東北之旅食物篇@老邊餃子店

老邊餃子店 位於瀋陽其中一條出名步行街「中街」的老邊餃子店,非常出名。剛好呢間店係我地既玫瑰大酒店對面,於是即管去試試。 上二樓雅座,入到去都幾多人。 服務員問我地要晤要茶,$5一杯無限沖水,我地覺得無需要就晤要喇。後尾見到有人叫左,原來沖水係用個好長既壺嘴沖出黎,都晤咩特別,學人地沖奶茶jer。 同樣想通便,叫左碟蒜蓉油麥菜,預左無咩特別。 另外叫左一盤冰花煎餃(18只),係跟旅遊書叫既。之所以叫冰花因為餃子與餃子中間有d花紋脆片連住,賣相不錯。 裡面既料其實係菜苗,食落晤油,幾清新,不過小心d汁飛晒出黎,最後成舊擺落口。大概$18。會推介。 因為中午食過牛同羊,因此最後就點左葫蘆雞,$3X,等左好耐先上檯。呢個葫蘆雞可以話係我食過之中最難食的。雞皮晤多脆,肉又過分硬同諧,應滑的地方都實到痴呀,少少失望。 我覺得黎呢間野都係食餃子算。由於得兩個人,晤想浪費食物,好難試到好多晤同款餃子,因為一點一款起碼都有6至8只,見到當地人檯面總有幾盤,但我地就晤得嚕,會飽死。呢個老邊餃子好多地方都有分店,希望下次係其他地方食到其他款式的餃子啦。 By Siu Ying

Read More

Day 9.4 哈爾濱(東北)之旅之終章—打邊爐

由沈陽,長春,哈爾濱,一路玩到漠河,北極村,再番番哈爾濱,真係唔好話唔累…所以,我地今晚就以打邊爐黎結束我地既十日之旅啦! 依間火鍋就係在露西亞餐廳斜對面 哎左好多野食,有牛有羊,好好味>v< 玉米汁 食完火鍋好想食雪條解熱,又行左去馬迭爾冷飲廳   今次唔食雪糕,食¥2雪條,一樣咁好食~~~! 仲買左d勁凍勁貴李番酒店食,¥18兩個 中央大街,下次見! 番到酒店,解凍解左半個鐘都仲係冰咁….等唔切食少少就算…麻麻地好食… 第十日:我地一早就搭的士去機場,個的士司機話塞車,行第二條路,結果貴左¥50…算…之後搭飛機經長沙番深圳…到晚上7點先番到屋企… 我只係想講: 香港好暖呀!

Read More

Day 9.2 – 冰城哈爾濱@極地館

食完午飯後就番酒店,酒店好準時係一點半就有車車我地到極地館喇。極地館門票係¥115,雖然都唔平,但係我覺得真係要入黎玩下既。相比起龍塔,極地館就好睇得多了!   其實入極地館只需要一路行就得,唔洗睇地圖,因為入面好細,同埋全部都係室內,會幾熱下。最重要就係睇入面既海獅表演同埋好好睇既白鯨表演,我自己覺得白鯨表演係必睇,仲要早d去霸個靚位,因為場地好細 我地兩點一入去,即刻衝去睇好近門口既海獅表演,佢係兩點鐘已經開始左。都幾好睇,不過海獅黎黎去去都係個d野,最重要係主持人同埋節目內容好笑 睇完之後就沿住行,一路上都有好多小盈唔鍾意既魚XD   有毒的海鰻 珊瑚魚? 企鵝   繼哥本哈根動物園後第二次睇倒北極熊,仲好清楚睇倒佢地游水!    唔知咩 雪狼 之後就好岩時間咁黎到白鯨表演既場地,佢三點鐘表演,我地兩點九黎到上面仲有位。 第一次睇白鯨表演,好特別,好好睇,一連串好優美既動作。 睇完之後等人潮散卻,就黎到水母館 我地話咁快就係3:45睇唔所有野了,但我地約左架車4:30車我地去冰雪大世界,所以…我地又再入番去睇四點既海獅表演,發覺佢地講既野有90%係一樣的XD 好,離開極地館,前往哈爾濱既戲肉:冰雪大世界!

Read More

Day 9.3 – 第十二屆哈爾濱冰雪大世界2011

我地五點就黎到冰雪大世界了,一見倒咁宏偉既入口,即刻令我覺得:「漠河歸來不看雪,哈爾濱歸來不看冰」。   落住毛毛細雪,更加有冰凍既感覺 左邊既係黎自香港既團友,想必仲未習慣哈爾濱既凍,著到成隻粽咁,成塊面遮哂,有無咁凍呀? 以下係冰雪大世界精華 最高既滑梯…patpat痛左好耐… 兩個鐘剛好行完!影下合照先~~ 依張跳左好多次先成功XD 總結就是,冰雪大世界,雖然要¥280,但一定要入去,如果唔係唔好黎哈爾濱啦!

Read More

Day 9.1 – 冰城哈爾濱@龍塔

好快就黎到行程中既最後一日,我地係酒店食完早餐後就同酒店個個人講我地今日既行程,首先會去龍塔再番番中央大街食lunch,之後去極地館同冰雪大世界。佢同我地講只要比入場費佢先,就可以免費送我地去龍塔,同免費接送極地館同冰雪大世界。超好呢,我即刻答應左! 佢一架專車淨係車我地去龍塔 約半小時(塞車預左)就到左龍塔喇….其實黎依度都係因為無地方去…虎豹園又太遠,咪黎依度lor。入場費一D都唔平,要¥135一人,感覺搵笨….什麼龍的傳人上龍塔,我一定唔會有下次 入到去就係咁 個龍塔入面有好多個館,好似恐龍館,ET館等等,我都未見過一個廣播塔下面有咁多奇怪無凌兩可既展覽 G樓的恐龍   一樓的恐龍展 ET 行哂好多個無聊館之後,就塔一架慢的電梯上去,相比起101的電梯,佢真係太慢了 上到去,只見倒下雪的哈爾濱””””   可以行出去,但地下好滑,好係流冰咁…要踩住d雪既地方先可以前進 龍塔自拍 之後上到最頂層,係一個咩唐朝展,勁無聊,極速行一圈走人   觀光層都有室內既一層,話說我地可以行上去玻璃地上行一個圈,點知原來要比¥2買隻拖鞋!痴線,極度唔順氣,走人! 離開龍塔,我可以講龍塔係我上個咁多個塔中最廢既一個,又離市中心遠,真係唔值得一遊。 之後搵巴士番中央大街,點知搵唔倒個站…加上我唔聽小盈既意見…結果只好打的番歸。我地lunch黎到依間露西亞餐廳,就係我地酒店後面一條街,係一間黎到哈爾濱一定要去既俄羅斯餐廳。 入面裝飾好靚,入黎嘆杯咖啡一流。關於露西亞餐廳,會係飲食篇作詳細報導。   有好多人影相””” 下一站:極地館

Read More