深圳2日hea遊 20130331-0401

晉盈遊FANS PAGE (請LIKE!)

復活節有四日連假,頭兩日同friends去左珠海玩,尾兩日當然要同小盈去玩下啦!我地無咩地方好去,所以就決定去深圳hea下。我特別為左今次行程設計左以下單張XD



未到12點就到深圳,我地依2日主要都在大劇院站附近,因為酒店就係萬象城隔黎。

萬象城入面有一間江南味道好出名,未夠12點就巳經好多人在出面排隊。我地排左3個字倒,入去點左幾個菜,最好味都係個小籠飽同個魚頭鍋!

食飽之後就去酒店checkin了。我地今次住Modern Classic Hotel,就係萬象城隔離。

我以988人仔book左間科幻大床房,在頂樓。

由於好貴,對佢都好有期望,最後都無令我失望!

最令人驚喜既係有好多最新上映既戲,有好多都係我地想睇但係又未睇既,結果我地總共睇左5套戲先訓!

離開左酒店我地就行去附近既羅湖書城,小盈去買書,我就去Starbucks睇書,之後就一齊去supermarket買小食。番酒店睇番套戲就去附近新起既京基100行下,佢係全中國第三高,世界第十高既大廈。

不過下面個KK Mall真係無咩野行,我地去左一間韓國餐廳食,都唔錯。

食飽就番酒店睇戲了。

第二日9點起身,再睇埋成龍既12生肖先走!我地12點check out,去左車公廟站搵野食。

食完後去世界之窗出面行下,就搭巴士90號去深圳灣,再搭巴士回家了!

hea番兩日真係幾好,又係時間番工了!

Leave a Reply

This site uses Akismet to reduce spam. Learn how your comment data is processed.