新加坡休閒遊@聖淘沙+Clarke Quay Day2

晉盈遊FANS PAGE (請LIKE!)
一番學就無打過blog了,新加坡打左一日就爛尾,諗落都覺得自己好懶””” 難得今日颱風巨爵比左一日時間我,我就一口氣打哂去啦!
今日8:45AM起身,上lounge食早餐,十點就係酒店出發。今日我地會去既地方就係新加坡南部一個渡假島—聖淘沙。去聖淘沙都幾方便,搭地鐵去Harbour Front,之後轉去搭吊車就到了。在吊車站,有六種唔同既套票買,每個都係去唔同既地方,都應該幾抵既,不過抵幾多就無計到。我地一家人買左四張tour 9既套票,加埋都成千幾蚊,分分鐘貴過Disneyland。

好彩今日唔係假日,唔係好多人去,如果唔係排隊實排到死。

一齊坐吊車^^
吊車衝出大廈15樓,膽小既都幾驚,,~
對面既就係聖淘沙了,大興土木既地方將會在2010年成為賭場
望倒獅頭,原來新加坡有三個獅頭,都係政府許可既,一個係堅個個,一個係在聖淘沙,一個就係花柏山。依個獅頭英文叫The Merlion,係聖淘沙既一個景點,不過我地無去,上去一次要S$10。
好似坐左唔係好耐就到了。
一入到去就有個導遊,佢話叫我地入個Sovenior Shop等一陣,等齊人先教我地一齊去搭巴士同參觀,其實移家諗番都幾哂時間,我地根本自己行都識,唔洗佢帶。在Sovenior Shop行左一陣,見倒張卡想送比小盈,哈哈,不過唔想比佢咁容易賺錢,影底當買左^^
依個就係我地個導遊,我真係好羨慕佢一口流利既英文,同佢考oral一定比佢屈機~~
我地第一站去左Underwater World,要搭巴士去的,其實Underwater World就同海洋公園既水族館無咩分別,不過最特別同最有趣既就係可以用手掂D海星同魔鬼魚!!!
一入到去就玩下海星先XD
依隻海星諗落都覺得佢幾慘,成日比人拎起再放低…
之後就去隔黎個魚池玩魔鬼魚,除左掂佢之外,仲可以餵佢食肉呢~~
之後就去左睇魚,依一隻十足K形咁,身體90度屈曲=o=
依隻八爪魚仲恐怖,成隻宇宙腦魔咁….
水母就唔同了,好靚~
水族館入面有條迴轉形既自動電梯海底隧道,都應該係成個underwater World既主打,有83米長。
海底~
上番去見倒仲有時間,呀唔爸又作出哂錢既行為,就係買左包魚肉餵魔鬼魚。餵魔鬼魚係有技巧的,依度就唔講lu XD
佢同我笑
之後出番Underwater World,等巴士上番Imbiah,即係吊車站個度,等緊車既時侯望去海灘,好有渡假既感覺~
之後去玩3D影院,模擬坐過山車咁,都幾好玩~~最好玩就係睇倒呀媽好驚個樣>v<
玩完出番去見倒好多生果,但係好似唔多新鮮
唔知點解生果隔黎有隻穿山甲=.=
都差唔多一點半了,去食中午飯~ 我食左個海南雞飯,一D都唔好食…D雞一d雞味都無….
呀媽食叻沙,好似幾好味咁
食完之後繼續玩!我地去左玩Sentosa Luge & Skyride,就係坐住架車由十二層樓高既山坡滑落去既玩意~~我地成家人都覺得最好玩係E個,真係好刺激~~
滑完之後有得坐吊車吊番上去~
吊車上望番我地碌落黎個條路
聖淘沙南部人做沙灘既景色,D人做島好得意~
玩完之後就坐巴士去Dolphin Lagoon睇海豚表演,其實相當無聊,差過海洋公園(雖然我都好耐無去過海洋公園睇海豚表演),至少海洋公園個看台高D,可以高角度欣賞,而唔係好似Dolphin Lagoon咁坐係個沙灘上面焗桑拿….
有個唔知係邊度黎既小妹妹落左去同海豚玩
海豚跳起掂波,我覺得個lagoon實在太大了,好難focus係一個地方欣賞海豚
呀媽同呀妹比左70蚊同海豚影相,我個陣發緊脾氣無同海豚影
之後去左玩「比魚咬」
第一次比魚仔咬死皮既感覺係—都幾過癮!有少少痕痕地既感覺,好新奇~
呀妹直程比魚咬完一次之後上左癮,成日都話想再黎~~~
幾多魚仔咬我隻腳
唔知係咪因為我太多死皮,D魚仔咬得太過起勁,結果…..咬到飆血 =[
睇下最底下個條魚仲想游上黎幫我啜血….
之後我地一齊按摩~
離開左Fish Reflexology之後,佢地想去睇4D影院,我就想去亞洲大陸最南端,所以我地分頭行動。
見倒有人玩空中飛人,我都好想玩!
自己一個沿住南面海灘行,好快就去到最南面了。
依條橋就係連接去最南面既小島,點知封左…..大失所望…….
係我大失所望既時侯,呀妹已經在玩4D戲院玩到依個樣了
我地一齊集合之後,就諗住離開聖淘沙了。走之前,都要影番張相留念,以下兩張相,你地覺得邊個似D?
由聖淘沙搭番去Harbour Front Tower 2,但係我地可以唔落車,繼續搭去花柏山。
花柏山上
遠眺聖淘沙
我地夜晚去到Clarke Quay,係新加坡好出名夜生活既地方,酒巴餐廳開到成街都係,一出地鐵站,企係河邊,覺得條河好靚~
我地去左一間叫Hot stones既西餐廳,同香港既Stone grill一樣,都係比舊石你燒扒食
我地要左個Sashimi,好好味!
之後order左四個扒,因為佢做緊promotion,好似係八點前order買一送一,所以我地E餐都幾抵~
個人認為D肉太多油,食頭個幾塊都OK,但食到最後已經唔想再食…
食完之後去左周圍行下
廣場
依間叫做Clinic既餐廳,成間都係以”Clinic”做主題
行到最後見倒,,就係一棋個連睇都覺得恐怖既自虐遊戲,玩家會走入個吊籠,再突然間以200km/hr衝上天,問你死未….
睇完亡命表演後,今日既旅程亦就此結束~~

Leave a Reply