晉盈遊FANS PAGE (請LIKE!)

又係晴朗的一天~ 講下我地間酒店先,名字叫nhude,係維也納機場隔黎,都算遠離市區,要廿五分鐘車程,不過亦都可以選擇搭「機場快線」直去市區,需10 euro


我地第一站去既係維也納市區既皇宮—美泉宮,亦叫遜布倫宮 (Schonbrunn Palace)

依個傻佬入親D關於歷史既地方就好開心,仲要我幫佢影「型」相~

因為皇宮入面唔可以影相,而且守衛深嚴,偷影唔倒…所以乜都無影…好彩之後出左黎可以影相。個御花園好大好靚呀!依種係法國式設計,所有樹木,雕塑,道路,噴水池都經過精心設計;相反,英國式係比較雜亂的。

在Palace向著Neptune Fountain(噴水池)和Gloriette(凱旋門) 影的

The Palace

齊整的花園,佔地N平方米,僅次於凡爾賽宮

Neptunbrunnen (Neptune Fountain) 

回望宮殿

起初以為行上觀景亭好容易,點知D路要之字型咁行上去,而且都幾高下,只有我同表弟同少數團友行上去~ 旅行團唔好既地方永遠都係自由時間不足

上到去了!行到身水身汗”””

YEAH!

同整個維也納合照先

The Gloriette

花園旁的雕塑

我覺得個天好靚^^

只有四十五分鐘自由時間,行上去再行番落黎都用左半個鐘多D,本身諗住買個水晶球,都無時間買就要離開了”””

之後我地市內觀光左一陣,我企在兩座一模一樣既建築物中間,左邊的是Naturhistorisches Museum (Museum of Natural History)

右邊的是Kunsthistorisches Museum (Museum of Fine Arts) 我留意左一陣,發現佢地唔同既地方係…….自己搵啦

之後行左去對面街既廣場,聞說希特拉係度演講過

見倒呀妹係度影無聊野,我又搵番個toilet影先XD

我都係鐘意個天~

聖母像

街邊的賣藝者,依個人成日郁黎郁去,一D都唔專

雕塑的頭係降落既地方

路經Austrian Parliament Building,出面係Statue of Athena

好,終於吃飯了!今餐係齋到爆既「特色豬扒餐」,叫Wiener Schnitzel,我只可以講…大家樂都好食過佢

仲有個漏到爆既chocolate cake,叫Sachertorte….食左幾淡就頂唔順。

係餐廳外同莫扎特朱古力人影相先

The sucession Building

之後我地黎到好特別既「古怪屋」(Hundertwasserhaus)

點解呀爸會攤左係街上面呢?話說我地一落車既時侯,呀爸發現左自己個背囊漏左係豬扒餐個間餐廳wo…佢就即刻好驚,因為入面有blackberry同電話wo~ 即刻同領隊講,領隊又打去餐廳,之後餐廳話見唔倒wo…咁呀爸就唔知點咁啦,點知領隊講多幾講,又搵番wo~ 呀爸即刻笑番,放鬆地攤在地上

古怪屋

古怪屋係一間apartment house,底層有好多商鋪,賣好多手工藝品,但係千祈唔好係入面買野,因為會貴好多,只要行出幾條街,就會有好多平好多既商店

在古怪屋內買的水晶球,也是給小盈的手信^^
~Mozart~

\

離開古怪屋後,去左維也納既森林區既地下湖,係全歐洲最大既地下淡水湖~

結構圖

入去既通道只得9度….

入面既雕塑

話說當年希特拉係地下湖入面製做世上第一艘噴射機,部份殘駭仲係入面

當然,依架野緊係新加入去啦

仲有隻仿真青蛙

同埋仿真歷史最長之一既魚,現在只有斯洛文尼亞先有

一路行落去,終於見倒個湖了~

我地遊湖河既船,佢由黑暗中前來,一D聲都聽唔倒,真係好好好細聲

遊湖河既時間只有二十分鐘倒,全程都有音樂,但係因為太黑,咩都影唔倒…不過都拍左個Video~ 

坐車離開既時侯,經過紅軍紀念碑,奧地利人覺得依個係一個恥辱,但係又唔可以拆左佢wo,所以唯有加個噴水池係前面遮住佢~~ 係咪好聰明呢!

我地係維也納最熱鬧既旺區解散,自由活動個幾鐘,我當然唔放過E個機會,自己一個人行得幾多得幾多,盡最大努力感受E個城市啦!當然,仲要買我最想要既水晶球!

St. Stephen’s Cathedral

行行下,係教堂既對面,有一班人表演跳舞,吸引左好多人圍觀。身處音樂之都既我,都引唔住要停低一下,駐足欣賞

奧地利係Swarovski既原產地,其商鋪果然也裝飾得美倫美喚

行左好多好多手信店,我終於決定買這個水晶球,唔單只佢係奧地利地圖既縮影,最特別既係只要一拎起佢,就會自動播放音樂,體驗到依個國家既特色!

行左個幾鐘,一條友行番去我地今晚食既餐廳…見倒幅相都知,又係中菜…不過今餐dinner有好特別既事情發生:

話說David食中餐既時侯,總係一直在領導地位,就係所有一放下既飯菜,都會即刻拿到自己面前,再夾一大塊到自己碟上。今次亦一樣,夾左一大塊豬手,炒蛋亦最少食左成半碟。呀妹今次岩岩坐係佢面前,見倒佢既無禮貌,終於忍唔住,係咁大聲暗串David,所有人都feel倒有野~

最後,走既時候,呀媽都同其他團友講David幾咁難頂”””蕭太最好笑,佢話:「我都唔知我同老公黎旅行定係自己黎旅行,個老公成日要同David傾計,自由活動既時候又跟住我地,連食早餐都要同我地食!」

最後,我地去參觀Johann Strauss 的雕塑,佢就係藍色多瑙河的作曲家

番酒店了。在機場的超市買了很多枝水,諗住買多幾支平野之後幾日唔洗買~ 到最後緊係飲唔哂啦!

今日坐車番緊酒店時心諗,自己為買水晶球花左好多心機,成日係度搵邊度有更靚更更合我心水既水晶球,期間都真係好苦惱,但當我今日成功買左兩個我好鐘意既水晶球,一個比小盈,一個比自己既時候,真係好開心

Leave a Reply

This site uses Akismet to reduce spam. Learn how your comment data is processed.