《復活節黃山2天遊》(黃山遊記+旅遊建議)

《復活節黃山2天遊》

作者:Wong Yik Fung Patrick

細細個聽爸爸媽媽話以前成日坐火車番大陸旅行,樣樣都要平,一直都好想體驗一下佢地既青蔥歲月。今年復活清明連續幾日長假,一於揹起背包出發。而講到要又平又有靚風景,梗係去行山親親大自然。今次就揀個最出名既黃山!

黃山位於安徽省南部,最高的蓮花峰有海拔1840米。「五嶽歸來不看山,黃山歸來不看嶽。」由古至今都有不少詩人文人係黃山之巔吟詩作對,驚嘆大自然既鬼斧神工。

出發去黃山之前一定要搞清楚黃山市區入面既地方名。黃山市係包含好多小鎮地方,一般我地話去行黃山,係指黃山風景區,飛機同火車都唔可以直接到既。無論黃山既機場定火車站,都係屯溪區入面。而家愈來愈多航空公司有開香港直飛屯溪,或者可以去深圳坐內陸機,價錢平少少,來回HKD1600-2000;想慳錢體驗艱苦團坐火車,可以上網(ctrip, 芒果網⋯)或者去中旅社預訂火車飛。建議早d買飛,買臥鋪休息,CNY325一程,事關深圳去黃山要坐19小時。我就比較遲買火車飛,要坐硬座⋯坐到腰都直埋。

image1

搭咁耐,就算坐係度都要訓一訓。

image2

火車去到屯溪係朝早7:30,時間夠鬆動,先去街邊檔買d手抓餅同肉飽做早點。買既時候車站附近已經有好多工作人員問你係咪去行山叫你買車飛,又叫你幫襯買行山杖、雨褸、地圖等等。

image3

假日既話要等半個鐘至一個鐘先上到車。

image4

屯溪距離風景區都仲有一段路程,首先要搭車去湯口鎮的換乘中心,再係換乘中心搭風景區入面的專營巴士先到達風景區既山腳。你可以選擇去前山從慈光閣起步,或者從後山雲谷寺起始。至於由前山定後山起步好d呢,就取決於你會唔會係山上入住,同埋入住邊間賓館喇。

我今次就選擇左從前山上後山下。係山腳望上去已經好興奮,d雲好靚!

image26

image28

其實黃山既路比想像中安全,全部都係已開發既石路同石級,不過當然有好多好高既石級令你爬到氣喘。

image27

浴路都有好多指示牌,又有好多站崗既工作人員,唔識路可以問一問,唔使驚會迷路。

image6

上去迎客松既路段又好長既樓梯要上,個個都要中途停幾次先行得晒。

image8

好大霧,迎客松都差d睇唔到。

image9

由於陰雨天,天都峰同蓮花峰都封山,無得上去。人人都好失望,不過安全至上!

黎到傳說中既武林聖地- 光明頂!問番先知,原來黃山既光明頂同武俠小說成日提既光明頂係無關係既。哈哈!但係呢度係黃山最有名氣最熱既熱點,點都要上黎!

image10

由山腳行左6個鐘到4:30,終於黎到今晚既落腳點排雲樓賓館喇。因為旺季,好彩一早係網上訂好6人房既其中一個床位,如果唔係就要打地舖。一番到賓館就落好大雨,原本打算去排雲亭睇日落都無得睇了。

食完晚飯7點幾,個個都好早番房休息,因為第二朝要早起睇日出!希望會有好天氣啦!黃山夜晚會好凍,好多時4月份都只得0度,所以記得帶件厚褸。

image11

賓館每日都會公佈第二朝日出既預計時間,想要到心水既地點睇日出就要做好功課計好時間起身。最多人去既係光明頂,不過賓館離光明頂較遠,我最後決定上丹霞山觀日出,只需要15分鐘路程。今日既日出大約5:50,我4:30起身,梳洗一下就拎住電筒出發!

今朝繼續落大雨,知道應該無日出睇到,但係難得黎到,照樣著雨褸上山睇睇啦。因為落雨,沿路都無乜人上山。「你一個人上山看日出?一塊兒吧!」係黑暗中遇到一個上海來既小伙子,就係咁一路上山一路分享大家呢兩日既經歷,仲交換左wechat將來有機會再結伴行山。

