陣就落番去了,排隊落去都要幾個字”””緊係啦,得一架升降機上一架落…
行完電視塔就會合番家人,開始搵野食了。話哂係唯一一餐自費,我地緊係要搵間街邊充滿德國感覺既西餐廳啦!結果揀左依間好近電視塔既餐廳。
好大個Pizza!
仲有羊扒^^好好味
有安格斯牛扒同魚扒
結果我地就係柏林街頭食左兩個鐘頭最豐富既一餐~
睇下呀爸滿足個表情~xd
食飽飽…就離開柏林了…終於都要番去,,,有D唔捨得,因為仲想去多D地方…但係又想番去wo~~因為又掛住妳~無論如何,都要番去啦^^
柏林坐番去巴黎,delay左兩個鐘…
結果在巴黎既轉機時間只有九個字…成團係咁跑XD
上到飛機,睇下電視,訓下覺,就已經飛到四川上空了~~降落既時侯香港打緊3號風球,但係都無咩氣流,唯獨係降落既時侯一野撞落去,好大聲,之後又彈番上去少少…以後都係不搭法航為妙..
終於番到去了~~
P.S. 打12日既遊記,真係用左好多時間..好彩係暑假,有多D時間,遲d去Norway exchange既時候,睇黎只會係用英文打了~ 希望所有黎我個blog既人都enjoy reading it啦

東歐之旅- 最後一站「柏林」 Day9 Part 2

離開左德累斯頓後,我地一直北上,唔洗好耐,就到達德國既首都—柏林。一去到柏林既感覺係,現代。相比起布拉格,布達佩斯等地,柏林顯得現代化,更有大城市既感覺。

我地係德國既導遊,係一個我認為具有真才實料既導遊,叫Debroah,佢真係對德國既歷史非常熟悉,令到我E種對歷史乜都唔識既人,都可以學倒少少。我地第一站去左柏林圍牆,係1961至1989年分隔東西德既一道好長好長既牆。面向西德既一面,畫滿塗鴉,而東德既一面,就只是白色一片,可能係想表達出二戰後兩地人民自由的分別吧!

由西德行過東德…不過現在只有一個德國。

東德既一面只是白色一片

其實柏林圍牆並唔係只有一道,當年蘇聯軍因為要防止東德人民用車衝擊城牆,所以蘇軍在原來的一道牆大概五米既距離,再平衡地造多一道牆,在中間建做鴻溝,防止人駕車衝過。而且,再建做肖站,一有人在牆中,就殺無捨,所以被稱為死亡地帶。

柏林圍牆旁的施普雷河 (River Spree)

最後同柏林圍牆影多既相先~~

柏林圍場上其中兩幅作品

1)一架車由東德衝出圍牆!

2)圍牆倒下了

之後到達另一個柏林圍場遺址。我正在行過東西德^^

Checkpoint Charlie:左邊個個係美國佬,右邊係蘇聯軍。不過,好明顯依個野只係比遊客影相既騙錢站,一歐元就可以企佢地隔黎影相

之後參觀左一間私人既博物館,入面有好多講述東德人點樣逃離圍牆既故事,但無得影相,都幾好睇,可惜無冷氣,好焗..

YOU ARE LEAVING THE AMERICAN SECTOR!

之後去左猶太人紀念地,有二千七百多個棺材,其實只係雕刻品,代表死去猶太人既棺木。

行到百幾米外既一個停車場,點睇都係一個普通既停車場啦!原來,停車場既地下,就係希特拉自殺既地方…….之所以變成停車場,係因為德國政府想埋沒歷史。

淨下既就只係依塊版

係隔離既手信買左個水晶球,我覺得依個既美麗之處係佢用既顏色,由藍變紫,好好既配搭!入面係聽日會去既布蘭登堡門。

今日晚餐係衛國鹹豬手餐~

依碟野…真係好好食!!D豬手有肥有瘦,好好味!

今晚我地住係都幾近市區既holiday inn…不過依間holiday inn最大問題係對住條街,但係因為無冷氣所以迫住開窗,所以好嘈!

