位於黃埔海邊嘅嘉里酒店，酒店新，在2017年落成，位於黃埔嘅海濱，非常多嘅客房都可以望到無敵大海景，最近仲發現，酒店的內部設計係由香港設計師傅厚民設計嘅，之前住過佢設計嘅St Regis同埋Upper House，係我住過咁多間酒店入面最鍾意嘅兩間，而今次入住佢設計嘅第三間酒店，都會見到房間嘅一啲小裝飾擺設，係同之前我住過嘅兩間相似，今次我哋入住嘅係比較高級嘅超豪華海景房，除咗房間比較大之外，亦都有非常廣闊嘅落地大玻璃窗，感覺非常之好。