東歐之旅-Budapest,Bratislava,Vienna Day5

晉盈遊FANS PAGE (請LIKE!)
好快就去到第五日了,今日既行程係在布達佩斯玩一個上午,然後坐車到斯洛伐克既首都–Bratislava稍作停留,再到維也納聽音樂劇。

本來打算一朝早天都未光既時侯同呀爸表弟去多瑙河睇日出的,不過實在起唔個身…唉,人老左,無辦法~但係都無所謂,六點鐘終於起倒身,趁仲有D時間,去左酒店的Spa浸番幾個字,聞說布達佩斯的溫泉水很有名,而且又免費,點可以浪費呢

酒店望出的景色

今日真係天公做美,真係非常好天呢!我地第一站去左遊船河,根據我既經驗加推理,所有有河既大城市都有得遊船河的~ 不過,多瑙河既船可真係遊幾多次都唔會厭,因為布達和佩斯兩面既景色實在太靚了!好,登船先~

一見倒既係Hungarian Parliament Building

多瑙河與匈牙利國旗,後面的是Margarat Island


後面的是鏈子橋,絕對係布達佩斯既地標

Matthias Church

尋日去既地方—Gellert hill上的liberty statue


其實城市裡有好多條橋連繫著布達和佩斯,每一條橋都各具特色
Liberty Bridge


Petőfi Bridge

懶下型先XD

The Buda Castle

真係好好天呢!45分鐘既行程轉眼就完結了…

遊完船河後,我地坐車去到Budapest北面既一個小城—聖坦德(Szentendre),又名希臘小村。在希臘小村,幾乎所有人都係遊客,成條街都條商店,其中以小手工藝品,衣衫居多,因為價錢較市區平,吸引左無數旅客離購物,我都唔執輸,買多幾個我的最愛—水晶球先!

Main Square

買了兩個戰利品—一個係漁夫堡,一個係布達皇宮^^

因為仲未夠鐘,呀媽同呀妹又在Shopping既關係,我同呀爸去左行D無咁多人行既小徑~ 入口:

一路上一路上~~

多瑙河上游近在眼前!

上完後落番去,好有歐色古鎮既感覺

之後去左食一餐中餐,講真,我真係好討厭跟團迫人食中餐,難得去到歐洲,就試多D唔同國家既菜色啦!最慘就係要對住Mr. Tong

之後去左St. Stephen’s Basilica,Budapest第二高樓,僅次於Hungarian Parliament  Building

教堂對面有好多得意既擺設,好似有咩咩festival

背向鏡頭的是蕭太,團友之一,為人風趣,非常愛狗,家中有四狗,每見可愛的狗,都會替牠影相。在香港人眼中,如果拿著相機的是男人,也許相中女子認為該男子另有拍照目標,要收菲林;但在歐洲人眼中,則任影唔嬲~ 我想講既係歐洲女子著衫真係暴露到不得了,好似唔露乳溝有罪咁,遲D去到布拉格情況仲嚴重,年輕貌美女子露也罷,最慘係見倒D中年醜婦都著得異常開放…真係可憐左一對眼睛

在離開教堂時,呀爸在街上執倒1500捷克錢,相等於$6X港幣,起初仲以為係笑笑小電影有人整估,點知又唔係wo~ 結果我地緊係妥善使用啦*

終於到了在Budapest最後的景點—漁夫堡(Fisherman’s Bastion) 所有遊客必會一到的地方

Bronze statue of Stephen I of Hungary

入面既廣場

執到既1500CZK,有500CZK捐左比表演音樂的人,其餘的比左漁夫堡維修的用,但因此我和表弟可以上城牆上影相~

在上方回望廣場

終於要離開Budapest了,短短兩日(都無),好似有好多地方都未去過,又未行過市內既街道,有機會既話一定要黎多次!

離開Budapest,我地又驅車前往Slovakia既首都—Bratislava(布拉迪斯拉發)
沿途既景色真係可以做wallpaper

Bratislava,多瑙河的景色

在市區過馬路時,看到一個很窩心的場面^^老公公老婆婆成程都拖住隻手

兩名高人在巨大棋盤下比賽,吸引了大批觀眾~

Slovak National Theatre,在Hviezdoslavovo námestie (市政廣場) 內

市政廣場內有好多得意既雕刻~

Hviezdoslavovo námestie,在bratislava最popular既廣場,廣場中心被大使館包圍

在廣場攤檔買了個水晶球^O^成個廣場入面最後一個呢!!!

好得意既surface

Nový most bridge,在Bratislava出名的一條橋,上面有一個UFO物體,可以吃飯和欣賞多瑙河的景色,也是運輸的中央控制的地方

由Bratislava去Vienna只需要九個字車程,真係好近,一入到奧地利景內,即刻可以見倒好多風車,不愧奧地利被稱為最環保既城市

去到奧地利,食埋晚餐都已經七時多了,係音樂之都維也納,一定要做既事係咩?當然係聽Musical啦!我地好幸運可以去到維也納最高級既音樂院—Vienna State Opera (Wiener Staatsoper) 聽Musical~ 

淨係外面都氣派不凡!

戲飛:

所有人都在等入場呢~

天台的設計

場內容納到千幾個觀眾

COOL!

一家人排排坐等開show
出來了,一個個古歐洲做型既音樂家魚貫入場,演奏之餘,亦有男女高音演唱,在無用咪既情況下,仍然可以運用中氣唱至全院人都聽到,真係勁! 美中不足既係旅遊意味較濃,係左個種享受音樂既氣氛”
在Break既時候與Mozart時代打扮的人合照
牆上有很多著名音樂家的雕刻
又開場了~
藍色多瑙河——聽出耳悠!

快樂既兩小時轉眼就過去了~

回到酒店…累得一合上眼便昏迷不醒~

Leave a Reply

This site uses Akismet to reduce spam. Learn how your comment data is processed.