柏林的晚霞…

東歐之旅- 布拉格+卡羅維溫泉區 Day8

今日起身既時候,天落住毛毛細雨,經過咁多日晴朗既天氣後,今日終於落雨了。六點幾就起身,真係好眼訓”””尋晚行夜街既累氣仲未揮發…我地第一站去既地方係查理四世大橋(Charles Bridge),係布拉格最出名既一條橋!依條橋連接住舊區同城堡,長516米,現在只供人行。我地在城堡那邊出發~


該橋曾經歷多次洪水,房子的牆上都刻有每一次洪水的深度。

兩個傻瓜係度扮比水浸親,係咪好似呢

Charles bridge的捷克文是Karluv Most

一齊上橋了!

這個人在布拉格一定要識,叫John of Nepomuk。簡單黎講就係話說佢知道左皇后一個秘密,應承左唔講,但皇帝迫佢講,佢死都唔講,結果皇帝就在查理四世橋掉左佢落The vitava (river)了…
佢下面有兩幅畫,比人摸到金哂既係女人同狗,話摸過既話就有好老婆同好狗wo~

Charles bridge的景色,因為多雲關係,唔係好靚…好想太陽出黎再影!

橋旁邊有好多雕像,每個雕像都有唔同既表情,呀爸話每個雕像都有不同既故事

皇宮的景色

The Bridge Tower
E個人我估計係查理四世,不過我無認真研究過=.=
The bridge tower (之後先發現,原來有條好隱蔽既樓梯上去架,仲可以從高處影倒Charles Bridge既全景呢!)
行完Charles Bridge後,我地行番尋晚行個條路直去布拉格廣場。我已經記得條路點行了~

到了!

尋晚見個既古天文鐘(The Astronomical Clock),可以見倒個鐘表面異常多針,如果想知道個鐘點睇,可以上維基。不過,依個鐘既背後就有一段悲慘既故事:話說皇帝想整一個鐘,叫全城最好既工匠整,個工匠整好後,個皇帝因為覺得個鐘實在太靚了,就將個工匠雙眼整盲!點解,因為以後就無人可以整得出第二個一樣既鐘了…….

之後我地係廣場解散,都有好多既自由時間,我地先去市集參觀

依條就係布拉格新舊城既分界

嘩!好長呀~~~~

之後呀媽呀妹去左shopping,我就自己一個周圍行下,一來可以花時間挑選我既水晶球,二來見倒個天突然轉晴,要即刻行番去查理橋度影靚相!

去到查理橋,同頭先好大分別,又多人,又多小販,成條橋充滿生氣!

天氣對景色真係好重要

行行下發現左原來可以上去bridge tower架bor,但寫住要比錢,但又無人看住wo,有理無理上左去先算!^^上到去如果有人最多咪話行錯路Lor…上多幾上,原來有D細窗口影相,好靚呀!上到最高先見倒有人收錢,即刻行番落黎,咁就比我見倒高處既景色喇

在橋旁買了這個水晶球,入面係Charles bridge,對依條橋好有感情,因為行左四次了!影得差左少少””

之後見差唔多時間,行番廣場~

之後食中餐,David真係無禮貌到爆,團友斟茶比佢,佢唔講唔該不但只,仲要樣衰衰咁,我坐係對面睇到O哂咀=O=
似唔似樣呢~
行過名店街~ 見倒第一間Prada

因為旅行車唔可以泊在市區,所以我地要行過橋,去城堡個邊上車~ 幾好,可以係唔同角度望下座城堡*

之後我地要搭兩個鐘車去卡羅維溫泉 (Karlovy Vary),所有人都累了…但係,呀妹為左E幅相其實係扮訓的^^

我地要轉市內巴士先入倒去,只有十分鐘車程

卡羅維溫泉區係一個四面環山既小城,只有五萬多人口,係依度,最出名既當然係溫泉,但係最特別既地方係,依度既溫泉係用口飲,而唔係浸的!而且,仲要用特色水壺先得~

入面既一間五星級酒店,好多名人都黎過,好似成龍””

一列好整整既歐洲小屋,面向一條小溫泉河,靚嗎?

唔知點解一見倒依個景色,即刻諗起早前去的開平市赤坎古鎮 (見於:澳門開平考察行 8/6/2009-11/6/2009),再將兩張相互相比照,赫然發現大家都有好多相同既地方!

