晉盈遊FANS PAGE (請LIKE!)

「我就站在布拉格黃昏的廣場,在許願池投下了希望,那群白鴿背對著夕陽,那畫面太美我不敢看 」

到達布拉格時已經五時多了,我對布拉格其實係充滿期待的!因為呀爸年多前黎過開會,話布拉格係一個好靚既地方,而且,蔡依林既「布拉格廣場」亦都係我當年好鍾意聽既歌,歌詞仲記得:「我就站在布拉格黃昏的廣場,在許願池投下了希望,那群白鴿背對著夕陽,那畫面太美我不敢看 」。究竟布拉格係咪如歌詞所講一個咁靚既地方呢?依兩日終於有機會睇清楚了!

果然係一個大城市,一入到去就塞車…見倒一棟好特別既建築物,叫The Dancing House,真係好似跳緊舞咁!

Vltava River,捷克最長既河流。就係依條河,在布拉格造出好多迷人既景色~

終於到了第一站—布拉格城堡 (Prague Castle)

好有氣勢,整座城堡屹立於高山上

城堡內

St. Vitus Cathedral,在城堡內的一所大教堂,歌德色建築風格,依座教堂有住好長既歷史

軍人?操練

個人覺得佢唔係太professional,個樣成日郁黎郁去,不過都好過隔離個個,好似吸完毒咁,成日郁黎郁去…

離開了

這個人是Czechoslovakia的第一位總統—Tomas G.Masaryk

城堡外既空地,面向整個布拉格

IT IS WONDERFUL!

我地咁興奮,緊係要做多D高難度動作啦,請勿無彷XD

依個就係我地個領隊喇,佢依個動作好似希特拉,其實佢係度點緊人~~

晚餐食波希米亞特色餐,其實咪又係普通西餐,不過值得讚既係佢係城堡旁邊。David被安排與另外兩位團友一齊,睇倒佢一句都無講過,暗笑~ 

食完行出去時已經8:10PM了,但天仲係光,見倒一班人玩緊依D車,即刻諗起叮噹既大長篇「迷宮之旅」,最後人類會因此退化…連步行既能力都無

黃昏的布拉格

番到酒店都九點了,今晚住三人房~

呀爸在上網看成績,究竟今個sem佢會拿咩grade呢..成家人都為佢緊張XD…A呀!!佢即刻極度興奮!

所以,我同表弟就同呀爸一齊夜遊布拉格興祝喇!
P.S. 依條曾經係最多布拉格人跳橋自殺既橋,但現在已加高鐵攔阻擋

我地住在Holiday Inn,行少少就到達地鐵站了

地鐵內…撞倒領隊,佢話由第一日開始已經知道David係個特別既人,佢仲話單身報團既十個有八個都係咁既人

我地要去Charles Bridge同布拉格廣場,所以要轉車

到了!天已經差唔多黑齊了~

布拉格皇宮…非常之靚

睇完夜景後,再行去布拉格廣場

古天文鐘,非常多人在等待著11:00PM會有咩事發生…結果…個鐘只係響左幾下,咩都無發生”””

布拉格廣場—非常多既熟食攤檔,非常多既性感美女,非常多既垃圾,睇黎,夜晚黎到依度並唔係體驗廣場之美既好時間,我地只係逗留一陣就離開了,反正聽日還有時間再來!

回程時又搭地鐵,都幾平,只係0.8Euro。值得一提既係,地鐵既門係要禁制先會打開的~

回到酒店…成身散哂…沖涼訓覺!

Leave a Reply

This site uses Akismet to reduce spam. Learn how your comment data is processed.