同之前個兩日一樣，我地8:45AM先起身，十點出發。今日成日行程都係我編排，好過癮！首先我地搭MRT去Raffles Place，一出出口，就見倒美麗既河邊景色了~~
依度都好似Clarke Quay，唔同既就係無左尋日既熱鬧。
我都想好似佢地唔赤裸裸跳落水游水！>V<
其他FD都跳哂落水，仲唔快D?!
D鬼佬真係識嘆，係新加坡最出名既The Fullerton Hotel既cafe對住個海食Brunch
行左十分鐘倒，終於行到新加坡既地標—The Merlion了！其實只不過係個10幾米高既噴水池，呀爸先前都話無野睇的，但我話難得黎到，點都要黎睇下既~
望倒對面既榴槤劇院(Esplanade)，下次有機會都要入去睇下
望向右手面係08年4月先落成既Singapore Flyer，仲高過London Eye，要30分鐘先轉一圈，呀媽話好想玩，可惜我地唔順路，下次有機會都一定要玩！
Show下D kai相先XD
1. 飲水
2. 吐水
3. 同日本靚女影相
睇完魚尾獅，行完間Sovenior shop(先祈唔好買，勁貴勁搵笨)，我就好醒咁拎住本地圖由魚尾獅行去牛車水(China town)了！
一路行行行，經過商業區
行到差唔多，見倒一間博物館，入去睇睇先~
係條街見倒好多雕塑~
呀妹扮古代淑女，係裙又幾似!
行左半個鐘倒，黎到China Town既邊緣
我地入左旅遊書介紹既亞坤咖啡店–咖央多士一哥
叫左兩個早餐，咖央多士加半熟蛋，好有地道感覺！
食完後飽飽地，行一陣就去到牛車水最旺既市集了~
連天台都有牛，我地仲唔係到左牛車水！？
入到市集入口，我地即刻展開買平野大行動！
人力車
呀爸既表情implies呀媽既體重？
行行下見個一間講述新加波歷史既博物館，呀爸同呀妹此等愛好歷史之人當然唔放過！我同媽只好周圍行下~
呀爸同呀妹係入面影既古代照片：
1. 發呆的姑娘
2. 市井流氓
3. 古代製衣機
與此同時，我同呀媽就繼續周圍閒走，第一站我地去到林志源買最出名既肉乾
之後去馮滿記買藥油~
接著我地去搵下食野既地方，話說呀爸十幾年前黎新加坡時好懷念街市食飯既感覺，我地就去睇睇食飯既環境
發覺係…..又嘈又迫又熱，呀媽即刻話不能接受”””
結果，我地一等到妹同爸出黎，就去左一間叫譚家翅既菜館，同頭先比，無論環境同食物都無得比…
D魚翅一汁汁，正！
魚翅撈飯，今日終於有機會品嘗，超好味！
食到超飽…..
呀爸自柏林之後第二個幸福既表情^v^
甜品仲有燕窩飲品同榴槤雪糕(佢送的=])
食完飯都已經兩點三點，行過間shop，竟然1 for $4！！！我買個個係1 for $8….唉，都好，比我知道全新加坡應該最平既Sovenior Shop係邊…
由於飯氣攻心既關係，全家回酒店午睡兩小時Zzz………..
我身為領隊緊係無訓啦(只係浸左個泡泡浴)，係佢地訓哂既時候我就搵緊夜晚去邊度食，終於比我上網搵倒，放下心頭大石~~
訓醒覺都五點半了，我地下一站係小印度(little India)，搭地鐵幾個站就到~ 一去到既感覺係，真係好印度，係第一眼望倒既生果店，已經比我感受倒當日我係新德里買芒果既感覺！呀媽第一件事，就係去紋身=.=
佢三分鐘就搞掂，真係勁！
之後我地周圍行下，相比牛車水，小印度真係冷清好多，我地去左印度既食物中心飲拉茶~
其實同普通奶茶無咩分別…..
飲完茶上一層，去到印度既服裝區，本身諗住買隻印度鞋比小盈的，可惜搵唔倒…睇下呀爸同呀妹行得幾開心XDD
係離開小印度前，我地買左幾個印度生果~
晚餐我選擇左係芽籠區，即係紅燈區食一間叫做無招牌海鮮既酒家，一去到見倒咁多人，都知今次無揀錯！只要搭地鐵去Aljunied站A出口，直行就到。
叫個菜先~
黎依度最緊要就係食橋底辣蟹，隻蟹鉗仲大過我隻手！XD
好好食既一餐~~
之後老闆介紹我地去隔離食豆腐花，不過都麻麻地..
最後我地去到榴槤街，果然好多榴槤，有D24，仲有好多唔同既種類..
呀媽同呀妹最鍾意食，我同呀爸得個睇字…真係唔知有咩好食”””
最後，我地搭番MRT番酒店，聽日就係最後一日了，真係想玩耐D！
