29-30/6/2013 – 廣州2日1夜自遊行:上下九步行街、南信雙皮奶、沙面、珠江夜遊、太古匯、廣州塔、廣東省博物館

晉盈遊FANS PAGE (請LIKE!)

話咁快又到我地中學同學離港外遊既日子喇,繼上次去左珠海後今次我地揀左廣州2日1夜短遊。今次最特別既地方係我地唔住酒店,而係住Hostel八人房!係依間不見天日既房間,一人只需50元一張床,係我住過咁多間hostel中最平既一次!依間Hostel叫广州浮城青年旅舍,係2013年4月全新開張,佢最特別既地方係在醫院懷疑潛建的天台上,而醫院是男性腎科醫院,我們只擔心會否訓訓下比人切左個腎,好彩無事…..如果勁窮or想有特別體驗既朋友可以在以下網址預約,他們很快就會回覆的。

地址:广州市越秀区水荫街道广州大道北85号10楼

(红星美凯龙旁边,索菲特大酒店对面) 510620

Tel: +86 20 66690996 电话:020-66690996

Email:  urbanjunglehostel@qq.com

QQ:2573207990

新浪微博:广州浮城青年旅舍

豆瓣:广州浮城青年旅舍

国内订房:青芒果/百酷/游多多


我覺得張床幾舒服同好乾淨。

洗手間男女共用,一隔隔分開,我覺得hostel黎講算好好。

浴室

Hostel在醫院天台,有一個天台花園。

我地在29號在上水集合,到深圳乘和階號到廣州東,搭地鐵去中森名菜食午飯(麻麻地好食,深圳的好好多),之後搭巴士到Hostel。Hostel仲有snooker打,我地都打左幾局!

3:30PM我地搭的士去到上下九步行街行下。

去了幾出名既南信食雙皮奶,我地覺得太甜。

行完上下九我地就行去沙面,一個幾靚既小島。

一切都充滿著西洋風情,我地去左全中國最靚既starbucks飲野。。

之後搭的士去天字碼頭。我一早就book左8:30PM由天字碼頭出發,信息時報號最平的飛,去到買既話係68元,而上網book只要63元!去到counter拿飛後,就去左附近既鴻星飲茶。之後就出發,開始我地既珠江夜遊了!

廣州塔真係好靚!我地聽日就會上塔!

金融區。

珠江夜遊後,我地就打的回到我們Hostel。下圖係我地對面既索菲特大酒店,一晚要960HKD,係我地hostel既10倍。。。

第二日,我地hea到11點先離開Hostel,去了太古匯。基本上太古匯就好似香港商場咁,賣既都係名牌。之後我地在江南廚子食左個brunch,非常令人驚喜的餐廳,好好味!

全部都好好味!

食完後我地搭地鐵去到廣州塔。

我一早網上預約左8張飛,如果去到買上塔E區要150元,網上預約只需要135元,仲要係去到先比錢,抵!我地8個人就省左120元。

一路上,上到108樓(45Xm高)

整個廣州一覽無遺。

記左明信片。

我地用左50元買左一張相,我覺得好有紀念價值呀。

拜拜,廣州塔。

之後坐地鐵去到歌劇院站。

目的地係有月光寶盒之稱既廣東省博物館。未入去前以為好悶,入到去發覺都幾好睇,我幾鍾意自然個part。

之後坐地鐵去到廣州購書中心,我行左一陣就去左仙跡岩食tea!

之後就搭和階號番深圳,在羅湖城的丹桂軒吃了晚飯。可能係我地太遲去到的關系,好多野都話賣哂,無論環境同質數,都係新都店好好多!

我地全程洗費共約760Rmb

Tips:

廣州多人去的珠江夜遊同廣州塔都可以預先book定,網址:http://www.zhujiangyeyou.com/ch/index.aspx?Wharf=1
預先book定並唔洗比錢,係去到先比錢的,仲會平過你去到買。如果你book既係珠江夜遊,佢地會send個sms比你,係去到碼頭counter比個sms佢睇就可以以平既價錢買飛。如果你book既係廣州塔,佢會係你去個日打比你,之後你去到廣州塔打比佢,佢就會比飛你,好方便。唯一既問題係你要一個大陸電話號碼。

Leave a Reply

This site uses Akismet to reduce spam. Learn how your comment data is processed.