晉盈遊FANS PAGE (請LIKE!)
今日都算係苦悶既一日,坐車坐到傻左,坐左兩程車,由波蘭既Krakow經斯洛伐克到匈牙利既布達佩斯,加埋坐左七個鐘……好彩,都唔係成日都坐車,都有得行下街,市內觀光既~

一大早起身,我地離開左只係住一晚既hotel

坐左幾個字車就去到krakow既舊城區喇~ Krakow係波蘭既第三大城市。 抬頭一望,已經見倒一座城堡,可惜我地無機會上去..

沿住小巷一路行入Main Market Square,因為仲好早既關係,沿途商店都未開門,休閑的當地人,和街旁特色的建築物,讓整個環境變得很舒服

行到入main market square,最觸目的都是右側的St. Mary’s Basilica吧!

St. Mary’s Basilica. 好可惜佢當時不向外開放..

廣場旁的打水機,可以將地下水打出

廣場中央的Adam Mickiewicz Monument

去到的時候,路邊的小攤檔開始作業~ 我當然不可以錯過機會,買了一個水晶球!

我好想知道E種恐龍公仔在Krakow有咩故事

在廣場閑逛了約半小時,就要走了。因為我們要離開波蘭既關係,要洗哂所有波蘭散紙,方法是:將所有散紙給這位賣包人,隨之換來的是七個包,原來都好好食呢! (最後將食淨的三個包比左司機)

旅遊車就停泊在维斯瓦河(Vistula river)附近,她是波蘭最長的河流~

離開Krakow了,一路坐坐坐,終於來到休息站~ 呀爸帶我地一齊做體操

波蘭與斯洛伐克的邊界

落車既時候都已經一點幾了,一落車望望周圍,已經知道我地已到達了Slovakia

我地去到斯洛伐克既第六大城市—Banska Bystrica,佢係斯洛伐克中部既一個城市,作為我地既中途站

我地先到了一間地道餐館食西餐,睇個樣都知…不太好食…

之後有一個小時時間在main square (Slovak National Uprising Square)行行走走,結果同表弟行左好多路。廣場兩邊都有大大小小不同的商店和餐廳

Clock Tower, 在右手面的是 St. Francis Xavior Cathedral

一個漂亮的噴泉在廣場中央

3:30PM,我地又要繼續搭車了……沿途風景如畫,睡覺之餘,亦不忙看看風景

終於到了匈牙利的首都—布達佩斯,Budapest了!一個我認為在今次東歐之旅中最美麗的城市,可惜沒有時間細味…..如果有機會,一定要再去多次,留多兩三日!

第一站到了Budapest Heroes square

落住毛毛細雨的Budapest,有點寒意..

Heroes square被兩座差不多的建築物相夾,分別是Museum of Fine Arts和Palace of Art

之後我地上左最高既山丘—Gellért Hill(蓋萊特山)

在山上,可以俯瞰整個布達佩斯。布達佩斯其實是由布達和佩斯組成的,左邊比較多山的是布達,右邊的佩斯則上廣闊的平原,他們都被黃色多腦河分隔著。如果不是陰天的話,景色一定很美很美!

山上有一個很高的自由像—Liberty Statue

山上面越黎越凍…我著左外套之餘,其實仲有冷衫在內xd

我地是晚在山上的餐廳食匈牙利特色餐~

非常欣賞佢地的民族歌舞表演,真係好特別,好精彩!雖然食物唔係特別好食,但環境可以比80分

一出到去,布達佩斯的夜景立刻放在面前,夕陽在布達的山嶺上徐徐下落,但雖然已到晚上八九時,但他還像不想離開地平線似的

今晚住Ramada Hotel,因為又安排唔倒三人房,所以又比左間單人房我^V^

明天可以在多腦河遊船河~~

Leave a Reply

This site uses Akismet to reduce spam. Learn how your comment data is processed.