美國關島自由行全攻略2017 (下篇)

簡介 關島是位於西太平洋島嶼, 是離香港最近的美國民用領土. 去到時彷彿身處在美國本土:美國式道路,超市,購物商場,餐廳, 城市規劃,口音,價錢,法律, 以車代步的習慣全齊. .假如你想體驗美國式生活或嘗試了解 “美國夢想” (The American Dream) 的思維 ,  又不想負擔沉重機票費用及時間, 關島是一個好選擇. 目錄 行程安排 航班須知 簽證須知 當地交通 住宿安排 潛水活動 射擊活動 景點介紹 旅行開支 美國關島自由行全攻略2017 (上篇) (http://wp.me/p4dSEq-4PO) 潛水活動 Micronesian Divers Association  http://www.mdaguam.com/content/home MDA帶領小編潛水的各個方面都是真正專業,潛水選擇多多及有彈性,租賃的裝備運行良好。 每個地方的海都不一樣,關島的海特別藍又特別清. 由於小編好耐沒有潛水的關係,所以在兩天潛水都有導遊帶領。 價錢如下: 近岸潛水 (魚眼海洋公園) 重溫潛水連導遊及一支氣樽  $75 USD 乘船潛水 (阿加特灣) 連導遊, 船費及兩支氣樽 $150 […]

Read More

美國關島自由行全攻略2017 (上篇)

簡介 關島是位於西太平洋島嶼, 是離香港最近的美國民用領土. 去到時彷彿身處在美國本土:美國式道路,超市,購物商場,餐廳, 城市規劃,口音,價錢,法律, 以車代步的習慣全齊. .假如你想體驗美國式生活或嘗試了解 “美國夢想” (The American Dream) 的思維 ,  又不想負擔沉重機票費用及時間, 關島是一個好選擇. Source: https://encrypted-tbn0.gstatic.com/images?q=tbn:ANd9GcSL7hCzdtQNDoHCrP366DAYJTQhC9Lw-3gKbHMqUjC1wgwyBhq93Q 目錄 行程安排 航班須知 簽證須知 當地交通 住宿安排 潛水活動 射擊活動 景點介紹 旅行開支 美國關島自由行全攻略2017 (下篇) (http://wp.me/p4dSEq-4PV) 行程安排 小編是第一次抵達美國領土,所以今次去關島目的是體驗美國人生活及潛水. 以下是小編的行程作參考. 小編是沒有租車的, 所以選擇的景點比較近市區. 6月2號至5號 第一天 (6月2號) 第二天 (6月3號) 第三天 (6月4號) 第四天 (6月5號) 早上 阿加尼亞(Agana)首都觀光 乘船潛水 (阿加特灣) (Agat […]

Read More

Day 4【親子遊東京】Check Out>茶寮都路里>酒酒井Premium Outlet>成田機場

Day 4: Check Out>茶寮都路里>酒酒井Premium Outlet>成田機場 最後一日,因為5:30pm要到機場加上拖住行李,行程只有2個,去食茶寮都路里+酒井outlet血拼。10:30am去到東京站大丸百貨的茶寮都路里,早去到所以不用等位,平時聽聞要排好耐。日本有2間綠茶甜品我最愛,一間中村滕吉,最近已經登陸香港;另一間就是茶寮都路里,相信遲早都會降臨香港,唔想到時先排隊排到抽筋,黎到日本就去食喇。 綠茶!綠茶!綠茶!比起雪糕,更加令我著迷的是QQ厥餅,有黑糖漿和綠茶漿配選,兩樣各有特色。 之後去坐巴士出發酒酒井Premium Outlet。東京地鐵站20號出口,一出就見到個巴士站。建議預先check清楚邊班車岩時間,錯過左一班要等好耐先有下一架巴士,不過同鐵路一樣每一班車都好準時,香港的運輸公司真係要學下。 不需一小時,已經到達Outlet啦!酒酒井Premium Outlet出名在地理位置,位於高速公路旁邊,距離成田機場只有15分鐘車程,咁近可以血拼到最後一分鐘。不過都要記緊準時出番黎搭車去機場,唔好買到趕唔到飛機。 (http://factoryoutletstore.info/shisui-premium-outlets/) (http://www.premiumoutlets.co.jp/cht/shisui/) 先去reception放低行李,拎地圖,然後盡情shopping!coach、agnes b、polo、nike、puma、seiko… 好多好多識同唔識的牌子!不過有一個小遺憾,原來無adidas… Outlet買野,睇岩的話記住問一問店舖職員折實的價錢,好多時都有額外折扣和退稅。 買左3個鐘,真係行唔晒。如果專誠黎血拼的朋友一定要留半天至一天先行得晒。Outlet真係好邪惡,無晒現金不特上,番到香港仲有排還卡數,不過大家都買得好開心,哈哈!相比起上次去的三井幕張outlet,酒酒井相對細D少D牌子,不過酒酒井位置真係太方便,好適合一落機過黎或者最後一日黎最後一擊。 拎住一袋二袋戰利品向機場出發,最後行李超晒磅,4個大人一共8Xkg,只怪我太低估我們血拼的能力,下次去個時買機票一定會加磅! 希望各位大朋友小朋友去東京都一樣買、食、玩都咁開心!