image12

天愈來愈光,雖然睇唔到個咸蛋黃升上黎,不過都有好靚既雲海。

image13

睇完日出,收拾好行李,7:00am再出發開始今日6個鐘既行程。去到排雲亭,個天突然間開朗左好多,個雲景又吸引左好多龍友係度影相。

image14

image15

image16

經過排雲亭,走入西海大峽谷,簡直好似入左人間仙境,真係有騰雲駕霧既感覺。

image17

我強烈推薦一定要行西海大峽谷,景色比黃山區內其他景點更加特別同驚奇。由一環到二環,再走落到谷底,成段路都係沿住個懸崖壁走,真係幻想唔到以前d人點樣起d樓梯。

image18

image19

image25

由排雲亭行到去谷底要1.5-2小時,而且中途無小賣店,記住準備帶水。

image24

谷底於2011年新建左地谷纜車,遊客可以利用纜車往返谷頂谷底,盛惠CNY80。不過個人覺得無咩特別,如果你有時間同體力就行番上谷頂啦,仲有多d山洞棧道睇。

上番谷,一路行去天海、北海、獅子峰、猴子觀海。好多人特登帶埋腳架上去猴子觀海影雲海,聽講話如果好天既話呢度睇雲係最靚既。

image20

最後去埋相傳李白去過既夢筆生花、始信峰,係白鵝嶺坐索道下山,雲谷寺站搭番專營巴士出番湯口鎮。

image22

image23

差不多行左13個鐘,感覺好似係咁多年黎行得最辛苦既山,真係要趁後生有力有氣就好去。今次天氣麻麻,睇唔到日出日落,但有好迷幻既雲海,下次等晴天再黎探黃山。

 

【旅遊小錦囊】

– 如果時間許可,一定要在山上住一晚,一日遊太趕太辛苦,走馬看花。

– 比較出名既賓館有白雲賓館、北海賓館、排雲樓,質素唔錯,最重要睇你想係邊個景點睇日出日落。如果要光明頂睇日出,白雲賓館最近;丹霞峰、排雲亭近排雲樓;獅子峰既話則選北海賓館或獅林大酒店。

– 大多數人會選擇由後山上前山落,我反而建議前山上後山落, 採取先苦後甜既策略。因為始信峰、獅子峰等後山既景點比前山既光明頂、迎客松易行好多, 所以第一日體力充沛就先行前山會好d。

– 另外,建議前山唔好坐索道,因為沿路會經過天都峰同蓮花峰,坐索道會錯過左呢2個山峰。而後山既就可以坐落去雲谷寺, 無乜靚景會錯過又可以體驗下坐索道既感覺(所謂索道其實即係昂坪360個d 吊車,CNY80)。

– 裝備:黃山溫差大,朝早夜晚可以降至0度,日間就有1x度。行緊山時較熱,一件短袖加風褸就夠喇,帶多一件厚褸入夜同去睇日出個時著,賓館入面就好暖唔使擔心。切忌帶太多厚衫,無用之餘又會加重負擔。另外要帶手電筒,去睇日出個時黑漆漆既。山下面有好多人會sell 你買野,例如

1)地圖。CNY5, 唔實用,買黎只係收藏用,上網download仲好。

image29

http://www.hszyr.com/map.jpg

2)行山杖,有平既木製亦有貴少少既膠/綱製。山下買平好多,CNY5, 上到山貴幾倍。上山時幾有用,個人覺得值得買,又可以留念。

3)雨褸。唔使係香港買定,去到先買,又平質地又好d,就算上山前無雨都要買定。仲有雨褲、鞋套,可以自己決定買唔買,幾蚊就可以成交。

4)勞工手套。唔使買,無乜地方要用手爬。

5)水。山上買水一支700ml CNY8,都幾貴,不過買一兩支水上去好喇,真係好重,水錢唔慳得。上山邊飲邊買啦!

6)乾糧,買定少量就夠。山上四圍都係小食店,有好多野食。記住買地道小黃瓜試試!

 

來回高雄機票篇

22/5/11至27/5/11將會參加Earth Sci Department既台灣六日field trips,話說依個field trip係for year one student既,不過我當年因為去完印度後病左=.=無得去…到而家Year three終於可以去番!

去台灣既機票係一大問題,因為如果唔係雙人同行既話,港龍最平來回高雄都要$23XX,中華都要19XX!但我係唔prefer中華既….心照啦。

今日,竟然比我遇倒港龍做緊promotion!Promotion淨係去到7/5!來回高雄只係$1697!!!!Oh my god~~~實在太好彩喇我XD

淨機票價錢只係$1050,肯定平過任何航空公司!

