海下-灣仔初體驗 16/8/09

晉盈遊FANS PAGE (請LIKE!)
Maths OcampEarth Sciences Ocamp中間既一日,我同小盈去左遠離市區既海下灣行山,去海下真係好遙遠……我地搭地鐵到寶琳再轉小巴入西貢,去到都已經一點了。今日真係好哂呢,完全適合遊水多過行山,不過哂D都好,至少D相影出黎都靚D

食完好求其既茶餐廳飯後,我地就搭7號小巴入海下了。起初佢話半個鐘頭一班,但係其實唔係的,D車都幾密下,跟本唔需要預時間等車。
坐大概半個鐘倒就去到海下了,行落少少就見倒海下灣泳灘,我真係好想跳落去呢!不過今次既目的係行山,所以都係行完之後睇下仲有無時間先再跳落去啦XD
一路沿住海邊行,個太陽真係好勁,好彩我有齊裝備!
行到咁上下回望海下灣,海下灣海岸公園係香港首個海岸公園,因為其地理環境,孕育出很多珊瑚,海星,珊瑚魚等等,海水清徹見底,比人一種尚未被污染的一片綠州既感覺。
沿路一直行,會發覺土地相當濕潤
我地由海下一路行去灣仔半島
海下灣海洋教育中心現時只接受團體預約
真係好清!
行行下,上幾級樓梯,就到左灣仔了,相信好多人都唔知道香港除左香港島在灣仔之外,原來仲有第二個灣仔的!注意到西貢既灣仔英文係Wan Tsai,而唔係Wan Chai呢!
我地行既係灣仔自然教育徑,首先經過西營既一片大草地
之後見倒感嘆號島^^(其實叫銀洲,不過因為好似感嘆號,所以我同William改左佢個名叫感嘆號島)
一路上斜,其實都唔係好辛苦既路,不過真係太熱了,見倒小盈有抖唔倒氣既表情,所以都行得好慢同多D休息,好彩最後都無事
仲有就係條路好多昆蟲跳下跳下,同埋有D疑似青蛙既物體,所以如果你驚昆蟲既話,最好都係預備有個人抱你行~
再行大概半個鐘,就去到南營
之後就行番海下灣了,熱到成個人都溶哂
海灘好靚!
所以就跳左落去!果然係海岸公園,真係好清,唔洗一陣,就發現左海星呢!依隻應該叫做楓葉白海星
YEAH!
可惜無帶泳褲,如果唔係我一定會成個人跳落去~~
行完後就上番去搭小巴番西貢市區了,結束海下之旅~

Leave a Reply

This site uses Akismet to reduce spam. Learn how your comment data is processed.