Read More

Day 3 【親子遊東京】押上晴空塔+墨田水族館>上野+涉谷shopping>六歌仙燒肉

Day 3: 押上晴空塔+墨田水族館>上野+涉谷shopping>六歌仙燒肉 第三日,本身計劃去上野動物園同長頸鹿玩遊戲,可惜天雨關係,要臨時變陣。之前諗過的迪士尼、西武園、富士急樂園全部都去唔到,惟有改去晴空塔和隔離的墨田水族館。 晴空塔位於押上站,一出地鐵站就到啦。2012年之前,旅客多數去東京鐵塔遊覽,晴空塔建好後,旅客就轉而黎晴空塔,因為晴空塔高過東京鐵塔好多,當然風景好d啦。因為上次已經上過塔,望過東京的風景,今次只係係塔底影張相到此一遊算了。不過為了各位讀者,等我搵番2張上次上塔影的相給大家參考一下。 玩完自拍,轉去水族館,入場費大人¥2050,小孩¥600。墨田水族館乃全日本最大的室內水槽,共有2層,不過比我想像中細,個多小時就行完。 館內有一個貫穿2層的大水缸,最驚訝的是還有一個大水池,旁邊有條樓梯由2樓伸落去1樓,可以由高空到近距離見一大班企鵝仔游水。原來企鵝遊水真係好快! 有好多變色水母,靚過海洋公園。 最後影番張相留念,仲可以印落襟章,小朋友戴住好開心。 臨離開押上,記緊去買Tokyo Banana番去,因為有晴空塔特別版的朱古力味豹紋蕉蕉,做手信一流,有4件裝¥500/ 8件裝¥1050/ 12件裝¥1550。因為太好食,雖然貴少少,都買左6盒番香港派,哈哈! 由於女仕們反映琴日行上野未行夠,所以今日食完午飯特登預留時間再番上野Encore。值得一提,記得入去MUJI和UNIQLO,比香港平好多,HKD30有件MUJI Tee。 除左上野,東京當然仲有好多shopping熱點,視乎你鐘意邊一類型,我打d比喻大家參考一下。我就鐘意平價貨搵正野,要名牌的話留番去outlet先買。 新宿:好多大型百貨公司,如IOIO, 似足銅鑼灣較高級的品牌。 涉谷:小型boutique 為主,地鐵底下有商店街都有好多店舖,有灣仔、葵芳的影子。 上野、原宿:旺角類,似旺角中心較低檔平靚正路線。 秋葉原:毒男宅女朝聖地方,動漫野,打機,電器,不過小心d傻下傻下走左去d 18禁的動漫區域,深水埗來的。 池袋:精品多,較為青春,潮流特區咁款。 到左我最期待的一餐,我早於出發前一個星期打長途電話過黎book, 網上好評如潮的燒肉店—六歌仙。想試的朋友一定要預先book, 因為我們7pm去到,發現如果無book位,要等到凌晨12am先有位,真誇張。我們去了位於新宿的六歌仙,地鐵站行10分鐘,好方便,不過記得上官方網站印張地圖,好清楚教你點行。 有散叫,有套餐,有放題,有sabusabu,任君選擇。不過放題只可食差少少的肉,所以我們全部都係叫套餐跟散叫。叫左好多不同種類的肉,但係到最後都分唔到邊種打邊種,只分到好食d同無咁好食。 埋單每人¥12500,全家人都覺得物超所值。waiter哥哥仲送左一支果汁俾小朋友,好細心。下次會再黎!