加埋稅都只係$1697!仲要航班任揀,機票有效期七日,好似為我而設咁~~

今次promotion只有三個城市,分別係福州,寧波,同埋高雄~~好開心^^
要買既朋友就快買喇。

P.S. 我係係永安買既,要$1730,番到黎上網先知原來Dragonair做緊promotion,買貴左33蚊添!下次要醒目D!不過好彩我唔係好似一d同學咁一早就買左jer~~~

Day 6 – 台灣之旅最後一日

今日係行程既最後一日,嚴格黎講只有半日留係台中,之後就坐旅遊巴番高雄再搭飛機番香港了。

img_1897
今朝黎到台中一個被921大地震震爛既壩,就咁望落去,好似無咩特別咁,但係如果望清d最後個兩段,你就會發覺佢係有位移的

img_1898

zoom去最後個兩段,真係跌左落去

img_1901

我去行過係壩既時候,都見倒horizontal displacement,可見地震既時侯唔係淨係上下咁震的

img_1911

行到去尾二個段,可以清楚望倒地震令兩邊上下移動超過十米

img_1916
img_1919
地震發生年份

img_1921 img_1924 img_1927

依兩張相明顯見倒個vertical displacement

img_1929 img_1933

Horizontal displacement

img_1935
img_1937

去到旅程既最後景點,就係921地震博物館,都幾好睇架,可惜時間唔夠啦,唔係我實會行耐d

img_1956 img_1964

個館就係在地震遺蹟上建成的

img_1970
img_1975

一震,就無左>.<

img_1979
最後的午餐

img_1986
係台中高鐵站同組同埋司機合照!
img_1988

當然仲有你地啦!

img_1987

我係HKU Earth Sciences最後一個field trip就咁結束了…想入earthsci既同學睇完後係咪好想入呢~~哈哈~~

打完台灣field trip後,2011環遊環遊世界之旅就會開始上載喇!今次依一個月之旅我同女友將會去到德國,英國,同成個加拿大,保證會吸引過台灣field trip一萬百千倍,記住留意住「晉入大世界」喇~~

Day 5.2 – 台灣可以比車行既最高點@合歡山!

等左好耐,終於放行喇,我地好快就行入中橫公路,其實依條路係完全唔適合大旅遊車行架,條路極窄,下面就係無底深淵,真係好驚架

  img_1816

我地黎到依個位停左,睇唔知咩神樹,叫係碧綠神樹wo

img_1822

就係我後面個棵喇…

img_1826

之後就黎到我地成個旅程最好味既一餐喇!深山菜,好有田園風味架

img_1832

D農家菜特別好食

img_1833

叫做欣欣餐廳

黎到海拔咁高既地方,真係好凍,而家都有2XXX米了

img_1839

拎左我最厚件衫出黎

img_1842

食完野一路上上上,終於黎到最高了

img_1856

合歡山莊

img_1858

10.6度….698.1kPa,又高又凍…五月尾的台灣

img_1860

同Lung Chan合照

img_1865

咩都睇唔倒

img_1866
img_1868

之後就落山lu…搭左好耐好耐車,就到到台中既酒店喇,勁大,department真係有錢XD

img_1871
img_1874

之後一班人去行台中出名既逢甲夜市

img_1880

逢甲夜市,其實都無咩特別jer,我鍾意台北既多d

img_1881

掃街!

img_1882 img_1883 img_1884 img_1885 img_1886 img_1887 img_1888 img_1889 img_1891 img_1895

香港大學既field trip就係咁開心架喇,哈哈!又平又抵,我最後知道點解,就係department既原則係我地出幾多,佢地出幾多

Day 4 – Rafting+花蓮

台灣之旅話咁快就黎到第四日喇,今日朝早既活動係我畢生難忘,好好玩既活動—Rafting!我地會係全世界其中一條最長既rafting路線中玩,而條河就叫做Xiuguluan river(中文費事查)。好可惜就係一既相都無影到,不過可以一齊玩水,真係回味無窮呀!

經過三小時狂raft之後,曬到紅哂,好累,司機又已經準備好哂飯盒比我地喇!真係一流服務~~^^

Rafting完後,成身散哂,我地就一路向北,一路向花蓮出發。

不過中途仲有一個地質景點,不過唔記得左叫咩=.=

依度主要係睇valcanoclastic rock

依既相重點唔係石頭,而係我整損左既手指…

大Pot hole, should be formed by sea wave attack

Hornblende in dioritic tuff

原來影相都可以用hand lens放大,好清楚睇倒舊hornblende

Basal surge

睇完field之後就去紀念品鋪買紀念品喇!我買左以下兩個做手信

好快就黎到花蓮既酒店喇

好靚既toilet,不過,我並無點用過….點解…因為…

我個同房NELSON去完大之後竟然沖唔乾淨之餘仲要極臭!他媽的!全間房都整到臭哂,佢自己仲要唔覺得係d咩事。我地叫左Prof.Chan左聞下,佢一入到我地間房,即刻忍唔住講左一句「X你個肺!」….

今晚dinner都好豐富~~

Lung Chan又玩野…