澳門開平考察行 8/6/2009-11/6/2009

晉盈遊FANS PAGE (請LIKE!)
自上次參加左通識教育舉辦既石頭記後,不但覺得內容豐富,而且價錢非常吸引,所以今次一知道佢又有新團出發,就在報名日早了一個半小時排隊,結果當然報名成功啦!
今次活動目的,係透過對澳門及開平地區既考察,去了解兩地及香港保育問題的不同之處。自問自己對文化保育的concept是零,非常開心今次可以對有關方面了解多一些*
此遊記會以相片為主,行程為副,所以會同之前的有一點兒分別~

Day 1
從前去澳門係食同訓,今次去左好多我從來無去過既地方,唔錯唔錯~ 是日由早到黃昏都在看不同的建築物~
第一站參觀左媽祖閣,又叫海覺寺~
之後去左對面既海事博物館
參觀完後行去港務局大樓
再參觀左亞婆廟前地,係最古老既葡萄牙人聚居點
聖老楞佐教堂
聖奧斯定教堂
民政總署大樓
食完飯後,繼續行,去到議事廳前地
前地既盡頭係玫瑰堂
玫瑰堂頂樓
之後去左主教座堂
又熱又濕,行左成日,終於都到左大三巴了!
最後到左東亞運動會體育館門外參觀
六點鐘,坐旅遊車去拱北關閘到珠海,第一次經澳門番大陸。在珠海明星酒家食完晚飯後,就坐旅遊車去開平了。經過兩個半小時既車程,終於在9:30PM到達開平海倫堡大酒店了,酒店房間真係一流,不但大,仲有湖景既露台,一個字,正!
Day 2
今日成日都在下雨…好彩我起身有先見之名,換左對涼鞋著~ 
一大朝早去左自力村碉樓群~ 很美麗!
在自力村碉樓上的組員合照~
參觀完自力村,吃過午飯後,就去左參觀謝維立先生的大宅—立園。依度有謝生同佢四位夫人既有趣故事~
有D想買番屋企既碉樓,要$100…都係影張相算XD
上面寫住D咩字呢? 曉香亭? 晚香亭? 其實兩個都岩~ 原來朝早就叫曉香亭,夜晚就叫晚香亭
參觀完立園後去左一個我覺得一個好特別既地方—赤坎古鎮。佢最特別既地方係河邊既一棟棟樓宇,真係幾靚~
在赤坎,有D老婆婆係度賣麥芽糖,6蚊條,我自己就無買,不過見倒D團友食得好似好好味咁,下次去可以試下~
番番酒店既途中去睇左迎龍樓,可以見倒佢分為兩層:一,二層係明朝公元1522-1566年起既眾人樓,而第三層則是在1920年加建的~ 在香港,都幾難搵倒咁Historical既樓宇。
食完晚飯後,有一小時既分享會,討論有關香港,澳門,開平三地既保育問題,我覺得我地組個位出黎present既同學真係好利害,present得好好,真係佩服佩服!
最後我地一齊去左市區既一個超級市場,買左D野食就番歸了~ 番到去同andrew打左個半鐘桌球,就訓了….今日真係行得好累,隻涼鞋又濕哂…
在酒店房影左張低能相~
Day 3
一早起身,見倒今日好似唔會落大雨咁,就決定著波鞋出發了,因為尋日真係行到隻腳好累><
一早露台的影色
一早去左參觀馬降龍村落群,係世界方文化遺產之一,被人說是世界最漂亮既村莊…well,,,我覺得靚就都OK既,但點都無去到”世界”依個層次…
一入到去見倒樓宇既牆壁上見倒D幾特別既壁畫
跟住講解緊既時候有兩個老婆婆同我地一齊吹水
之後上左一間屋
上面既景色
之後行入竹林深處
發現左一座蘆屋
上到去,眼界豁然開朗,整個馬降龍村收入眼簾~
離開馬降龍村,在食午飯既地方見倒個好有趣既物體^^
吃飯後,去參觀左我覺得在開平最值得睇既一間碉樓—瑞石樓。
瑞石樓遠觀
行緊入去既時候見倒好型既牛同公雞~
瑞石樓係一棟九層高既碉樓,因為內外都非常豪華,所以又有開平第一樓既美喻!
之後去睇埋一鄰之隔既升峰樓,係由法國人設計的,又可以見倒一層藍色
無論大大小小既碉樓都會在頂樓見倒依種神主牌
由升峰樓頂層望番去瑞石樓可以望清楚瑞石樓高層
依日最後參觀左風彩堂,我覺得無咩特別~
岩岩見倒一班家長聽緊高考既簡介會
之後去睇一間中學既圖書館
在圖書館休息完後,在出面街道行行走走,買左盒兩蚊既野飲,well…味道就真係見仁見智喇
晚餐前又有分享會,今次佢要我地每個人抽下列其中一條問題分享下~我揀左第四條
在開平既最後一晚,同所有組員篤左三個鍾波~正!
Day 4
尋晚篤波篤左三個鐘,今朝勁眼訓…不過最後一日,無咩所謂啦~ 6:00AM起身,第一站去左一個叫加拿大村既地方,聽倒個名都份外有親切感^^(本人在加拿大出世的) 現在,依條村只淨下一個村民~
第二站我地去左一個已荒廢既村落,旅遊車車我地去村落既入口,之後我地就要穿過D樹林走入去,入到去,見倒D已荒廢既村屋已經比樹根包圍,依個場面我只係在Ankor Wat見過,真係好特別。
真係好有探險既感覺~
參觀完個廢墟後,終於都要搭車離開開平了,,,要搭個幾鐘車先到達食Lunch的地方,真係好,可以訓下!
好快就去到新會了,在河邊食左餐午餐
到到行程既最後,我地參觀左梁啟超故居,佢真係好勁,自己叻之外,連九個仔都一樣教得咁叻!
我地搭3:30PM既船由江門番香港
途中見倒我一直好想上去既旅遊塔
同大東山帶左一頂帽~
四天之旅就此完結,我想我短期內都唔會再去開平了,始終對建築物都無咩興趣,都係鍾意自然風景多D~

Leave a Reply

This site uses Akismet to reduce spam. Learn how your comment data is processed.