係哈爾濱三間出名既西餐廳入面,露西亞係最有情調同風格既餐廳,價錢也是最貴,食物都係最好的,有一種親切的感覺.

廚房就係另外一邊,得一個廚師架咋,所以要煮的菜式都要等一d時間.

小晉叫左杯俄式紅茶,可以任添既,佢比左個醬,原來可以加入茶入面~

我地左左個鮮果沙律,可以唔點…真的係生果加沙律醬.

跟住就係戲肉罐燜蝦!嘩!呢個罐燜蝦真的無得鼎!我連汁都舔埋~同樣都係食極都有!黎到呢間唔食罐燜既野真的走寶呀!

等左差晤多成半個鐘,招牌菜俄式漢堡扒先到,好有肉味,無平日普通漢堡扒的雪藏味,適中的油份令到肉質更有口感,到依家番到香港我都仲成日好想食keke

推介露西亞餐廳!

By Siu Ying

華梅西餐廳位於哈爾濱中央大街112號,係另一間出名既西餐廳,佢個環境無波特曼咁華黎,d員工既打扮雖然有外國feel,但裝修就麻麻,感覺好似看電視三四十年代係既上海既西餐廳咁. 雖然裝修麻麻,但食物都幾好.呢個既服務員每個人都有部機,佢地用呢部機幫我地點菜既~

食物方面,又叫一人一個紅菜湯,味道同波特曼都差晤多

跟住係俄羅斯田園沙律

仲有罐燜羊肉,好好味既一個特色菜,個罐入面既汁好濃郁,晤好以為個罐好細份量就好少,其實入面有好多架!食極都有呢! 入面既材料有羊肉啦,青椒,洋蔥,個汁類似羅宋湯既汁,不過無咁濃,我強烈推介罐燜系列菜色!

一心以為有得食雞肉串,點知原來串燒雞肉係晤串既,一粒粒咁上碟,雞肉仲好諧而且晤太脆,擺得耐左就真係變得難食

真正要推介的是呢個俄式馬哈魚,咪以為佢個樣好似同普通tomato煮魚,其實同想像完全晤同呀!個蒜茸同牛油係碟魚既精髓!連我本身晤太好食番茄的都覺得好好味!黎呢度一定要點!

By Siu Ying

加州牛肉拉麵大王

李先生的加州牛肉麵大王係快餐店一間，類似食麵既麥當勞，無論在哈爾濱，瀋陽或長春都可以見到佢既存在。我地食呢間見野完全晤係因為佢有咩特別，只係因為近酒店同火車站同方便。同埋我可以好肯定ｄ牛肉絕對同加州無關係。

一入到去個服務員已經問你食大定係細。我都唔知佢講咩，餐牌都未看點知呢。原來係問要大牛肉拉麵定細牛肉拉麵，好明顯佢已經ａｓｓｕｍｅ你一定會食牛肉拉麵，雖然餐牌上面仲有雞肉同雜菜拉麵。我地每人點左個細既，好彩，因為大真係好大碗==

得好少牛肉，拉麵就多，ｄ肉諧既，我覺得真係好食，勝在夠熱，不過我都知無可能要求有咩水準，畢竟都係一間連鎖式快餐而已。（如果晤食辣記住單聲。）

 

然後係老虎菜，黎到先知原來所謂老虎菜就係將好多芫西，青瓜，毛豆，蔥炒埋一碟，辣辣地，都幾好味不過小心ｄ辣椒。

再叫多個醬牛肉。

其實係牛展加醬汁，我覺得ＯＫ，不過我覺得我阿媽整既滷水牛展好味好多。

By Siu Ying

波特曼西餐廳

來到哈爾濱的第一餐就去左波特曼西餐廳, 波特曼西餐廳位於哈爾濱中央大街西七道街53號

入面既環境都好舒服同埋好大架,呢間餐廳應該係最出名既~

今餐係食得最豪(其實係有人因為大懵點錯菜XD)

先來一個莫斯科紅菜湯. 其實都係一個羅宋湯,無咩特別,勝在夠熱亦有好多料$10

前菜一人一碟拿破崙鵝肝mousse,價錢係幾多就晤記得嚕.

下面係疏打餅,上面就係鵝肝mousse,我個人認為味道唔錯,個mousse都幾滑,但係當然鵝肝既味道晤太重, 可以一試既~

鵝式烤奶汁桂魚

呢個菜要$19X(其實原來某人係想點一個$5X既魚,誤會左係呢個.)

呢個係招牌菜之一,利用傳統鵝式作法烤製而成.

白色個d係芝士同埋cream, 個份量好多,仲有好多好多薯茸,好溜好溜,條桂魚都幾好食既, 最好食係濃濃地既地方,不過就真係晤值$19X,我覺得熱番少少會好食多d.

食呢個都食到好飽嚕,但係仲有泰式皇家烤翅$32. 個味道適中,不過我晤推介.

飲品方面,則叫左一個朱古力奶昔同芒果奶昔,我覺得個奶昔味道好濃,可以一試.

事實上呢間餐廳都晤叫好正中既俄國菜,勝在環境舒適,不過服務員竟然無一個識英文,話說坐我地隔離係一男一女外國人,佢地要menu同叫埋單都搞左好耐個服務員先知佢地講咩,到服務員問番佢地問題個陣個服務員都仲不停用中文講,其實擺明人地就聽無明,當時我差d已經起身幫佢地做翻譯.

因為晤要單可以打折,95折好過無.

這間食店位於瀋陽故宮附近，一入到去人不多，大概只有３檯客。這店是吃清真美食的。名字叫牛炖，炖牛肉自然是招牌菜，我地本身都想點，但老闆娘話係辣的，咁就放棄左嚕。齋睇個名講真，我見識少，晤知係咩黎，而且真係聯想晤倒個簡體「炖」字原來係「燉」字，不過就算知道係個燉字我都晤知燉牛是什麼東東呢。﹙好彩後來到李大媽個度都食倒燉牛﹚

最後叫左一個手抓羊肉，肉餡餅，真菌炒青菜　﹝點菜要出去點既］

叫呢個真菌炒青菜無咩特別動機，亦晤係此店的出名食物，只係想食番ｄ菜通便。ＸＤ不過可能真係太肚餓，呢個菜都好好味，而且好大碟。基本上係東北食中國菜通常都係好大碟架。應該＄１Ｘ倒

再黎外表普普通通的肉餡餅，裡面的是牛肉好似＄３／５。通常呢類餅都係好油膩，但呢個餡餅晤係ｂｏｒ！食落去個餅皮都幾鬆化，鹹度適中，食完都晤會話有種好溜既感覺。

最後就係呢個手抓羊肉啦！強烈推介！＄５Ｘ

上檯個陣第一個感覺係：白焯羊肉？五十幾蚊咁簡單？

當然晤係啦。呢個羊都有幾多下，無聊ｄ都要講句呢個羊真係好有羊味，東北的羊真係比香港的香同入味。味道是鹹的，不過晤過分，而且ｄ油都逼曬出黎，因此食的時候絕對晤會食到成口油。啖啖肉食得好興奮，我最中意食肥肥地的部分，特別有口感。

呢餐食得好飽呀！到依家仲好回味呢

呢餐食左＄９０（連野飲）

By Siu Ying