入到一個飲溫泉既地方,飲淡先!………..難飲到爆……好似飲鐵鏽咁……><

不過都係一個觀光既好地方黎既~

好靚既建築~

買左個好大好靚既水晶球,起初見倒個個要499架,之後竟然比我在一間細小既shop買倒個CZK300既!好抵!即刻買左=]

點解呀爸會咁開心飲溫泉?話說呀爸上次黎布拉格有一個溫泉杯,山長水遠帶到黎,點知無帶落車…之後發細路仔脾氣,要呀媽買個杯斟溫泉比佢先開心番~

之後同表弟上山漫無目的走走,不過都無野睇..

主角係後面個型男XD

走的時候,妹妹同剛識的團友Yandi合照~

我都唔執輸!妹妹同靚女合照,我就同型男(我們的師機)合照!

離開Karlovy Vavy,又搭兩個鐘車番布拉格,番到去都七點半了。我地行經布拉格既市內火車站。

食西餐既時候,因為佢上菜上得勁慢,而且見個後面背景全紅色,好似影護照相既background咁,影下家庭相先~

好好味既牛扒!

食完之後,天還未黑,領隊話帶我地夜遊布拉格

黃昏既布拉格廣場,感覺又和早上的,晚上的不一樣了,黃昏給我的感覺很浪漫~

之後我地又離左團,特登去左charles bridge度影相,今次用左好多時間影,所以相信質素係最好的!

真係靚到唔捨得走…見倒好多情侶坐在河邊欣賞晚霞,我都好想可以同小盈成為其中既一份子,不過,與家人一起也是一種令人羨慕既幸福呀

最後我地搭地鐵番屋企,結束愉快的一天^V^

東歐之旅- Dresden Day9 Part 1

話咁快就第九日了,時間真係過得好快今日會啟程去最後一站柏林。但未到柏林之前,我地會去德國南部一個叫Dresdon(德雷斯頓)既地方,依個地方曾經比盟軍炸到體無完膚
未到Dresdon時,我地既旅遊車去到一個休息站休息wo。當時女廁大排長龍,點知有個著到好高貴既鬼婆竟然係眾目睽睽下打尖!我地鬧佢佢都唔理。咁都不但只,佢出黎個陣仲要手指指,好似話我地傻咁,我地緊係唔託佢啦!呀爸既刻對住佢話”Do you know we are all queuing for the toilet? Do you know what is mannar?” 佢又講D唔知咩克羅地亞文,咁我地成團人咪用廣東話鬧佢囉^^呀媽係咁話:「妳癡線架?」結果佢同老公都走左,贏左勝利既一仗!我當時心諗無影佢相,真係哂左!
我地去到Dresden既第一站係參觀Zwinger PalaceDresden既地標

Zwinger Palace其實在二戰時已經被炸得一乾二淨,但德國人在二戰結束後,重建左一個一樣既Palace,亦都重建左城市既光彩。

好大個皇冠~依個叫做Crowned Gate
護城河
之後我同呀爸無聊入左依個building
原來入面係一座幾靚既噴水池
行完之後就出番去廣場喇
依座面向廣場,咁宏偉既教堂係Catholic Court Church

,當然,佢都係在二戰中重建的

呀爸表演「咬」腰XD
所以之後跳唔起
Catholic Court Church
The Fürstenzug—移家入左世界遺產
好多賣藝者~依個人一比錢佢佢就會手舞足蹈!
嘩!真係冤家路窄,竟然比我地撞倒頭先爭廁所個個死鬼婆!原來佢都係跟團的~
就係佢喇!好眉好貌竟然咁無品,打我呀媽尖!抵妳比我post上黎
之後黎到舊城區既中心了
坐立於中心既聖母教堂(Church of Our Lady),對Dresden既居民黎講別具意義,因為教堂係人們心們心靈寄托既地方,在二戰後,教堂既破壞令到好多人都好傷心。最後,教堂在2004年先重建好,當時好多人在重建好的教堂面前,都哭出來了。
教堂遺蹟
之後我地自由活動,周圍行下~
買左個入面係聖母教堂既水晶球!^^
行到去河邊欣賞易北河(River Elbe) 的景色,易北河上遊為Dresden,經過柏林,漢堡流入波羅的海
見倒依兩隻馬真係辛苦
好平既雪糕~ 1Euro,,,但係好好味!
Martin Luther
食中餐既時候,我同呀妹終於頂唔順David了,就自己兩個人坐左去隔離。我地兩個終於可以食番餐安樂茶飯了!見倒對面,David夾左一半豬排,連婆婆都忍唔住鬧佢XD