東歐之旅-華沙 7/7/09-18/7/09 Day1+2

晉盈遊FANS PAGE (請LIKE!)
我們一家四口6:00PM在家吃過飯後,準時在8:30PM到達機場會合表弟後,就一齊出發,展開十二天既東歐之旅了我地今次參加左康泰既豪華團,連埋我地五個total得十六人,十分之好既人數~ 以為參加左有番咁上下價錢既團,D團友應該係全部正常人啦,點知事實並非如此…..>< 
路線圖



From Google Earth

11:00PM起飛,搭AIR FRANCEPARIS再轉機去WARSAW….total要十八個鍾一上到飛機就訓了,都訓得唔錯﹗但係坐係我隔離個個鬼婆由頭咳到落尾好心就有番D公德心帶番個口罩啦,最後我終於頂唔順佢自己帶口罩><
6:00AM去到PARIS,係機場影左幾張相,又出左去感受一下久違了的巴黎空氣,等呀等,9:05AM又上機了~
在Charles de Gaulle Airport等機時無聊影的
上到飛機食完早餐,訓左陣就落機喇。一上到車一個中年男人自己霸左四個位! 搞到我地五個唔可以一齊坐,呀媽好聲好氣問佢可唔可以坐前一個位,佢又唔肯郁,結果要鬧佢走佢先肯走~
華沙落住毛毛細雨,十八度倒,好舒服既天氣離開機場搭左半個鐘車倒就去食Lunch了,係波蘭特色午餐,都幾好食~
不過不幸既事情就發生了….同我地同桌既個個中年男人(無錯,又係佢),嚴重極度不善交濟,同佢食飯好似應酬咁天呀..之後個十晚都要同佢一齊食”””
(主角介紹: 唐生,又叫自己做David,懷疑中左六合彩發達既獨行俠,頭髮長期處於濕漉漉狀態,應和不喜洗頭有關。口中只會說共產黨,同人講野自己有自己講,人有人講,不懂何謂”溝通”,行為古怪….講住咁多先)
食完之後天氣好好呀,太陽都出來了^^
路旁的小食檔
第一站我地去左Chopin公園,蕭邦係200年前在波蘭出生,係波蘭最偉大既音樂家,依個公園就係為紀念佢而建的,都幾靚~
離開時途經華沙市最高的大厦—The Palace of Culture
參觀完蕭邦後,我地就去左聖十字教堂,原本普普通通既教堂,因擺放左蕭邦既心臟而出名~
Here rests the heart of Frederick Chopin
係教堂既隔離有個哥伯尼銅像,哥伯尼係波蘭五佰年前既一個著名天文學家,因發現地球係環繞太陽而行而出名,原本以為佢會比教會迫害而死,但原來佢係七十歲時病死的,都叫善終呀。
之後去左參觀無名英雄墓,紀念二戰時被殺害既波蘭人。波蘭既天氣真係變化多端,明明落車時仲落緊雨,過左一陣就天朗氣清了~

無名英雄墓後的噴水池

跟住去到華沙古城區,好有特色既一個地方,所有建築都充滿住詩情畫意~
買左杯icecream食,5~
見倒好多好靚既水晶球,一定要買!!!
區內既廣場正中係波蘭地標—-美人魚像
個廣場好似比利時既廣場
Old Town的城牆
經過居禮夫人既故居 (好奇怪地入面係賣印度野的“””)
最後去參觀悼念二次大戰死亡既猶太人紀念碑,之後食飯番酒店了~
食中餐的時候…….David和吃西餐時完全不同,每當侍應上菜時,David的雙眼都會叮住碟菜,一上到轉盆,就會以一秒都唔洗既速度將之轉到面前,再夾一大塊到碟上,就算自己個碟滿載食物,依然見倒一有碟上..就夾,搞到成個碟都係食物,依D叫真正既生人霸死地!
David.
酒店望出去既view,可以見倒華沙既鐵路,係華沙既一大特色,日落時已經十點了…

Leave a Reply

Your email address will not be published.

This site uses Akismet to reduce spam. Learn how your comment data is processed.