Read More

Day 2 【親子遊東京】築地市場>淺草雷門+仲見世通>上野阿美橫町

作者:Wong Yik Fung Patrick Day 2: 築地市場>淺草雷門+仲見世通>上野阿美橫町 第二日繼續食好野!10個去東京9個都會黎築地市場食最新鮮的壽司,要留意築地市場逢星期日同假期會休市,記得check清楚先去。築地分場內市場和場外市場,場內以新鮮的魚檔和壽司食店為主,場外就有好多其他水果漬物乾果店。 去築地搭地鐵好方便,大江戶線的「築地市場」站近場內市場,日比谷線的「築地」站就近場外市場,一般都係係築地市場站落車,先去場內市場再一路行過去場外市場,於築地站搭車走。 好多人話去築地要好早,其實目的係要感受大清早魚市場大拍賣,聽聞要早上5點到達,參觀魚販採購拍賣的過程,如果有小朋友就唔好諗了,事關始終係市場地方濕濕。 我覺得只要中午前黎到就得,因為場內市場的食店大多只開到中午,加上每一間都有長龍要排隊用餐。當然較出名的壽司店(如:壽司大、大和、鮨文)閒閒地都要排一個鐘,其他大約等15-30分鐘。今次食左間叫「丼匠」,同上次的「鮨文」比較,係平d不過魚生係無咁大件既。出名同唔出名真係有少少分別既,建議既然黎到有時間排耐少少食好d!不過呢間都已經好好味,好滿足! 由於間間都係好多人排同舖面好細,個個都食得好快食完就好識做自動起身走唔會霸住個位。 等既時候不仿買串玉子燒試試,由於食完都幾飽,2個人可以share一串小試牛刀。 唔嫌重,買少少水果番酒店食都好唔錯!我們買左士多啤利、蜜瓜、巨峰提子,味道一流。 場外市場有好多小食,自己去發掘一下吧。 去完築地,出發去淺草。淺草最有名氣的景點肯定是富有江戶文化的淺草寺,亦係東京都區內最古老的寺廟。淺草寺的入口懸掛著超巨大的雷門燈籠,一定要影番張相。 大燈籠後面有條長長的商店街,叫仲見世通,甚有新年行年宵的氣氛。簡直是一條手信街,好多野食、精品。淺草是在東京少有可以感受到古代氣氛的地方,值得去看看。唔知日本人係唔係好少講價文化,一路都無見到有人講價。 去到盡頭仲有個用人手泵水的水龍頭,好好玩! 跟住終於去shopping!買左一袋二袋,決定係上野地鐵站租個locker(¥400),放晒入去可以盡情血拼。想一路買但係又好輕鬆唔使拎住咁多野,記得善用Locker,多數地鐵站入面都有得自己入散紙租。 上野的「阿美橫町」步行街好好行,好似旺角咁多野睇。無論男男女女都可以搵到好多潮流衫褲,價錢絕對超值。而最多的是鞋店,除了知名的ABC mart,仲有好多其他小舖,Nike、Adidas、Asis等等的名牌運動衫波鞋通街都平賣。如果你比心機搵,¥2000¥3000一對波鞋,¥1000一件波衫都有交易,不過當然唔好大想頭想平價買到最新款的。我們都一人掃了一對鞋,真開心! 仲有女仕們最愛的藥莊,周圍都有,我就覺得間間都差不多,最緊要你入一間有退稅的。除了買野多,餐廳都好多,今晚隨意找了間普通的居酒屋,學下日本人放工放學去飲兩杯先番屋企,食串燒、飲sake。 今日的行程照顧左大人們,聽日要預備番d小朋友行程先得。

Read More